Daniel 2:46 - Bible azumeina

⁴⁶ Ata yi máma amulâ Nebukanezar mi grif kä andaga avok Daniel, mi kud’uromu, mi he vuna ala a hum he d’a hawa d’a ngala ki mbul ma his ma afufuîna mi.

Daniel 2:46 Kruisverwysings

Esdras 6:10

kayam azi hahle suma ngat buzu suma his suma afufuîna mAlo ma akulona tala azi tchen yam amulâ ki groma mi d’a.

Daniel 3:5

Ata yima agi humugi tchina hadifina, hi taulâd’ina, hadingîna, hi daliyâd’ina, hi gangad’ina ki tchina hahle suma bu suma hle sawala tetengâ, agi grivigi kä andaga á kud’or filei ma yor ma lor ma amulâ Nebukanezar mi tinim akulona.

Daniel 3:7

Kayam ndata, ata yima suma handjaf suma ki suma ad’u vun ma ded’a tetengâ pet a hum tchina hadifina, hi taulâd’ina, hi daliyâd’ina, hi gangad’ina ki tchina hahle suma bu suma hle sawala tetengâ, a grif kä andaga á kud’or filei ma yor ma lor ma amulâ Nebukanezar mi tinim akulona.

Daniel 8:17

Gabriel mi hut geven ata yima an nga tchola kuana. An le mandarâ, an puk kä ki iran andaga. Wani mi dan ala: Ang gor sana, ang huma. Vama nde tam mbei irang máma ni yam dabid’a hatchogoid’id’a.

Sunda hi suma hi Levi-nid’a 26:31

An mba ni mbut azì magi ma nglona azì ma gureina, djona mba mi ar gevegi girib’ing. An mba ni pleî yi magi ma agi tinindji iram vama woyo, an mba ni his ahle magi suma his suma afufuîna d’uo d’a.

Wana ni Zla d’a Djivi d’a Luc mi b’irita 17:16

Mi ge tam kä avok Jesus, mi lum mersi. Sa máma ni sama Samari-na.

Sunda hi suma a sunuzinid’a 10:25

Kid’a Pierre nga mi kal avod’a, Kornei mi d’ugulomu, mi grif kä avoromu, mi kud’uromu.

Sunda hi suma a sunuzinid’a 14:13

Ma ngol ma ngat buzuna halo ma a yum ala Zeus ma gong mam mba fileina nga avun azì ma ngolîna, mi mba kamuzlei suma andjofâ ki b’o aguna suma azi minizi djivid’ina. Mi mba ki sed’ezi avun azina zlapa kablau suma, a min ngat buzuna mi Barnabas azi ki Paul.

Sunda hi suma a sunuzinid’a 28:6

Wani a nga djuba, a djib’er ala tam mba d’i hop ini, d’oze mi puk ini kä, mi mid’a. Kid’a azi djup tatä va lum mbuo d’a, a mbut djib’er mazid’a ala mam mi alo ma dingâ.

Vama ndum mbeina 11:16

Suma nglo suma dok mbà yam fid’i suma a nga kaka yam zlam mazid’a avok Alonina, a grif kä avok Alona, a kud’uromu.

Vama ndum mbeina 19:10

Ata yi máma, an puk kä asem á kud’uromu, wani mi dan ala: Ang gol tang djiviya, an ni ndrang ma sunda d’igi b’oziyong suma a ve zla d’a gagazi d’a Jesus mi ndat teid’a na. Ang kud’orî Alona hol. Zla d’a gagazi d’a Jesus mi ndat teid’a, ti zut suma djok vun Alona á dat teyo.

Vama ndum mbeina 22:8

An Jean ni huma, ni wahle ndazina mi. Ata yima an hum ni we na, an puk kä asem malaika ma nga mi tagan ahle ndazinina á kud’uromu.