Daniel 11:32 - Bible azumeina

³² Mam mba mi lop suma a nga d’engzeng yam vun ma djin ma Alona mi djinim ki sed’ezina d’uo na ki vunam ma mbulâ. Wani suma d’engzeng yam Alo mazinina pet, a mba tchol ad’enga ngingring yam zla mazid’a.

Daniel 11:32 Kruisverwysings

1 Sunda Hamuleinid’a 28:9

Ang gorona Salomon, ar ang wAlo ma an abung nga ni lum sundina, ar ang lum sunda ki hur ma tuna ki tang pet ki djivid’a. Kayam Ma didina ni ma hal hur suma petna, mi we djib’era hi suma pet mi. Le ang halamu ni, ang mba fumu, wani le ang aram mbeyo ni, mama mba mi arang ngei ki iram fafat mi.

Nehemi 4:14

Bugol la an i á gol yina tetenga, an de mi suma nglona ki suma avok sumina kablau suma pet suma a nga ata yi mámina ala: Ar agi lagi mandara magi suma djangûna d’i. Agi djib’eregi yam Salad’a ala ni Ma ngol ma kal papana, agi durugi ayîna yam b’oziyogina, yam grogi suma andjofâ ki suma aropma, yam amiyôgina, yam aziyagi mi.

Sawal la giled’a 9:10

Ma didina, angî yima ngeid’a hi suma suma a nga lazazina; ata yima ndaka nga na, angî yima ngeid’a hi sumina.

Zla d’a d’ogolâ 19:5

Sama mi le glangâs ma aboinina, zlad’a nga d’i ba bei vum mbi; sama ka zlad’a heîna, mba mi prut tei bei zlad’a vum mbuo mi.

Zla d’a d’ogolâ 26:28

Sama ka zlad’a nga mi noî vama mam zalam huruma, sama mi lop suma ki vunam ma mbulîna nga mi mba ki b’laka.

Jeremi 31:34

Sa mba mi dok hat ndram mboze mba mi de wiyema ala: Ang we Ma didina na nga d’i, kayam azi pet a mba wanu, tin ad’ud’a ata suma yâna dei gak mba yam suma gangrangâ. An Ma didina ni de na. Kayam an mba ni vat hurun ndei yam tchila mazid’a, an mba ni djib’er yam tcho mazid’a d’uo d’a.

Daniel 11:21

Sama suma a golom isâ mba mi vrak blangâm bei sa mi tchugum baru d’a amula atam ba. Mam mba mi mba ata yima suma a nga kaka tchugotna, mba mi hle leud’a ki mbut ira.

Daniel 11:34

Ata yima azi nga kur ndakina, a mba fe ndjunda hina nde, suma ablaud’a a mba zlap ki sed’ezi á mbut ira mi.

Zakari 10:12

An mba ni hazi ad’enga, a mba tit ni ki simiyênu. Ni an Ma didina ba, ni de na.

Jean 17:3

Ari d’a didinda ba wana, nala, a wang ala ang tu nAlo ma gagazina, a wan ala an Jesus Christ ni ma ang sununïna mi.

1 Jean 5:20

Ei wei ala Alona Goroma mi mba wa da’, mi hei wa ned’a á wei Alo ma gagazina. Ei nga zlapa tu kAlo ma gagazi máma ni yam Goroma Jesus Christ. Mam nAlo ma gagazina, mam nari d’a didinda mi.

Vama ndum mbeina 6:11

A he nge nge pî adigazi baru d’a fiyak ka hapa, a dazi ala a tuk tazi ndjö gak ablaud’a hi b’oziyozinid’a ki d’a hi ndrozi suma sun suma a mba tchazi woi d’igi azi na na ndak tua.