Daniel 12:6 - Bible azumeina

⁶ Ma dingâ tu mi de mi sama tchuk baru d’a luluîd’a atam ma nga tchola akulo yam mbiyo alumina ala: Ahle suma yoyou ndazina a mba dap mi mindja ge?

Daniel 12:6 Kruisverwysings

Sawal la giled’a 74:9

Ami wami nga vama tak mala ang nga ki sed’emiya na d’uo d’a, ma djok vun mang nga d’uo d’a. Sama adigami ma wala ahle ndazina, a mba le ni gak mindja ge na nga d’i.

Ezekiyel 9:2

Gola! Andjofâ karagaya a tcholï ki lovot ta avun agrek ma akulona d’a abo ma norîd’a. Nge nge pî mi nga ki va mam ma b’lak yina abomu. Sana tu mi nga adigaziya, mi tchuk baru d’a hap pa luluîd’a atamu, mi djin ahle suma a b’ir ki sed’ezina yam d’ik mama mi. A mba tchol go ki yima ngal ahle suma ngat buzu ma a lum ki kawei ma hleunina.

Daniel 12:5

Ata yima an Daniel nga ni gol vama nde tam mbei irana tua na, suma mbà a nga tchola, tu abo aluma abo hî, tu abo aluma abo hî mi.

Daniel 12:8

An Daniel ni hum zla ndata, wani an wat nga ad’ut ti. Ni kayam ndata ba, an djop ala: Salana, ahle ndazina a mba le ni na na ge?

Daniel 8:13

An hum malaikana tu mi de zlad’a. Malaika ma dingâ mi djobom ala: Vama nde tam mbei yam vama ngat buzu ma burâ ki burîna, yam tchod’a hi ma b’lak yina, yam miret ta a mba miret gong nga kud’ora hAlonid’a ki azigar suma akulona kä d’a, a mba mba ni mindja ge?

Daniel 8:16

An hum del sana kur alum ma Ulai-na, mi er ad’um akulo ala: Gabriel, ang tagam ad’u vama nde tam mbei iram máma.

Matiye 24:3

Jesus mi nga kak kä yam ahina d’a Olif-fa. Mam suma hata a mba gevem vaziya, a djobom ala: Ang damiya, ahle ndazina a mba le ni mindja ge? Vama simat ma mba mi le ba suma a mba wala mba manga ki dabid’a hi duniyad’id’a a ar go na, ni me ge?

Marik 13:4

Ang damiya, ahle ndazina a mba le ni mindja ge? Vama simat ma mba le ba suma a mba wala ahle ndazina a ar go á mbad’a na, ni me ge?

Efes-sâ 3:10

wani ki tchetchemba, yam Toka, suma te yamba ki suma ad’eng suma sä akulona a we ne d’a tetenga hAlonid’a.

1 Pierre 1:12

Alona mi tak mam suma djok vuna ala sun nda azi nga lata ni kayam azi tazid’a d’i, wani ni yam agiya. Wani ki tchetchemba, agi humugi ahle ndazina nata suma a tchagi wal Zla d’a Djivid’a yam ad’enga hi Muzuk ma bei tchod’a ba ma sunumï akulona. Malaikana pî a min ngola á wäd’u ahle ndazina mi.

Vama ndum mbeina 15:6

Malaika suma kid’iziya suma a nga ki tugud’ei d’a tcho d’a kid’iziyad’a abozina, a buzuk kei kur gong nga kud’ora hAlonid’a ki baru d’a hap pa ngal wiwilika ataziya, d’ik ma lora mi nga djinda kuruzi mi.

Vama ndum mbeina 19:14

B’rang nga akulod’a a nga tit ad’umu, a nga yam akulumei suma hobiyona. A tchuk baru ma luluî ma hap ma titilâ ataziya.

Vama ndum mbeina 6:10

Azi de ki delezi akulo ala: Salami ma bei tcho ma gagazina, gak ni mindja ba, ang mba ka sariyad’a yam suma yam andagad’ina á sami atchugulumi kayamba azi tchamid’a ge?