Daniel 2:45 - Bible azumeina

⁴⁵ Ang we ahina d’a wal tat tei kahina d’a fiyak ka ked’iwureng nga bei sa mi tin abom atat ba d’a ti to kawei ma wurana, kawei ma hleuna, lubu ma ab’lorina, kawei ma hapma ki lora woi kikizeka. Alo ma ngol ma kal teglesâ mi tagangî ahle suma a mba le blogongâ. Adï d’a danga ni vama ndum mbei ma gagazina, ad’ut ta an vangzid’a ni zla d’a ang tin hurung kata mi.

Daniel 2:45 Kruisverwysings

Ad’u Tinda 41:26

Amuzlei suma arop suma djivi suma kid’iziyana a ta’î bizad’a kid’iziya; yam awu ma djivi ma kid’iziyana mi ta’î bizad’a kid’iziya mi: adï ndata nabo tat tu.

Ad’u Tinda 41:28

D’igi an dang kä na, Alona mi tagangî vama mam mba mi luma.

Ad’u Tinda 41:32

Le adïd’a dang yat hina mbà ni, nala, zla ndata ndagï nabo Alona, mam mba mi lat atogo zak mi.

2 Samuel 7:22

Ma didina, Alo mana, angî Ma ngol ma kal papana, kayam ma hle tam d’igi ang na na nga d’i. Alo ma ding ma gagazina nga d’i, d’igi ami nga humumi ini ki humami na.

1 Sunda Hamuleinid’a 16:25

Kayam Ma didina ni ma ngol ma ndak á suburina; ni ma a ringîm mandaram kal alona petna mi.

Nehemi 4:14

Bugol la an i á gol yina tetenga, an de mi suma nglona ki suma avok sumina kablau suma pet suma a nga ata yi mámina ala: Ar agi lagi mandara magi suma djangûna d’i. Agi djib’eregi yam Salad’a ala ni Ma ngol ma kal papana, agi durugi ayîna yam b’oziyogina, yam grogi suma andjofâ ki suma aropma, yam amiyôgina, yam aziyagi mi.

Nehemi 9:32

Ki tchetchemba, ang Alo mamina, angî ma ngolâ, angî ma sib’ika, angî ma kal papana, angî ma nga ngom vun mang ma djindina, angî ma nga mi we hohowa sumina, ar ang gol ndak ka nga d’i lamid’a d’igi vama gor go hina d’i, nala, ndak mamid’a ki d’a amulei maminid’a ki d’a hi suma nglo maminid’a ki d’a hi suma ngat buzu maminid’a ki d’a hi suma djok vun maminid’a ki d’a habuyomi ki sum maminid’a pet ta ami fad’ï kur atchogoid’a hamulei suma Asiri-nid’a dei gak inid’a.

Wana ni mbaktumba hi Job-pa 36:26

Gagazi, Alona mi kal ngola, ei ndak á wäd’u ngol mam ndata d’i; sana mi ndak á hal ad’u biza mamba d’uo mi.

Sawal la giled’a 135:5

Gagazi, an we Ma didina ni ma ngolâ; Salad’a ni ma kal akulo yam alona petna.

Sawal la giled’a 145:3

Ma didina, angî ma ngol ma ndak á suburina; ngol manga dabi mata nga d’i.

Sawal la giled’a 2:9

Ang mba gad’azi ki totogo d’a kaweina, ang mba tozi woi d’igi dei ma sana minima na.

Sawal la giled’a 48:1

Ni sawal la Kore groma a hlata.

Sawal la giled’a 96:4

Kayam Ma didina ni ma ngol ma ndak á suburina; ni ma a ringîm mandaram kal alona petna.

Isai 28:16

Ni kayam ndata ba, Salad’a Ma didina mi dala: Gola! An tin nga ahina d’a gäd’u gonga kur Siyon, nahina d’a an kugut dad’a, nahina d’a guzut kal tegles sa nga tchola ad’enga ngungud’a. Sama deng tam atatna, mba mi ka’î ad’enga d’igi ndat na mi.

Daniel 2:24

Bugola, Daniel mi i gen Ariyok ma amulâ mi hum vuna á tchi suma ne suma kur Babilon-na woina, mi dum ala: Ar ang tchi suma ne suma kur Babilon-na woi d’i! Ang in gen amulâ! An mba ni vum ad’u adï d’a dumba woyo!

