Daniel 4:30 - Bible azumeina

³⁰ mi de ki delem akulo ala: Wana ni Babilon nda ngol la an minit yima kaka hamulîna ki sib’ika had’eng manda yam ngol manda ki subur mandid’a d’uo zu?

Daniel 4:30 Kruisverwysings

Ad’u Tinda 10:10

Azì ma ngol ma kur leu mambina ni Babel, Erek, Akat ki Kalne; azi pet ni kur ambas sa Sinar-ra.

Ester 1:4

Ata yi máma mi tagazi ndjondjoî d’a kal tegles sa kur leu mambid’a ki ngol mam mba kal papad’a mi, burâ ablaud’a, nala, tilâ karagaya.

Sawal la giled’a 104:1

An min gile Ma didina! Ma didina Alo mana, angî ma ngol ma kal teglesâ, angî ma nga ki subura ki b’o d’a ngal wiwilikina.

Sawal la giled’a 49:20

Wani mba mi i ad’u abuyom ngolo ata yima azulei ma azi ndak á we b’od’a d’uo gak didina.

Sawal la giled’a 73:8

A nga las suma, a nga de zla d’a asa’ata á le suma ndaka, a nga gun zla d’a gagazid’a mi.

Zla d’a d’ogolâ 11:2

Ata yima yam mba ad’enga ti mbana, zulona mi mba mi, wani ned’a ti mba ni ki lulumad’a.

Zla d’a d’ogolâ 16:18

Yam mba ad’enga ti mba navok b’laka, subur tad’a ti mba navok puka mi.

Zla d’a d’ogolâ 29:23

Yam mba ad’enga hi sanid’a nga d’i hulongôm yam kä, wani sama lulumana, a mba hum ngola.

Isai 13:19

Babilon nda djif kal leu d’a dinga pet tala ni hed’eu ma djif ma sum matna, a nga subur ki taziya d’a. Ti mba d’i mbut ni d’igi Sodom ki Gomor suma Alona mi b’lagazi woi adjeuna na.

Ezekiyel 29:3

Ang dum ala: Salad’a Ma didina mi dala: Ang Faron amul ma Ezipte-na, gola! An nga ni dur ki sed’engû, ang hurum ma ngol ma nga burâ kä kur aluma ma nga dala: Alum ma Nil-lâ ni mana, ni an ba ni lumu na.

Daniel 4:31

Ata yima amulâ nga mi de zla ndata tua na, dela ti tcholï akulo, ti dum ala: Amulâ Nebukanezar, ang huma! A hle wa leu manga woi abong da’!

Habakuk 1:11

Ad’engêzi nga d’i i avogovogo, nga d’i kal d’igi simetna na; ad’engêzi nalo mazina.

Wana ni Zla d’a Djivi d’a Luc mi b’irita 14:11

Kayam nge nge pî ma mi hle yam akulona, a mba hulongôm yam kä, sama ge yam kä na, a mba hlum yam akulo mi.

Wana ni Zla d’a Djivi d’a Luc mi b’irita 14:9

Sama yagi dja’â mba mi mba, mi dang ala: Ang he zlam mba wanda mi sama wana. Kayam ndata, ang mba kak yam zlam mba bugola ki zulona.

1 Korente-na 10:31

Le agi nga tagiya, le agi nga tchagiya, d’oze le agi nga lagi ni va ni, ar agi lagi ahlena pet ná subur Alona.

1 Pierre 5:5

Hina mi, agi azungeîna, ar agi gagi yagi kä ad’u suma nglona. Agi pet lagi sunda aduk tagi ki lulumad’a, kayam mbaktumba hAlonid’a ti dala: Alona nga mi noî suma a nga le yam mba ad’engina woyo, wani nga mi ve suma lulumana sumad’a.

Vama ndum mbeina 14:8

Malaika ma mbàna mi mba blogomu, mi dala: Babilon nda ngola, ti puk wa, ti puk wa, ni d’a handjaf suma yam andagad’a pet süm mat ma tcho ma mizeunid’a.

Vama ndum mbeina 16:19

Azì ma ngolâ mi wal lei aduk hindi, azì ma nglona handjaf suma yam andagad’ina pet mi dris kä mi. Alona humam gum yam Babilon nda ngola, mi hat süm mama kur angala, ni süma hayî mam ma bibiliuna.

Vama ndum mbeina 17:5

Simi ma mudurina a nga b’ira avorot ala Babilon nda ngola, arop suma gaulangâ asuziya, ahle suma ndjendje suma yam andagad’ina asuzi mi.

Vama ndum mbeina 18:10

A mba tchol sä woi hina dei abo mandarâ hi ndak ka mba kata, a mba dala: Ni zla d’a hohoud’a, ni zla d’a hohoud’a kang ang azì ma ngol ma Babilon ma kal teglesâ. Ni ang ba, kang sariyad’a kang kur ler ra tud’a wana!

Vama ndum mbeina 18:21

Ata yi máma, malaika ma ad’engâ mi hle ahina d’a ngola d’igi d’a lutna na, mi gat kur alum ma ngolâ, mi dala: A mba ge azì ma ngol ma Babilon-na kä hina dedege mi, a mba wum bugol luo d’a.