Daniel 4:21 - Bible azumeina

²¹ Agu máma humam mbi d’uf djifâ heî, mi vut ngola duhû, mi he tena mi suma pet. Ahle suma abageina a kak ad’u anguzumu, aluwei suma akulona a kak ata abom mi.

Daniel 4:21 Kruisverwysings

Sawal la giled’a 104:17

Ni kua ba, aluweina a nga min aziyaziya, alei sïna nga mi min aziyamî hum agu siprena mi.

Ezekiyel 17:23

An mba ni pum akulo yam ahina d’a fiyak ka Israel-la, mba mi ruî abom mbeyo, mba mi vud’a, mba mi mbut nagu sedre ma djivina. Andjaf aluweina pet a mba kak kä ad’umu, a mba kak kä ad’u anguzu abomu, a mba tuk taziya.

Ezekiyel 31:6

Aluwei suma akulona pet a min aziyazi ata abomu, amburei suma abageina pet a vut grozina kä ad’umu, andjaf suma pet a mba a kak kä ad’u anguzamu.

Daniel 2:38

Mi hang suma kahle suma abageina kaluweina abongû. Ang te kazi pet mi. Gagazi, amulâ, ang tanga ni yam mba lor ndata!

Daniel 4:11

Agu máma mi ngola, mad’enga mi. Yam mba akulo teleweta ti do hur alona. Suma avun dabid’a handagad’ina pet a wumu.

Daniel 4:20

Ang wagu ma ngol ma ad’eng ma yam mba teleweta ti do hur alona ma suma avun dabid’a handagad’ina pet a wuma.

Daniel 4:22

Amulâ, agu máma ni angû! Ang mbut ngola, ang mbut ad’enga mi. Ngol manga ti i akulo gak ti do hur alona, yam mang nga ted’a ti i gak avun dabid’a handagad’id’a mi.

Wana ni Zla d’a Djivi d’a Luc mi b’irita 13:19

Ti hle tat ni d’igi ir mutar ma sana mi hlum mi gum kur asinema na. Mi wula, mi djeng aguna, aluweina a min aziyazi ata abom mi.