Daniel 3:17 - Bible azumeina

¹⁷ Wani ami minimi ala ang wala Alo mami ma ami lum sundina, mi ndak á prud’umi woyo. Mba mi prud’umi woi abong aduk für ra aku d’a hîhîka mi!

Daniel 3:17 Kruisverwysings

Ad’u Tinda 17:1

Kid’a Abram bizam ndak dok zlengâ yam zlengîd’a, Ma didina mi nde tam mbei iramu, mi dum ala: An nAlo ma ad’engên kal petna; ang tit avoron d’ingêr ndak memet.

Ad’u Tinda 18:14

Na ni vama hle Ma didina abod’ina nga zu? An hulongî avo hatang dama hina dedege wani, Sara nga ki gorâ abod’u.

Wana ni mbaktumba hi Job-pa 34:29

Le mi mba ki halasa ni, ni nge mba mi mba ki huwaka ge? Le mi ngei iramu ni, ni nge mi mba mi wum ge? Le nandjaf suma d’oze sama tuna, mi kazi ir zla mazid’a nabo tat tu

Wana ni mbaktumba hi Job-pa 5:19

Mba mi sud’ung ngei kur ndaka yam karagaya. Le ndaka mba kang yat kid’iziya pî, mba d’i dong nguo mi.

Sawal la giled’a 115:3

Alo meina mi sä nakulo; nga mi le vama hurum minima mi.

Sawal la giled’a 37:39

Ma didina ni ma sut suma d’ingêrîna, mam mi ma ngomozi kur bur ma ndakina.

Sawal la giled’a 37:40

Ma didina nga mi ndjunuziya, nga mi prud’uzi woi mi, nga mi prud’uzi woi abo suma asa’atna, mi sud’uzi kayam azi ngei tazi natamu.

Sawal la giled’a 73:20

Salad’a, ata yima ang tchol akulo á le sundina, azi mba dap pei d’igi sa ma adïd’a dum mi zlit akulo hawana na.

Isai 12:2

Wana nAlo ma sud’una. An mba ni tin hurun kamu, an mba ni le mandara va tu d’i, kayam Ma didina, mam mad’eng manda, ni ma an gilema, mam mi ma sud’una mi.

Isai 54:14

Ndak mba d’i sira ngingi kur d’ingêra, ndak mba d’i wal lei dei ki djop vuna, kayam ndak mba d’i le mandara va tu d’i. Ndak mba d’i dik mandarâ woyo, kayam mba mi hud’ï gevek go d’i.

Jeremi 1:8

Ma didina mi dan kua ala: Ar ang lazi mandarazi d’i, kayam an nga zlapa ki sed’eng á sud’ung ngeyo.

Jeremi 15:20

Ma didina mi de kua ala: An mba ni mbud’ungî d’igi gulumun ma kawei ma hleu ma ad’eng ma ngunguna na avoroziya. Azi mba durung ayîna, azi mba lang va d’i, kayam an nga ki sed’eng á sud’ungû, á prud’ung ngei mi.

Jeremi 15:21

An mba ni prud’ung ngei abo suma asa’at ndazina, an mba ni gang akulo woi abo suma a nga te yam suma kad’engina mi.

Daniel 3:26

Nebukanezar mi hut avun für ra aku d’a hîhîka, mi er ad’um akulo ala: Sadrak, Mesak ki Aben-Nego, azungeî suma sunda hAlo ma kal papanina, agi buzugugï woi aduk akud’a, agi mbeyegïya! Atogo hina zak, azi ki zla tazi d’a hindid’a a buzugï woi aduk akud’a.

Daniel 4:35

Suma a nga kaka yam andagad’ina pet mi golozi ni d’igi vama hawana na. Nga mi le kahle suma akulona kahle suma yam andagad’ina d’igi hurum min na. Sama d’elem á le va nga d’i, sama mi ndak á djobom ala: Ang le ni me na ge na nga d’uo mi.

Daniel 6:16

Kayam ndata, amulâ mi he vuna ala a mbeï ki Daniel, a gum kä kur zula hazlonid’a. Amulâ mi de mi Daniel ala: Alo mang ma ang nga lum sunda ki ve tad’ina, mi prud’ung ngeyo!

Daniel 6:23

Ata yi máma amulâ mi le furîd’a ngola, mi he vuna ala a hleï Daniel woi akulo kur zula. A hlumî akulo woi kur zula, a fe nga mbil atam tu d’i, kayam mi tin hurumî yam Alo mama.

Daniel 6:27

Ni ma nga mi sut sana, ni ma nga mi prud’um mbei mi na. Ni ma nga mi lahle suma simata kahle suma atchapma sä kur akulod’a, ka hî yam andagad’a mi na. Ni ma sut Daniel lei avun azlonina mi.

Mise 7:7

An nga ni tin iran yam Ma didina, an nga ni tin hurun yam Alo ma sud’una, Alo mana mba mi humunu.

Wana ni Zla d’a Djivi d’a Luc mi b’irita 1:37

Kayam vama hle Alona abod’ina nga d’i.

Sunda hi suma a sunuzinid’a 20:24

Wani an gol tan ni vama kal tegles si, á ndak vun tit manda ki sun nda Salad’a Jesus mi handjid’a, nala, á tchi wal Zla d’a Djivi d’a yam sumad’a hAlonid’a.

Sunda hi suma a sunuzinid’a 21:13

Ata yi máma, Paul mi hulong dami ala: Ni kayam me ba, agi tchigi á pad’an vunadigan na ge? Kayam an min tan ná djinda hol li, wani á mit sä Jerusalem yam simiyê Salad’a Jesus.

Romê-na 8:31

Ei mba dei nana yam zla ndata ge? Le Alona mi nga ki sed’eya ni, sama ndak á kak djangûna ki sed’ei ni nge ge?

2 Korente-na 1:10

Mam ma sud’umi woi avun matnina, mba mi sud’umi woi kua. Ami tinimi hurumi kam ala mam mba mi sud’umi woi kua d’ei.

Hebre-na 7:25

Kayam ndata, mi ndak memet á sut suma a nga mba gen Alona ki simiyêma gak didin, kayam mam nga karid’a teteu á tchen Alona kaziya.

1 Samuel 17:37

David mi de kua ala: Ma didin ma prud’un ndei avun lilif azlona ki ursîna mba mi prud’un ndei abo ma Filistê máma ni hina mi. Saul mi hulong dum ala: Ang iya; ar Ma didina mi ndjunungû.

1 Samuel 17:46

Ma didina nga mi hang ini abonu; an nga ni tchangû, an nga ni ngad’ang yang ngeyo, an nga ni he ini mad’a azigar suma Filistê-na maluweina kambureina. Ata yi máma suma pet a mba wala Israel-lâ a nga kAlona.