Daniel 4:31 - Bible azumeina

³¹ Ata yima amulâ nga mi de zla ndata tua na, dela ti tcholï akulo, ti dum ala: Amulâ Nebukanezar, ang huma! A hle wa leu manga woi abong da’!

Daniel 4:31 Kruisverwysings

Ad’u Tinda 14:18

Melkisedek amul ma Salem-ma ni ma ngat buzuna mAlo ma sä akulo ma kal teglesîna. Mi mba, mi havungôna ki süm guguzlud’a mi Abram.

Wana ni mbaktumba hi Job-pa 20:23

Ata yima mi min tam á hop hayama, Alona mba mi mba kayî mam ma bibiliuna kamu, mba mi sumzi kam kä á mbut te mama.

Sawal la giled’a 145:13

Amul mang nga ted’a ni d’a didinda; ang nga tamula ni kur atchogoi d’a lara ge pet.

Zla d’a d’ogolâ 29:23

Yam mba ad’enga hi sanid’a nga d’i hulongôm yam kä, wani sama lulumana, a mba hum ngola.

Isai 14:27

Ma didin ma ad’engêm kal petna, le mi nga hurum á le va ni, ni nge mba mi d’elem ge? Le mi zi abom kam akulo ni, ni nge mba mi hlum mbei ge?

Daniel 12:7

Sama tchuk baru d’a luluîd’a atama, mi yo abom akulo hur alona ki zla tam djak. An hum mi dala: An gun tan ki simiyê Alo ma gak didina. Ahle ndazina a mba le gak bizad’a hindi ki nusa, a mba dap pei ni fata ad’enga hi suma hAlonina mba d’i dap peid’a.

Daniel 4:24

Amulâ, wana nad’u adï ndata. Wana ni nga hur ma Alo ma sä akulo ma kal teglesâ mi ngam kang ang salana amulîna!

Daniel 4:26

Vun ma he mala a aram abuwam ki sideyem kä na, ad’um ba wana: Nala, leu manga mba d’i ar kä gak bur ma ang mba wala ma te yamba mi sä nakulona.

Daniel 4:30

mi de ki delem akulo ala: Wana ni Babilon nda ngol la an minit yima kaka hamulîna ki sib’ika had’eng manda yam ngol manda ki subur mandid’a d’uo zu?

Daniel 4:32

A mba diging ngei aduk suma, ang mba kak aduk ahle suma abageina, a mba hang asuna á ted’a d’igi amuzleina na. Ang mba kak hina gak bizad’a kid’iziya, gak ang mba wala Alo ma sä akulo ma kal teglesâ nga mi te yam leu d’a yam andagad’id’a pet, nga mi hat mi sama mam hurum minima.

Daniel 4:34

Nebukanezar mi de kua ala: Bugol biza d’a kid’iziyad’a an hle iran akulo, djib’er manda ti mba. Ata yi máma an le Alo ma sä akulo ma kal teglesâ mersi, an gilemu, an subur mam ma bei matna ba ma nga mi te yamba gak didin ma nga mi te leud’a kur atchogoid’a katchogoid’ina.

Daniel 5:20

Wani ata yima mi hle yam akulo mi b’al hurum ad’enga kiki gak mi de zla d’a subur tad’ina, a zud’um kä woi yam zlam mam mba amula, a pat subur mamba woi mi.

Daniel 5:28

PERES ad’ut nala Wala: Leu manga a walat kä mbà á he abo tu mi suma Mede-na, abo tu mi suma Perse-na mi.

Daniel 6:27

Ni ma nga mi sut sana, ni ma nga mi prud’um mbei mi na. Ni ma nga mi lahle suma simata kahle suma atchapma sä kur akulod’a, ka hî yam andagad’a mi na. Ni ma sut Daniel lei avun azlonina mi.

Matiye 3:17

Dela ti tcholï akulo, ti dala: Wana ni Goron ma an hurun vum heîna, ni ma tan ndi lan djivid’a heî kama.

Wana ni Zla d’a Djivi d’a Luc mi b’irita 12:20

Wani Alona mi dum ala: Ang ma lilid’a, kur andjege d’a wanda, ang mba mid’a. Ahle suma ang minizina, mba arî hi nge ge?

Jean 12:28

Abunu, ang subur simiyêngû. Kayam ndata, dela ti tcholï akulo ti dala: An suburum wa da’, an mba hulong suburum kua d’ei.

1 Tasaloni’â 5:3

Fata suma a dala: B’leng nga halasa ki djivid’a a nga d’a, ata yi máma na wat, bad’a mba d’i nde kazi d’igi vuta ti nde yam atcha d’a wirâ na, a mba prut tei d’uo mi.

Vama ndum mbeina 16:7

An hum del la tcholï ata yima ngal dubang ma his djivid’ina ti dala: Â, Salad’a Alo ma ad’engêm kal petna, sariya manga ni gagazi, ni d’ingêr mi.

1 Samuel 13:14

Wani ki tchetchemba, leu manga mba d’i kak didin ndi; Ma didina mi man wa sama mam hurum minima, mi tinim wa amula yam sum mama. Ni kayamba ang ngom nga vun mam ma hed’a d’uo d’a.

1 Samuel 15:23

So vuna ni tcho d’a ngola d’igi ang djop mi fileina na; yam mba ad’enga ni tcho d’a ngola d’igi ang tuwalî fileina na mi. Kayamba ang ge vun Ma didina woi d’a, Ma didina nga mi gang ngei mi; ang mba kak amula yam sum mama d’uo d’a.