Daniel 10:16 - Bible azumeina

¹⁶ An gol sama dingâ mi hle tam d’igi sana na, mi don vunanu. Vunan mi hulong mal leyo, an de mi sama nga tchola vorona ala: Salana, ni kayam vama nde tam mbei irana ba, djib’er manda b’lak ngola, ad’engên nga d’uo wana.

Daniel 10:16 Kruisverwysings

Buzuk ka Abud’a 4:10

Moise mi de mi Ma didina ala: Salad’a, an ndak ki! An ni sama nga ni de zlad’a atogo tchatchap puo na. Ad’u tinda ni kama d’oze ni kama hid’a d’oze nadjï dei d’a ang nga dan an azong mangâ zlad’id’a d’uo mi. Kayam vunan ki sinan a aneka á de zlad’a nadjeu dei.

Buzuk ka Abud’a 4:13

Moise mi dum kua ala: Salad’a, an ndak ki! Ang sun sama dingâ!

Ma tchi wala 1:18

Le ang fe ned’a ngola ni, ang fe ni ndaka ngola; le ang fe wad’ud’a kam kua kam kua ni, ang fe ni djib’era kam kua kam kua mi.

Isai 6:7

Mi dondji avunanu, mi dan ala: Ang gola! An dongzi avunang wana, tchila manga a hlat tei da’, tcho manga a hazat tei da mi!

Jeremi 1:9

Bugola, Ma didina mi mat abom mi don vunanu, mi dan ala: Gola! An tining wa zla manda avunangû.

Ezekiyel 1:26

Akulo yam hur alo ma nga kazina, vana hle tam d’igi ahina safira na, ang golomî d’igi zlam mba amula na. Akulo yam zlam ndata, vana ndeï kat hle tam d’igi sana na.

Ezekiyel 3:27

Fata an dang zlad’id’a, an mba ni malang vunang ngeyo, ang dazi ala: Wana ni zla d’a ded’a hi Salad’a Ma didinid’a. Sama mi min huma, ar mi huma. Sama mi min hum mbuo na, ar mi hum mbuo mi, kayam azi nandjaf ma bei hum vuna ba na.

Ezekiyel 33:22

Ki fladege d’a ma sud’ï woi avun ayînina mi nga bei mbad’a tua d’a, Ma didina mi tin abom kanu. Tcha yorogo d’a mi mba gevenda, vunan mi mal leyo, mi ar nga ngrufa d’uo d’a.

Daniel 12:8

An Daniel ni hum zla ndata, wani an wat nga ad’ut ti. Ni kayam ndata ba, an djop ala: Salana, ahle ndazina a mba le ni na na ge?

Daniel 4:19

Bugol ndjö, Daniel ma a yum ala Beltasar-râ mi hak hik, djib’erem b’lak ngola. Amulâ mi hulong dum ala: Beltasar, ar ang le mandarâ yam adï d’a danda kad’ut ta ved’a d’i. Beltasar mi hulong dum ala: Salana, ar adï d’a danga kad’ut ta ved’a ti i ni yam mang suma djangûna, yam mang suma a halang huneîd’ina mi.

Daniel 7:15

Daniel mi de kua ala: Muzugan mi b’lak ngola kurun krovo kayam vama a ndum mbei iran máma mi mbud’un mandarâ heî.

Daniel 7:28

Zla d’a de ndata daba. An Daniel, djib’er manda mbud’un mandarâ heî, an tchuk susub’ok, an ngom zla ndata kurunu.

Daniel 8:15

Ata yima an Daniel nga ni gol vama nde tam mbei irana ni hal ni wum ad’uma, an gol wani, vana nga tchola avoron mi hle tam d’igi sana na.

Daniel 8:17

Gabriel mi hut geven ata yima an nga tchola kuana. An le mandarâ, an puk kä ki iran andaga. Wani mi dan ala: Ang gor sana, ang huma. Vama nde tam mbei irang máma ni yam dabid’a hatchogoid’id’a.

Daniel 8:18

Ata yima mam nga mi dan zlad’ina, an iran ni kulupa kä andaga, djib’eren ti b’lak ngola. Mi van mi tcholon akulo ata yima an nga kuana.

Daniel 8:27

An Daniel djib’eren ti b’lak ngola, ni mbut tugud’eid’a burâ tcha. Bugol la an mbut gangrangid’a, an ve sunda hamulîd’a led’a. Wani an kak ki djib’era yam vama nde tam mbei iran máma, kayam an wum nga ad’um mbi.

Daniel 9:21

Kid’a an nga ni de zlad’a abon keid’a, an we Gabriel ma an wum avok ata yima vana nde tam mbei irana, mi pirï atogo zak, mi mba geven ki fladege d’a suma a he he d’a hawad’id’a.

Wana ni Zla d’a Djivi d’a Luc mi b’irita 1:64

Ata yi máma na wat, Zakari vunam mal leyo, nga mi de zlad’a, nga mi gile Alona ki delem akulo.

Wana ni Zla d’a Djivi d’a Luc mi b’irita 21:15

Kayam an mba ni hagi zla d’a ded’a ki ned’a, tala magi suma djangûna pî a ndak á tchol á tchi tuguyod’a ki sed’egi d’uo d’a.

Jean 20:28

Toma mi hulong dum ala: Angî Salana, Alo mana.

Josue 5:14

Mi hulong dum ala: Hawa! An ni ma ngol ma dur ayîna hi Ma didinina, an mba wa da’. Josue mi grif kä andaga avoromu, mi dum ala: Salana, ang min dan an azong mangâ nana ge?

Vama ndum mbeina 1:13

Vana nga tchola aduk agu máma, mi hle tamî d’igi sana na. Mi tchuk baru d’a fiyaka atam gak ti tchuk kä asemu, mi djin d’ik ma lora kurumu.

Suma ka sariyad’a 13:8

Manowa mi tchen Ma didina ala: Salad’a, ar sana hAlona ma ang sunumina mi mbeï gevemi kua, mi had’ami vama ami mba lum ki gor ma a mba vud’um máma.

Suma ka sariyad’a 6:13

Zedeyon mi hulong dum ala: Hawa yak! Le Ma didina mi nga ki sed’emiya ni, ni kayam me ba, ahle suma tchotcho ndazina a mba kami na ge? Ahle mam suma yoyou suma mi lazi suma abuyomi ngolo a dami kazi ala: Ni Ma didina ba, mi buzugumï woi kur Ezipte d’uo zi ge na, a nga ni lara ge? Ki tchetchemba, Ma didina mi arami woyo, mi hami wa woi abo suma Madiyan-na.

Suma ka sariyad’a 6:15

Zedeyon mi hulong dum ala: Salad’a, an mba ni sut Israel-lâ woi ni ki me ge? Simiyên ni suma hou suma kala aduk andjafâ hi Manase-na, an ni ma gor ma danana aduk suma habuna mi.