Daniel 11:15 - Bible azumeina

¹⁵ Amul ma abo ma norâ mba mi mba, mba mi mbu andagad’a akulo ad’u azì ma ngol ma ad’eng ma ngunguna, mba mi hlumu. Amul ma abo ma sutna ki grang mam suma durâ, hina pet pî, a mba tchol avorom mbi, a mba fad’enga á tchol avorom mbuo mi.

Daniel 11:15 Kruisverwysings

Jeremi 33:4

Ni hina ba, an Ma didina Alona hi Israel-lîna ni de yam gongîyo suma kur azì ma ngol ma wanina, yam azì ma amula hamulei suma Juda-na ma a nga tom kä woi kandaga d’a a mbut ad’umba kayî ma durîna.

Jeremi 5:10

Agi igi kur asine mat ma guguzlud’a, agi b’lagam mbeyo, wani agi b’lagam mbei pet ti. Agi tchawagi abo guguzlu mata woyo, Kayam azi nga ni suma hi an Ma didinina d’i.

Jeremi 52:4

Kur biza d’a zlengâ d’a Sedekiyas nga mi tamulid’a, kur bur ma dogona hi til ma dogonina, Nebukanezar amul ma Babilon-na mi mba ki azigar mama pet á dur Jerusalem. A vanguvora avorot d’ar, a nguyut tei d’uhl.

Jeremi 6:6

Kayam Ma didin ma ad’engêm kal petna mi dala: Agi kagi aguna kä woyo, agi mbugi andagad’a akulo ad’u Jerusalem. Nazì ma ngol ma ndak á ngopina, kurut ni djop vuna vam tu.

Ezekiyel 17:17

Faron ki azigar mama kablau mamba a mba ndjunum fata suma Babilon-na a mba a dur ayîna a ka tazi woi dudup á mbu andagad’a akulo ad’u azina á dap suma ablaud’a woid’a d’i.

Ezekiyel 4:2

Bugola, ang nguyum kä kayîna, ang lak azigarâ adesâ adesâ nguyum mbei d’uhl, ang mbu andagad’a ad’um akulo, ang ve kangâ, ang tin vama to gulumuna, ang nguyum mbei d’uhl mi.

Daniel 11:14

Kur atchogoi ndata, suma ablaud’a a mba tchol durâ kamul ma abo ma sutna. Daniel, suma murud’umba aduk sum mangâ a mba tchol á dur ki sed’em á ndak vun vama mi nde tam mbei irangâ, wani azi mba ndak ki.

Daniel 11:6

Bugol bizad’a tcha, azi mba djin zla mazid’a. Amul ma abo ma sutnina goromba mba d’i vamul ma abo ma norîna á djin zla mazid’a tu, wani djin vun máma mba mi i avok ki. Ndjuvud’u, gorozina, ndat tata ki suma a nguyutna kabud’u, a mba tchazi woi pet.

Daniel 8:7

An golom mi mba go ki gamlâna, mi tchob’or ayîna atamu, mi dabam mi kuzum adivim mbei djak. Gamlâ máma mi nga kad’enga á tchol avorom mbi. Mi gum kä andaga, mi mired’em kä kasemu. Sama ndak á prut gamlâ máma woi aboma nga d’i.

Josue 1:5

Ata yima ang nga ki irang yam andagad’ina, sama mba mi tchol avorongâ nga d’i, kayam an nga ki sed’eng d’igi an nga ki Moise adjeu na. An mba ni arang vang ngi, an mba ni arang ngei d’uo mi.