Daniel 2:23 - Bible azumeina

²³ Ang Alona habuyon ngolona, an nga ni hang ngola, an nga ni gileng yam ned’a kad’enga suma ang handjina, kayam ang tagan ad’u vama ami djobong kama, ang ndami ad’u zla d’a gumunda hamulîd’a woi mi.

Daniel 2:23 Kruisverwysings

Ad’u Tinda 18:17

Ma didina mi de kurum ala: An ndak á ngei Abraham vama an luma zu?

Ad’u Tinda 31:42

Ladjï Alona habuna Alona habun ngolo Abraham ma abun Isak lum mandarama mi nga ki sed’en nduo ni, ang aran an i nabon hawa. Wani Alona mi wan ndak manda ki sun nda an lat kabonda, mi kan sariya manda kama andjege.

1 Amuleina 18:36

Kur ler ra fladege d’a suma a hahle suma ngat buzuna mAlona kuad’a ndaka, ma djok vun Alona Elie mi hut gen yima ngal ahle suma ngat buzuna, mi dala: Ma didina, Alona hi Abraham-ma, Alona hi Isa’â, Alona hi Jakob-ma, ar ang tak Israel-lâ ini ala angî Alo mazina, an nazong mangâ, a wala an lahlena pet ni yam vun mang ma hed’a mi.

1 Amuleina 8:57

Ki tchetchemba, an nga ni tchen Ma didina Alo meina mi kak ki sed’ei d’igi mi kak kabuyoi ngolo na, mi arei woi d’uo mi na, mi noyoî woi d’uo mi.

1 Sunda Hamuleinid’a 29:10

David mi subur Ma didina avok ablaud’a pet ala: Ma didina Alona habumi ngolo Jakob-ma, ang ndak á giled’a kur atchogoi d’a kala ki d’a tchetchemba gak didin.

1 Sunda Hamuleinid’a 29:13

Ki tchetchemba, Alo mamina, ami nga gilengû, ami nga suburung simiyêng Ma kal teglesâ.

2 Sunda Hamuleinid’a 20:6

Mi dala: Ma didina Alona habuyomi ngolona, ni ang ba, nAlo ma sä kur akulod’ina, ni ang ba, te yam leud’a handjaf sumid’a pet tuo zu? Ni ang ba, nga kad’enga ki sib’ika d’uo zu? Sama ndak á tchol avorong á durungâ nga d’i!

Sawal la giled’a 21:2

Ma didina, amulâ nga mi le furîd’a yam ad’eng manga; kid’a ang sud’umba, mi le hur ma hapma ngola.

Sawal la giled’a 21:4

Ang d’ugulom wa, ang b’e wa vun ma djivi ma kal teglesâ kamu, ang kulubum wa avaval la lor ra kal teglesa kam mi.

Sawal la giled’a 25:14

Ma didina nga mi tak zla d’a mudurid’a woi mi suma a nga lum mandarama, nga mi tagazi vun mam ma djinda mi.

Sawal la giled’a 50:14

Agi hagi vama ngat buzu ma le mersid’a mi an Alo magina, agi ndagagi vun vun ma hle ma agi hlandji mi an Ma sä akulo ma kal teglesâ.

Buzuk ka Abud’a 3:15

Alona mi de mi Moise kua ala: Ang i de mi Israel-lâ ala: Ma didina Alona habuyogina, Alona hi Abraham-ma, Alona hi Isa’â, Alona hi Jakob-ma, mi sununï gevegi ni mamu. Wana ni simiyên ma a mba yan ki kur atchogoi d’a lara ge petna.

Zla d’a d’ogolâ 21:22

Sama ned’a nga mi kal kur azì ma ngolâ hi grang suma durîna, nga mi to gulumun ma ad’eng ma azi tin huruzi kama kä woi mi.

Zla d’a d’ogolâ 24:5

Sama ned’a mi nga kad’enga, sama wed’a mi nga mi i avogovok kur ad’eng mamba mi.

Zla d’a d’ogolâ 8:14

D’alâ ki zla d’a irata a ni mana, an ni wad’ud’a, ad’enga ni manda.

Ma tchi wala 7:19

Ned’a nga d’i had’enga mi sama ned’a kal suma dogo suma a nga te yamba kur azì ma ngol ma tunina.

Ma tchi wala 9:16

An dala: Ned’a ti kal ad’enga, wani ned’a hi sama houd’id’a a golot is, a hum nga zla mamba d’uo mi.

Ma tchi wala 9:18

Ned’a ti kal ahle suma sï suma dur ayîna. Wani sama le tcho ma tuna, nga mi b’lak ahle suma djivina woi ablaud’a.

Isai 12:1

Kur bur máma ang mba dala: Ma didina, an nga ni gilengû, kayam hurung zal kanu, wani hurung vat tei kanu, ang b’lengên hurun mi.

Jeremi 33:3

Ang yanu, an mba ni hulongông humba. An mba ni dang ngei yam ahle suma nglo suma a nga ngeid’a suma ang wazi nga d’uo na.

Daniel 1:17

Alona mi he wad’ud’a ki wed’a ngola kur hata ki ned’a mazungeî suma fid’i ndazina. Daniel nga mi vad’ud’a yam ahle suma nde ir sumina kadï d’a ded’a woi mi.

Daniel 2:18

mi tchenezi á tchen Alo ma sä akulona yam suma mamba tala mi wazi hohowozi mi tagazi adï d’a gumun ndata, kayam a tchazi woi zlapa ki suma ne suma ding suma kur Babilon-na d’uo d’a.

Amos 3:7

Gagazi, Salad’a Ma didina nga mi le va gumun bei mi tagam mbei mazungeî mam suma djok vuna d’i.

Matiye 11:25

Ata yi máma, Jesus mi hulong dala: Abun ma Sala akulod’a kandagad’ina, an lang mersi, kayam ang ngei ahle suma wana woi ir suma ned’a ki suma wed’a, wani ang tagazi woi mi gugureina.

Wana ni Zla d’a Djivi d’a Luc mi b’irita 10:21

Ata yi máma, Jesus mi le furîd’a ad’u ad’enga hi Muzuk ma bei tchod’a ba nid’a, mi dala: Abun ma Sala akulod’a kandagad’ina, an lang mersi, kayam ang ngei ahle suma wana woi ir suma ned’a azi ki suma wed’a, wani ang tagazi woi mi gugureina. Gagazi, Abunu, ang tang lang djivid’a á le hina.

Jean 11:41

Kayam ndata, azi ligat ahina ndata woyo. Jesus mi hle iram akulo, mi dala: Abunu, an lang mersi kayamba ang humunda.

Jean 15:15

An dok yagi azungeîna d’uo d’a, kayam azongâ nga mi we vama salama mi luma d’i. Wani an yagi buniyôn suma kokodjona, kayam ahlena pet suma an humuzï avun Abuna, an tagagiziya wa.

Vama ndum mbeina 1:1

Mbaktum mba wanda ti ta’î ahle suma Jesus Christ mi ndazi woina. Nahle suma Alona mi humzi mi tagazi woi mazungeî mam suma sunda vama ar go á mbad’ina. Nahle suma Christ mi sun malaika mama á tagazi woi mazong mama Jean-na.

Vama ndum mbeina 5:5

Ma dingâ tu aduk suma nglona mi dan ala: Ang tchi d’i, ang gola! Azlo ma ad’u andjafâ hi Juda-nina, ni ma ad’u andjafâ hamulâ David-na mi, mi kus ayîna. Kayam ndata, mi ndak á hô dubang ma kid’iziyana woi á mal mbaktum ndata woi mi.