Daniel 11:4 - Bible azumeina

⁴ Wani ata yima leu mamba ad’ut ti b’al kä na, ad’eng mam mba tamula mba d’i kus seyo, leu mamba mba d’i wal lei abo andagad’a fid’i. Nga nandjavam ba mba mi vrak blogom mbi, a mba had’eng nga tamula mi suma dingâ. Wani sum ndazina ad’eng mazid’a mba d’i ndak d’igi mamba na d’i.

Daniel 11:4 Kruisverwysings

Sawal la giled’a 39:6

Gola! Ang ngan burun ni gid’enga d’igi hur abona na, kak man nda yam andagad’id’a ni va avorong ngi. Gagazi, sama lara pî ma nga tchola ad’engina mi ni vama hawa ya’â. Tchol ndjö

Ma tchi wala 4:8

Gola! Sana mi ni vam hina tu, ndram nga d’i, wiyem nga d’uo mi na, gorom nga d’uo mi. Nga mi le sunda bei ara ba, nga mi hal ndjondjoîd’a burâ ki burâ, nga mi djop tam ala mam le sun ndata na ni yam nge ba, nga mi bur sen nduo ge? Ndata ni sun nda hawa yak ka tcho d’a kala.

Jeremi 12:15

Bugol la an yozi woid’a, an mba ni wazi hohowoziya. Nge nge pî adigazi an mba ni hulongôm yam andaga mam mba a humzi djonid’a, nge nge pî kur ambas mamba mi.

Jeremi 12:17

Wani le azi humun nga d’uo ni, an mba ni yo andjaf máma woyo, an mba ni yozi ni dabazi woi mi. An Ma didina ni de na.

Jeremi 18:7

Bur ma dingâ an nga ni de zlad’a yam andjaf ma dingâ d’oze yam leu d’a dinga á pad’at teyo, á pleyêt teyo, á b’lagat tei mi.

Jeremi 31:40

Hor ra a tchuk matna kuad’a pet ki yima butna ki yima hawa ma i gak avun toliyon nda Kedron-nda gak mi ndeza ata yima gulumuna kong kua ma avun Agre’â hAkulumeina ma abo ma yorogonina pet, a mba tinim iram vam mi an Ma didina. Bugola, vama mba pad’am mbei d’oze mba mi hôm mbeina nga d’uo gak didin.

Jeremi 45:4

Jeremi, ang dum ala: Ma didina mi dala: Gola! An mba ni b’lak vama an minima woyo, an mba ni pat vama an puma woi mi. Nala, an mba ni b’lak ambas sa wanda woi ki zla tat pet.

Jeremi 49:36

An nga ni mba ki simetna fid’i ma abo ma fid’i ma avun dabid’a hakulod’ina yam suma Elam-ma. An mba ni ndjoyôzi woi ki simet máma pet, andjaf ma mba ba bei fe suma Elam-ma kuana nga d’i.

Ezekiyel 37:9

Bugola, Ma didina mi dan ala: Ang gor sana, ang djok vuna mi Muzu’â, ang dum ala: Salad’a Ma didina mi dang ala: Ang Muzu’â, ang tcholï abo yima fid’ina, ang mbeï fo yam mad’a sum ndazina kayam a zlit akulo.

Daniel 7:2

Daniel mi dala: Kur andjeged’a vana nde tam mbei iranu. An gola, an we simet ma ata abo ma fid’inina nga mi sir yam alum ma ngolâ kad’enga.

Daniel 7:6

Bugola, an nga ni gola, gol wani, ambur ma dingâ mi hle tam d’igi sindilâ na, wani gigingâ haleinina fid’i nga huyogomu. Ambur máma mi nga ki yamba fid’i, a hum ad’enga á te yamba mi.

Daniel 7:8

Ata yima an nga ni sizar aduvei ndazina tua na, an gol wani, adif ma ding ma gorâ, mi deî aduk aduvei ndazina. Mi pat aduvei suma avo’â woi avorom hindi. An gola, adif máma mi nga ki ira d’igi ir sana na, zla d’a subur tad’a nga d’i buzuk avunam mi.

Daniel 8:22

Adif ma fid’i ma mi vrak balum ma mi kus seina ni leu d’a fid’i d’a mba d’i tchol aduk andjaf mamid’a. Wani ad’eng mata mba d’i ndak ki mamba d’i.

Daniel 8:8

Mbekmbere máma mi mbut ngola kala. Ata yima mi mbut ad’enga dana, adivim ma ngol ma atchap máma mi kus seyo, adifâ mi deî balum adivim ma atchap máma fid’i ngad’a yam simet ma abo ma fid’inina.

Zakari 2:6

Ma didina mi dala: Agi buzugugi woyo, agi buzugugi woi yam ambas sa abo ma norîd’a, kayam an ndjoyôgiya wa woi yam andagad’a abot ma fid’ina.

Zakari 6:5

Malaika máma mi hulong dan ala: Azi ni simet ma fid’i ma akulo ma buzugï woi ata yam ma tchola avok Salad’a ma te yam andagad’a petna.

Matiye 12:25

Wani Jesus mi we djib’er mazid’a, mi dazi ala: Leu d’a lara pî le d’i wal wa kä mbà á dur tad’u ni, leu ndata mba d’i kak ki. Suma kur azì ma nglo ma lara d’oze suma avo hi sama tunina, le a wal wa mbà á dur taziya ni, azì ma nglo máma mba mi kak kuo mi.

Wana ni Zla d’a Djivi d’a Luc mi b’irita 12:20

Wani Alona mi dum ala: Ang ma lilid’a, kur andjege d’a wanda, ang mba mid’a. Ahle suma ang minizina, mba arî hi nge ge?

Vama ndum mbeina 7:1

Bugol ahle ndazina, an we malaikana fid’i a nga tchola ata andaga d’a kengêt ma fid’ina. Azi ve nga simet ma fid’i ma yam andagad’ina aboziya, kayam mi sir yam andagad’a d’oze yam alum ma ngolâ d’oze yam agu ma ding tu d’uo mi.