Daniel 3:1 - Bible azumeina

¹ Amulâ Nebukanezar mi he vuna ala a yor filei ma lora, fiyagam mba akulod’a metred’a dok hindi, bubuwam metred’a hindi. Mi tinim kä kur yima papana ma Dur-râ kur andaga d’a Babilon-nda.

Daniel 3:1 Kruisverwysings

1 Amuleina 12:28

Ata yi máma amulâ Jerobowam mi hal djib’er ra dinga, mi yor lora gro amuzleina mbà, mi de mi sum mama ala: I d’a agi igi Jerusalem teteud’a ndagagi da’. Gola! Agi Israel-lâ, alo magi ma buzugugï woi kur Ezipte-na ba wana!

Ester 1:1

Wana ni zlad’a le kur atchogoid’a hamulâ Asuwerus-sa: Asuwerus máma mi te leud’a tinï ad’ud’a yam andaga d’a Inde-d’a dei gak mba yam andaga d’a Etiyopi-d’a. Ambas sa mam te kata pet ni kis kam dok mbà yam kid’iziya.

Sawal la giled’a 135:15

Fileina handjaf suma dingîna nahle suma a lazi ni ki kawei ma hapma ki lorina; ni sun nda suma a lat kabozid’a.

Buzuk ka Abud’a 20:23

Ar agi yorogi vama kawei ma hap poze vama lora á mbud’um alo ma dingâ á kud’urom zlapa ki an tu d’i.

Buzuk ka Abud’a 32:31

Moise mi hulong gen Ma didina, mi dum ala: Hiye! Sum ndazina a le wa tcho d’a ngola, a yora wa alo ma lora yam taziya.

Isai 2:20

Kur bur máma suma a mba tchuk filei mazi ma a yorom ki kawei ma hapma ki ma a yorom ki lora suma a nga grif kä avorozina woi mi kulomba kababeina.

Isai 30:22

Agi mba gologi kawei ma hap ma agi gulud’ugi ki filei maginina ki lora a gulud’um ki d’a nahle suma ndjendjed’a, agi mba durugi to mazi d’a kikizeka woi d’igi vama ndjendjed’a na, agi mba dagi kazi ala: Tchuguzi sä woi dei!

Isai 46:6

Gola! A nga tchuk lora kä woi kur bud’omei mazina, a nga nga kawei ma hapma ki kilona, a nga wurak sama le sunda, kayam mi yorozi alo ma azi grif kä avorom ma azi kud’uroma.

Jeremi 10:9

A nga d’udjo filei máma ki kawei ma hap ma a yorom ma a yomï Tarsis soze lor ra a yod’ï Ufas-sa mi. Ni sun nda sama d’alâ mi lata, ni sunda hi ma yor lora mi. A nga tchuk filei máma baru d’a hleu d’a sisila ki d’a hleu d’a kekenga atamu. Azi pet ni sunda hi sama d’alîd’a.

Jeremi 16:20

Sana mi ndak á le alona yam tamu, nga nalo ma gagazina d’i.

Daniel 2:48

Bugola, amulâ mi he ngola mi Daniel, mi hum he d’a hawa d’a ablau d’a ndjondjoîd’a mi, mi tinim á te yam andaga d’a Babilon nda pet ta azì ma ngolâ kuad’a, mi tinim ma ngolâ yam suma ne suma avo Babilon-na pet mi.

Daniel 2:49

Kayam tchen nda Daniel mi tchenemba, amulâ mi he Sadrak, Mesak ki Aben-Nego sun nda te yamba kur andaga d’a Babilon-nda teteng mi. Wani Daniel mi arî ma de d’alâ kur azì mamula mi.

Daniel 3:14

Amulâ mi djobozi ala: Sadrak, Mesak, Aben-Nego, agi ngagi hurugi ala agi lagi sunda malo mana d’uo, agi kud’urogi filei ma yor ma lor ma an tinim akulona d’uo mi ni gagazi zu?

Daniel 3:30

Bugol ahle ndazina, amulâ mi he sun nda te yamba mi Sadrak, Mesak ki Aben-Nego kur andaga d’a Babilon-nda kal la avoka.

Daniel 5:23

Wani ang hle yang akulo avok Alo ma sä akulona, ang yo kop ma a tinim iram vam ma kur gong mam mba kud’orina, ang ki mang suma nglona, amiyôngâ kamiyông suma gureina, agi tchagi ki süm guguzlud’a. Bugola, ang gile alo ma a lumî ki kawei ma hapma, ki lora, ki ma kawei ma hleuna, ki ma kawei ma wurana, kaguna kahinad’a suma a nga we d’i, a nga hum mbi, a nga wad’ud’a d’uo mi na. Ang subur nga Alo ma muzuk manga ki sun mang nga led’a pet nga aboma d’i.

Daniel 5:4

Bugol la a tche süm guguzlud’a dad’a, a nde gile alo ma lora, ma kawei ma hapma, ma kawei ma hleuna, ma kawei ma wurana, ma aguna, ma ahinad’a mi.

Wana ni mbaktumba hi Oze-d’a 2:8

Kayam ndata, an nga ni tchak aweid’a woi kat kur lovot mata á d’elet lovota, an nga ni ngui gulumuna woi kat tala ti fe lovot mata bugol luo d’a.

Wana ni mbaktumba hi Oze-d’a 8:4

A nga tin amuleina bei vun man ma hed’a, a nga tin suma nglo suma avok sumina bei an we ba, a nga yo kawei ma hapma ki lor mazid’a á yor fileina. Ni kayam ndata ba, azi mba b’lak tazi woyo.

Habakuk 2:19

Ni zla d’a hohoud’a yam sama nga mi de magu ma a tuwalama ala: Ang tchol akulo na yam ma nga mi de mahina d’a a tuwalata ala: Ndak zlid’a na mi. Na ni a mba had’am zu? A gulud’uzi ni ki lora ki dorona mi, wani a nga muzuk ki.

Sunda hi suma a sunuzinid’a 17:29

Le ei nAlona groma ni, ar ei djib’erei ala Alona ni d’igi filei ma lora d’oze ma kawei ma hapma d’oze ma ahina ma sana mi tched’em kur d’al mamina na d’i.

Sunda hi suma a sunuzinid’a 19:26

Agi wagiya, agi humugi mi, ni kur Efes hol li, wani ar go kur ambas sa Asi-d’a pet, Paul máma mi kal yam suma. Mi mbut hur suma kä ngola, nga mi dazi ala: Alo ma suma lum kabozina nalona d’i.

Gat ta a hat á mbàd’id’a 7:25

Agi ngalagi filei mazi ma a tched’em d’igi alona na na woyo, agi lagi d’od’oka yam kawei ma hapma ki lor ra a gulud’uzi ki d’a tala agi yozi yo ba á mbut dau ma vigigina d’a d’i. Kayam ahle ndazina nahle suma ndjendjed’a ir Ma didina Alo magina.

Vama ndum mbeina 9:20

Ad’u suma a ar bei tchid’a abo ahle suma hindi ndazinina, a mbut nga huruzi yam ahle suma azi tazi lazina d’i. A ar nga bei kud’or muzuk ma tchona ki filei ma a lum ki lora ki ma kawei ma hapmina ki ma kawei ma hleuna kahinad’a kagunina d’i. Nahle suma ndak nga á wed’a d’oze á humba d’oze á tita d’uo na.