Daniel 2:28

Wani Alo ma akulona ni ma nde ad’u ahle suma mudurina woi abuna. Ni mam ba, mba mi tagang ad’u ahle suma a mba le kur atchogoi d’a mba d’i mbad’ina. Adï d’a danga kahle suma a nde tazi woi irang yam azang mangîna ba wana:

Daniel 2:29

Amulâ, ata yima ang nga burâ yam azang mangîna, ang djib’er yam ahle suma a mba le kur atchogoi d’a mba d’i mbad’ina. Kayam ndata, mam ma mi ndäd’u ahle suma mudurina woina, mi tagangî ahle suma a mba mbana.

Daniel 2:44

Kur atchogoid’a hamulei ndazinid’a, Alo ma sä akulona mba mi tin leu d’a ding nga a mba b’lagat tei d’uo d’a. Andjaf suma dingâ a mba te kat ti. Leu ndata mba d’i to leu mazi ndata woi kikizek, ti mbud’ut vama hawana, wani ndat tata mba d’i ar kaka gak didin.

Daniel 8:25

Ki lem mamba mba mi i avogovok ki mbut ir mamba, mba mi hle yam akulo, mba mi b’lak suma a nga kaka tchugotna woi ablaud’a, mba mi tchol djangûna kamulâ hamuleinina. Wani mba mi kus sei bei sa mi tin abom atam ba.

Wana ni mbaktumba hi Aze-d’a 2:22

an mba ni zut amuleina kä woi yam zlumiyô mazina, an mba ni b’lak ad’enga handjaf suma a nga te leud’ina woyo, an mba ni zut pus ma dur ayîna ki suma a nga djangâma kä, an mba ni puk akulumeina ki suma a nga djangâzina kä, nge nge pî mba mi tchi ndrama ki mbigeu d’a fiyaka mi.

Zakari 12:3

Kur bur máma an mba ni mbut Jerusalem nahina d’a anek ka suma a mba hlat akulod’a. Suma a mba hlat akulona mba d’i kazi mbil ma matna. Ata yi máma andjaf suma yam andagad’ina pet a mba tok kat á durâ.

Malatchi 1:11

Ma didin ma ad’engêm kal petna mi dala: Deîd’a hafatid’a gak nik mata, simiyên nga mi yï aduk andjaf suma, a nga ngalan dubang ma his djivid’ina á suburun simiyênu, a nga mban ahle suma ngat buzu suma nda’â mi, kayam simiyên nga mi yï aduk andjaf suma.

Matiye 21:24

Jesus mi hulong dazi ala: An nga ni djobogi zla tu mi. Le agi dan wa ni, an mba ni dagi yam ad’eng nga an nga ni lahle ndazina ki sed’eta mi.

Matiye 24:35

Akulod’a kandagad’a a mba kal leyo, wani zla manda mba d’i kal lei d’i.

Wana ni Zla d’a Djivi d’a Luc mi b’irita 17:20

Ata yi máma, Fariziyêna a djop Jesus ala: Alona mba mi mba á te leu mamba ni mindja ge? Mi hulong dazi ala: Ata yima Alona mba mi mba á te leu mambina, ni pid’ak ala sa nga mi we d’i.

Gat ta a hat á mbàd’id’a 10:17

Kayam Ma didina Alo magina nAlo ma yam alona petna, ni Sala d’a yam suliyod’a peta, nAlo ma ngolâ, ni ma ad’eng ma kal papana, ni ma nga mi pat sana yam iram go d’uo na, ni ma nga mi ve he d’a hawa d’a mbut ira abo sa d’uo na,

Vama ndum mbeina 1:19

Kayam ndata, ang b’ir ahle suma ang wazina, nala, ahle suma a nga na kahle suma a nga mbeï bugolâ mi.

Vama ndum mbeina 19:17

An we malaikana mi nga tchola aduk afata, mi de ki delem akulo ala: Agi aluwei suma pirigi akulo aduk simetnina pet, agi mbeyegïya, agi togogï ata te ma ngolâ hAlonina,

Vama ndum mbeina 4:1

Bugol ahle ndazina, vama dingâ mi nde tam mbei iranu. An we vun azì ma akulona mi mal leyo. Del la ti tchi d’igi adifa na d’a an humut avoka ti dan ala: Ang djagï ka hî. An mba ni tagang ahle suma a nga mba bugolâ.