Daniel 2:21 - Bible azumeina

²¹ Ni ma nga mi mbut atchogoid’a kahle suma a nga le kurutna, ni ma nga mi pat amuleina woi yam zlam mazi d’a amula, nga mi tin suma dingâ blangâzina, ni ma nga mi he ned’a mi suma ned’ina, nga mi he wad’ud’a mi suma wad’ud’ina mi.

Daniel 2:21 Kruisverwysings

1 Amuleina 10:24

Suma yam andagad’ina pet a nga mba á djop zlad’a mi Salomon yam ne d’a Alona mi humzid’a.

1 Amuleina 3:28

Israel-lâ pet a we sariya d’a Salomon mi kat ata yata, a lum mandaramu, a wala nAlona ba, mi hum ne ndata á ka sariya d’a d’ingêra.

1 Amuleina 4:29

Alona mi he Salomon ned’a ngola ki wad’ud’a, d’al ma kuruma mi zul d’igi les ma avun alum ma ngolîna na mi.

1 Sunda Hamuleinid’a 22:12

Ar Ma didina mi hang ned’a ki d’alâ á te yam Israel-lâ á ngom gata hi Ma didina Alo mangîd’a.

1 Sunda Hamuleinid’a 29:30

a b’ir leu mam mba ted’a ki sun mam mba ndandala kahle suma a kal lei kur atchogoi mamba aduk Israel-lîna d’oze kur leu d’a kur ambasa hi suma dingîd’a pet kä mi.

Ester 1:13

Amulâ mi de zlad’a mi suma ne suma a wahle suma a mba le kur atchogoid’ina, kayam zla d’a amula a minit navok suma ne suma a we gata ki d’ingêrina.

Wana ni mbaktumba hi Job-pa 12:18

Nga mi but d’i’â hamuleinina woyo, nga mi tchuguzi ziyona furuziya.

Buzuk ka Abud’a 31:3

An oyôm wa ki Muzuk mana ki ned’a ki d’alâ ki wad’ud’a yam sun nda lara ge pet

Buzuk ka Abud’a 31:6

An hum sama ndjunuma; ni Oholiyap Ahisamak gorom ma ad’u andjafâ hi Dan-nina. An he ned’a mi suma d’alâ pet, kayam azi lahlena pet suma an hang vuna kazina:

Daniel 1:17

Alona mi he wad’ud’a ki wed’a ngola kur hata ki ned’a mazungeî suma fid’i ndazina. Daniel nga mi vad’ud’a yam ahle suma nde ir sumina kadï d’a ded’a woi mi.

Daniel 10:1

Kur biza d’a hindi d’a Sirus amul ma Perse-na nga mi tamulid’a, a ndäd’u zlad’a woi mi Daniel ma a yum ala Beltasar-râ. Zla ndata ni zla d’a gagazid’a. A dum ala: Ayî ma ngolâ nga mi mba. Daniel mi ve zla ndata, mi wäd’u vama nde tam mbei irama mi.

Daniel 11:6

Bugol bizad’a tcha, azi mba djin zla mazid’a. Amul ma abo ma sutnina goromba mba d’i vamul ma abo ma norîna á djin zla mazid’a tu, wani djin vun máma mba mi i avok ki. Ndjuvud’u, gorozina, ndat tata ki suma a nguyutna kabud’u, a mba tchazi woi pet.

Daniel 2:20

mi dala: Ar ei lei mersi mAlona kur atchogoi d’a lara ge pet! Kayam ned’a kad’enga a tcholï natamu!

Daniel 2:23

Ang Alona habuyon ngolona, an nga ni hang ngola, an nga ni gileng yam ned’a kad’enga suma ang handjina, kayam ang tagan ad’u vama ami djobong kama, ang ndami ad’u zla d’a gumunda hamulîd’a woi mi.

Daniel 2:9

Wani le agi dandi nga woi yam adï d’a danda d’uo ni, sariya d’a ka ndata mba d’i vagi agi pet. Agi nga ndjagagi ni vunagi á dan zla d’a kad’a ki zla d’a mbut ira tala yam zlad’a ti mbut kä d’a. Kayam ndata, agi dandi woi yam adï d’a danda. Hina wani, an mba ni wala agi ndak á van ad’ut tei mi.

Daniel 4:14

mi er ad’um akulo, mi de ki delem mba ngola ala: Agi kagi agu máma ka woyo, agi kizagam abom mbeyo, agi kragagizi humam mbeyo, agi yagagizi vud’um mbeyo. Ar ahle suma abageina a ring ngei ad’umu, ar aluwei suma akulona a pir rei ata abom mi.

Daniel 4:17

Nga hurâ hi malaika suma ndjola ni vun ma hed’a hi suma a tinizi irazi vazina, tala ar suma a nga ki irazi yam andagad’ina a wala Alo ma sä akulo ma kal teglesâ nga mi te yam leud’a hi suma yam andagad’ina pet, nga mi hat mi sama mam hurum minima, nga mi hle yam suma bugolâ akulo mi d’a.

Daniel 4:22

Amulâ, agu máma ni angû! Ang mbut ngola, ang mbut ad’enga mi. Ngol manga ti i akulo gak ti do hur alona, yam mang nga ted’a ti i gak avun dabid’a handagad’id’a mi.

Daniel 4:32

A mba diging ngei aduk suma, ang mba kak aduk ahle suma abageina, a mba hang asuna á ted’a d’igi amuzleina na. Ang mba kak hina gak bizad’a kid’iziya, gak ang mba wala Alo ma sä akulo ma kal teglesâ nga mi te yam leu d’a yam andagad’id’a pet, nga mi hat mi sama mam hurum minima.

Daniel 7:25

Mam mba mi de zla d’a tchod’a yam ma sä akulo ma kal teglesâ, mba mi djop vun sum mama mi. Mam mba mi nga hurum á mbut bur tilâ ki gata hAlonid’a kä. Ma sä akulo ma kal teglesâ mba mi hum sum mama abom gak bizad’a hindi ki nusa.

Wana ni Zla d’a Djivi d’a Luc mi b’irita 21:15

Kayam an mba ni hagi zla d’a ded’a ki ned’a, tala magi suma djangûna pî a ndak á tchol á tchi tuguyod’a ki sed’egi d’uo d’a.

Romê-na 13:1

Ar suma pet a ge yazi kä ad’u suma te yamba, kayam te yamba bei tcholï ata Alonid’a nga d’i. Alona tamba mi tin suma te yamba ni mamu.

1 Korente-na 1:30

Wani Alona mi zlabagi wa tu ki Jesus Christ, mi mbut Christ ne meid’a mi. Ni yam Christ ba, ei mbud’i suma d’ingêrâ avok Alona, mi mbud’i suma hAlonina, mi pad’ei woi mi.

Jacques 1:17

He d’a hawa d’a djivid’a ki he d’a hawa d’a ndak memeta pet a tcholï nakulo abo Alo ma le b’od’ina, ni ma bei mbuta ba ma anguzam nga d’i pret tuo mi na.

Jacques 1:5

Wani le sana adigagi mi kid’ak ned’a ni, ar mi tchen Alona. Alona mba mi humziya, kayam Alona nga mi he mi suma pet hawa bei ngopa.

Vama ndum mbeina 19:16

Ata baru mamba yam ab’alam simina nga b’ira kua ala: Amulâ hamuleina, Salad’a hi suliyod’a.