Daniel 4:14 - Bible azumeina

¹⁴ mi er ad’um akulo, mi de ki delem mba ngola ala: Agi kagi agu máma ka woyo, agi kizagam abom mbeyo, agi kragagizi humam mbeyo, agi yagagizi vud’um mbeyo. Ar ahle suma abageina a ring ngei ad’umu, ar aluwei suma akulona a pir rei ata abom mi.

Daniel 4:14 Kruisverwysings

Wana ni mbaktumba hi Job-pa 24:20

Asuzi d’a vud’uzid’a mba d’i mar kaziya, a mba mbut ni vama te ma djivina mi ndjuvulâ, sa mba mi djib’er kazi d’uo d’a. Gola! A nga kus sama asa’atna woi d’igi a kus tchagilaka woi na.

Jeremi 27:5

An ni ma landagad’a ki suma kazurei suma a nga yam andagad’ina ki sib’ik man nda kal teglesa ki bigan nda nga zid’a kan akulo zid’a, an nga ni handagad’a mi suma tan lan djivid’a kazina.

Jeremi 51:6

Agi ringîgi woi kur Babilon, ar nge nge pî mi sut tamu, ar a tchagi woi yam tcho mata d’i, kayam ni yima sä atchugula hi Ma didinina, mba mi wuragat yam sun mata.

Jeremi 51:9

Adjeu ami min á tchilimi Babilon, wani ndat tchil nga d’i. Ki tchetchemba, ei arat teyo, nge nge pî mi i yam ambas mamba, kayam sariya d’a a kattchi kata ti i akulo hur alona, gak ti doï d’ugula.

Ezekiyel 31:10

Ni kayam ndata ba, Ma didina mi dala: Mi wul fiyaka gak yam mbi do d’ugula, mi hle yam akulo yam fiyak mamba.

Daniel 2:21

Ni ma nga mi mbut atchogoid’a kahle suma a nga le kurutna, ni ma nga mi pat amuleina woi yam zlam mazi d’a amula, nga mi tin suma dingâ blangâzina, ni ma nga mi he ned’a mi suma ned’ina, nga mi he wad’ud’a mi suma wad’ud’ina mi.

Daniel 3:4

Ma tchi wala mi er ad’um akulo mi dala: Agi suma, agi andjaf suma, agi suma ad’u vun ma ded’a tetengâ, wana ni vama an hagi vuna kama:

Daniel 4:12

Humam mbi d’uf djifâ heî, mi vut duhû mi. Nga ni he tena mi suma pet. Ahle suma abageina a nga kaka ad’u anguzumu, aluwei suma akulona a nga kaka ata abomu. Ahle suma arina pet a fe te mazina atamu.

Daniel 4:23

Ang amulâ, ang we malaika ma ndjola mi tcholï akulo mi tchugï asem kä mi dala: Agi kagi agu máma kä woyo, agi kizagam mbeyo, wani agi aram abuwam ki sideyem kä andaga, agi djinim ki kindjing ma kawei ma wurana ki ma kawei ma hleuna kä abagei aduk asuna. Ar mbad’ï d’a akulod’a ti gumu, ar mi tasuna d’igi ahle suma abageina na gak bizad’a kid’iziya.

Daniel 4:29

Bugol la biza d’a tud’a ndaka, amulâ nga mi valang tam tita kur aziyam ma amula avo Babilon,

Daniel 5:20

Wani ata yima mi hle yam akulo mi b’al hurum ad’enga kiki gak mi de zla d’a subur tad’ina, a zud’um kä woi yam zlam mam mba amula, a pat subur mamba woi mi.

Daniel 5:21

A digim mbei aduk suma, djib’er mamba ti mbut d’igi djib’era hahle suma abageinid’a na. Mi kak aduk koro ma abageina, mi tasuna d’igi amuzleina na, mbad’ï d’a akulod’a ti gumu, gak mi wala Alo ma kal teglesâ nga mi te yam leu d’a yam andagad’id’a pet, nga mi tin sama mam hurum minima amula.

Matiye 3:10

Ki tchetchemba, andjetna mi ged’a kä ad’u aguna. Agu ma lara ge pet ma nga mi vut vut ta djivid’a d’uo na, a mba kam mbeyo, a mba gum aduk akud’a.

Matiye 7:19

Agu ma lara ge ma nga mi vut vut ta tchod’ina, a mba kam mbeyo, a mba gum aduk akud’a.

Wana ni Zla d’a Djivi d’a Luc mi b’irita 3:9

Ki tchetchemba, andjetna mi ged’a kä ad’u aguna. Agu ma lara ge pet ma nga mi vut vut ta djivid’a d’uo na, a mba kam mbeyo, a mba gum aduk akud’a.

Vama ndum mbeina 10:3

Nga mi tchi d’igi azlona mi oî na. Bugol tchi mama, alo ma breî d’a kid’iziyad’a mi breî ngola.

Vama ndum mbeina 18:2

Mi de ki delem akulo ala: Babilon nda ngola, ti puk wa, ti puk wa. Ki tchetchemba, ti mbut yima kaka hi Seitan-nina, ni yima ngei muzuk ma tcho ma lara ge pet kaluwei suma ndjendje suma a golozi isâ pet a nga kuana.