Daniel 4:3 - Bible azumeina

³ Ahle mam suma yoyouna a kal ngola heî! Sun mam mba atchapa ni sun nda sib’ika! Mam mba mi tamula gak didin, leu mam mba ted’a mba d’i dap puo mi!

Daniel 4:3 Kruisverwysings

Wana ni mbaktumba hi Job-pa 25:2

Ad’eng nga kal teglesa kahle suma a mbut sana mandarîna a nabo Alona; mi tin nga b’leng nga halasa sä akulo gevem ata yam ma kaka.

Sawal la giled’a 104:24

Ma didina, sun mang nga ang lata ti zul heî; ang lat pet ni ki ned’a, andagad’a ti oî kahle suma ang lazina.

Sawal la giled’a 105:27

A ndak vun sun mam mba mi tagazizi woi adigazi kad’eng mambid’a, a tak ahle mam suma ndandalâ woi kur ambasa hi Ham-mba.

Sawal la giled’a 145:13

Amul mang nga ted’a ni d’a didinda; ang nga tamula ni kur atchogoi d’a lara ge pet.

Sawal la giled’a 66:7

Nga mi te yam suma kad’eng mamba gak didin, iram nga tinda yam andjaf suma; ar suma so vuna a subur tazi d’i. Tchol ndjö

Sawal la giled’a 72:18

Ar ei suburi Ma didina Alo meina, Alona hi Israel ma tu ma ndak á lahle suma atchapmina!

Sawal la giled’a 77:19

Del la breîd’a halo mangîd’a, ti nga aduk mbirlimba, wiled’a nga d’i b’o yam suma kur duniyad’ina, andagad’a nga d’i le mandarâ, nga d’i yir mi.

Sawal la giled’a 86:10

Angî Ma ngol ma kal papana, ang le sun nda atchapa, ang tu nAlona.

Sawal la giled’a 92:5

Ma didina, an nga ni le furîd’a yam sun mang nga ang lata! An nga ni de woi yam sun nda ang lat kabonga mi.

Isai 25:1

Ma didina, angî Alo mana, an nga ni gilengû, an nga ni suburung simiyêngû, kayam ang lahle suma atchapma. Nga hur mang ma ang ngam dedeina, ang ndagam wa memet!

Isai 28:29

Zla ndata ti tcholï nata Ma didin ma ad’engêm kal petna; d’al mama ni vama atchapma, we mamba ti kal ngola mi.

Isai 9:7

Ma didina mi sunï zlad’a á ngop suma hi Jakob-ma, ti nde yam Israel-lâ.

Jeremi 10:10

Wani Ma didina nAlo ma gagazina, nAlo ma arina, namul ma didina. Le hurum zala ni, suma yam andagad’ina a nga zlak avoromu. Andjaf suma a ndak á ve tazi avok ayî mam ma bibiliuna d’uo mi.

Daniel 2:2

Amulâ mi ge sunda mi yi suma mbuta, suma a djop ki tchitchiud’ina, suma kumana ki suma a djop ki suma azuleinina, kayam azi vum ad’u adï mamba woyo. Azi a mba, a i gevemu.

Daniel 2:44

Kur atchogoid’a hamulei ndazinid’a, Alo ma sä akulona mba mi tin leu d’a ding nga a mba b’lagat tei d’uo d’a. Andjaf suma dingâ a mba te kat ti. Leu ndata mba d’i to leu mazi ndata woi kikizek, ti mbud’ut vama hawana, wani ndat tata mba d’i ar kaka gak didin.

Daniel 4:17

Nga hurâ hi malaika suma ndjola ni vun ma hed’a hi suma a tinizi irazi vazina, tala ar suma a nga ki irazi yam andagad’ina a wala Alo ma sä akulo ma kal teglesâ nga mi te yam leud’a hi suma yam andagad’ina pet, nga mi hat mi sama mam hurum minima, nga mi hle yam suma bugolâ akulo mi d’a.

Daniel 7:14

Ma abizei ma dedei máma mi hum ad’eng nga te yamba, subura ki leu d’a ted’a. Andjaf suma ki suma ad’u vun ma ded’a tetengâ pet a nga lum sunda. Yam mam mba ted’a ni d’a didin nda bei dabid’a ba d’a, leu mamba nga d’i b’lak kei d’uo mi.

Daniel 7:27

Leud’a, yam mba ted’a ki ngola hi suma kur leu d’a yam andagad’a ka hid’a pet, a mba hat mi suma Ma sä akulo ma kal teglesâ mi tinizi irazi vazina. Leu mam mba ted’a ni leu d’a gak didinda. Suma te yamba pet a mba lum sunda, a mba ge yazi kä avorom mi.

Romê-na 11:33

Ndjondjoîd’a hAlonid’a ki ned’a ki we mamba ad’uzi ni zula yiyik. Ni nge mi ndak á väd’u sariya mamba ki nga hur mama ge?

Gat ta a hat á mbàd’id’a 4:34

Alo ma ding ma mba, mi prut andjaf ma ding ma nga aduk andjaf ma dingâ á mbud’um sum mama kahle suma kuka, kahle suma simata, kahle suma yoyouna, kayî ma durâ, kabom ma ad’engâ ki bigam mba zid’a kam akulo zid’a, kahle suma ndandal suma mbut suma mandarâ hina pet d’igi Ma didina Alo magina mi le ki sed’egi avo Ezipte hina na nga zu?

1 Timote 1:17

Mam mi Amul ma didin ma bei matna ma bei wuma, Alo ma tu gid’engâ, ni Ma hud’a ki subura ni mamba gak didina. Amin!

Hebre-na 1:8

Wani Alona mi de yam Goroma ala: Ang Alona, zlam mang nga amula ni d’a gak didinda. Ang nga te leu manga ni ki d’ingêra.

Hebre-na 2:4

Ata yi máma, Alona tamba mi le glangâsâ zlapa ki sed’ezi kahle suma simata kahle suma atchapma kahle suma ndandalâ teteng, yam he d’a hawad’a hi Muzuk mam ma bei tchod’a ba na d’a mi b’rawat mi suma yam min mambid’a.

1 Pierre 4:11

Le ná tchi wala, ar mi tchi wala d’igi ded’a hAlonid’a na. Le ná le sunda, ar mi le d’igi ad’eng nga Alona mi humzid’a na. Hina, ar agi suburugi Alona kur ahlena pet yam Jesus Christ mam ma subura kad’enga ni mamba gak didina. Amin!

Vama ndum mbeina 11:15

Malaika ma kid’iziyana, mi bu adif mamba. Del la teteng nga tcholï akulod’a ti dala: Ki tchetchemba, ad’eng nga te yam duniyad’id’a ni hi Saleina azi ki Christ mama. Mam mba mi te yam suma gak didin.