Daniel 3:12 - Bible azumeina

¹² Wani amulâ, Juif suma ang hazi sun nda te yamba kur andaga d’a Babilon-nda tetengâ, nala, Sadrak ki Mesak ki Aben-Nego, a ge nga yazi kä ad’u vun mang ma hed’a d’i, a le nga sunda malo mangâ d’i, a kud’or nga filei ma yor ma lor ma ang tinim akulona d’uo mi.

Daniel 3:12 Kruisverwysings

Ester 3:8

Haman mi de mamulâ Asuwerus ala: Andjaf suma dingâ a nga. A b’rau nga woi aduk suma kur ambas mangina pet, gat mazid’a ni vat zenen ki d’a hi suma pet, a nga tit yam gat manga d’uo mi. Le ang arazi hawa na ni, djivi mata ni me ge?

Zla d’a d’ogolâ 27:4

Hur ma zala ni vama tchona, ayîna mi ni d’igi babar ma ngolâ na, wani yungôrâ, sa mi kus kam ni nge ge?

Ma tchi wala 4:4

An we sun nda suma a nga lat ki ndak ka a nga he tazi kata, nala, nge nge pî mi lat ná kal ndrama. Wan pî, ni hawa hina yak d’igi sana mi dik simetna na.

Daniel 1:7

Ma ngolâ hazungeîna hamulîna mi tinizi simi ma dingâ. Mi yi Daniel ala Beltasar, mi yi Hananiya ala Sadrak, mi yi Misayel ala Mesak, mi yi Azariya ala Aben-Nego mi.

Daniel 2:48

Bugola, amulâ mi he ngola mi Daniel, mi hum he d’a hawa d’a ablau d’a ndjondjoîd’a mi, mi tinim á te yam andaga d’a Babilon nda pet ta azì ma ngolâ kuad’a, mi tinim ma ngolâ yam suma ne suma avo Babilon-na pet mi.

Daniel 2:49

Kayam tchen nda Daniel mi tchenemba, amulâ mi he Sadrak, Mesak ki Aben-Nego sun nda te yamba kur andaga d’a Babilon-nda teteng mi. Wani Daniel mi arî ma de d’alâ kur azì mamula mi.

Daniel 3:11

wani le sama lara ma mi grif nga kä á kud’urom mbuo na ni, a mba gum atogo hina zak aduk für ra aku d’a hîhîka d’uo zu?

Daniel 3:16

Sadrak, Mesak ki Aben-Nego a hulong de mamulâ Nebukanezar ala: Amulâ, ami ndak á hulongông zla d’a de d’a yam zla ndata d’i.

Daniel 3:29

Wana ni vun man ma he ma an hum ki tchetchembina: Sama lara ma aduk suma d’oze ma aduk andjaf suma d’oze ma ad’u vun ma ded’a teteng ma mi de zla d’a tchod’a yam Alona hi Sadra’â yam Alona hi Mesa’â yam Alona hi Aben-Nego-nina, ar a kizagam mbeyo, ar aziyam mi mbut djona! Kayam alo ma ding ma ndak á prut sana woi d’igi Alo mazina na na nga d’i.

Daniel 3:30

Bugol ahle ndazina, amulâ mi he sun nda te yamba mi Sadrak, Mesak ki Aben-Nego kur andaga d’a Babilon-nda kal la avoka.

Daniel 6:13

Sum ndazina a hulong de mamulâ kua ala: Amulâ! Daniel ma aduk Juif suma a yozï magombina, nga mi hang ngola d’i, nga mi ge yam kä ad’u gat ta ang tin abong kuad’a d’uo mi! Bur ma tuna nga mi tchen Alo mama yam hindi!

Daniel 6:14

Kid’a amulâ mi hum zla ndatid’a, hurum b’lak ngola, mi djib’er kurum á prut Daniel leyo. Nga mi hal lovota ki so tad’a á prut Daniel lei gak afata niga.

Sunda hi suma a sunuzinid’a 17:7

Jason mi vazi avo hatam mi. Sum ndazina a kak djangûna ki gata hi ma te yamba Sesar-ra, a nga dala amul ma dingâ nga, simiyêm ala Jesus.

Sunda hi suma a sunuzinid’a 5:28

Ami d’elegi ala: Agi had’agi ki simiyê sa máma d’i. Gola! Hat magid’a b’rau wa woi kur Jerusalem pet. Agi min á mbagi ki buzuna hi sa mámina kami zu?