Daniel 11:2 - Bible azumeina

² Ki tchetchemba, an nga ni dang zla d’a gagazid’a. Malaika máma mi dan kua ala: Gola! Amuleina hindi a mba tchol te yam suma Perse-na kua. Bugola, ma fid’ina mba mi tok ndjondjoîd’a kal suma ding suma hindina. Fata mi mbut ad’enga ki ndjondjoî mambid’a, mba mi tchol djangûna ki leu d’a Grek-ka.

Daniel 11:2 Kruisverwysings

Esdras 4:24

Nata yi máma ba, a d’el sunda hi gong nga kud’ora hAlonid’a avo Jerusalem gak kur biza d’a mbà d’a Dariyus amul ma Perse-na nga mi tamulid’a.

Esdras 4:7

Kur atchogoid’a hi Artazerses-sa, Biselam, Mitredat, Tabel ki ndrozi suma a arâ a b’ir mbaktumba mi Artazerses amul ma Perse-na ki b’ira hi suma Aram-mid’a, a vat ad’ut tei ni ki vun ma Aram-ma mi.

Ester 1:1

Wana ni zlad’a le kur atchogoid’a hamulâ Asuwerus-sa: Asuwerus máma mi te leud’a tinï ad’ud’a yam andaga d’a Inde-d’a dei gak mba yam andaga d’a Etiyopi-d’a. Ambas sa mam te kata pet ni kis kam dok mbà yam kid’iziya.

Zla d’a d’ogolâ 22:21

á tagang zla d’a irata ki zla d’a gagazid’a, tala ang hulong zla d’a de d’a gagazid’a mi sama mi sunungâ d’a d’uo zu?

Daniel 10:1

Kur biza d’a hindi d’a Sirus amul ma Perse-na nga mi tamulid’a, a ndäd’u zlad’a woi mi Daniel ma a yum ala Beltasar-râ. Zla ndata ni zla d’a gagazid’a. A dum ala: Ayî ma ngolâ nga mi mba. Daniel mi ve zla ndata, mi wäd’u vama nde tam mbei irama mi.

Daniel 11:25

Mba mi i kad’eng mamba kakuwam mba kekenga ki azigarâ ablaud’a á dur kamul ma abo ma sutna. Amul ma abo ma sutna mba mi buzuk ki azigar suma sib’ika ablaud’a mimiyâk á dur ki sed’emu, wani mba mi tchol avorom mbi, kayam azi nga huruzi á durum ki lemba.

Daniel 7:5

Ambur ma mbàna mi hle tam d’igi ursâ na. Mi nga tchola akulo kasem ma bugolâ, asok ma papeina hindi mi nga avunam aduk siyamu. A hum vuna ala: Ang tchol akulo, ang mut hliuna ngola.

Daniel 8:21

Mbekmberena ni leu d’a Grek-ka, adif ma ngol ma aduk iram d’ad’arâ namul ma avo’â.

Daniel 8:26

Vama nde tam mbei irang yam fladeged’a ki yorogod’ina ni zla d’a gagazid’a. Wani ang ngom zlad’a hi vama nde tam mbei irang mámid’a kä muduriya, kayam ndat mba d’i le ni kur atchogoi d’a sä deid’a.

Daniel 8:4

An we gamlâ máma nga mi dap abo ma fladegena, abo ma norâ kabo ma sutna kadivimu. Vama ndak á tchol avoroma nga d’i, sama ndak á prut va abom nga d’uo mi. Mi le ni vama hurum minima, nga mi i avogovok mi.

Amos 3:7

Gagazi, Salad’a Ma didina nga mi le va gumun bei mi tagam mbei mazungeî mam suma djok vuna d’i.

Jean 10:35

Le Alona mi yi suma zla mamba mba atazi adjeuna ala alona, le b’ira hAlonid’a ndak á mbut tuo ni,

Vama ndum mbeina 21:5

Mam ma nga kaka yam zlamba amulina mi dan ala: Ki tchetchemba, an le wa ahlena pet awilid’a. Mi dan kua ala: Ang b’ir ahle ndazina kur mbaktumba, kayam zla manda ni zla d’a gagazi d’a ndak ang tin hurung kata.