Daniel 10:12 - Bible azumeina

¹² Mi dan kua ala: Daniel, ang le mandar ri. Tin ad’ud’a kur bur ma avok ma ang mbut tang hohoud’a ang ge yang kä avok Alo mangâ á wäd’u vama lena, mi hum tchen manga. Kayam ndata, an mbeï geveng ná hang humba.

Daniel 10:12 Kruisverwysings

Sawal la giled’a 69:10

Tan nga d’i lan zlezleû yam gong manga, ngul la suma a nga ngulunga ti hulong kanu.

Isai 35:4

Agi dagi mi suma tazi tchuk lusâ ala: Agi siragi ngingring, agi lagi mandar ri. Gola! Alo magina nga mi djï á sagi atchugulugiya, á wurak magi suma djangûna yam tcho d’a azi lagizid’a mi. Mam tamba nga mi djï á sud’ugiya.

Isai 41:10

Agi lagi mandar ri! An nga ki sed’egiya. Agi mbud’ugi tagi hohoud’a d’i, kayam an nAlo magina, an nga ni siragiya, an nga ni mba á ndjunugiya, an nga ni ndjunugi kabon ma ndjuf ma kus ayîna.

Isai 41:14

Agi Israel suma hi Jakob-ma, agi suma suma a gologi d’igi ndjuvul ma gorâ na na, agi suma suma a mired’egi kä d’igi ndjuvulâ na na, agi lagi mandar ri! An tan nga ni mba á ndjunugiya! An Ma didin ma tin tan irat vat kagi Israel-lîna, ni dala: An nga ni hle zla magid’a hur abonu.

Isai 58:9

Ata yi máma agi mba yagi Ma didina, mam mba mi humugiya. Agi mba eregi ad’ugi akulo, Ma didina mba mi hulong dala: An wana! Le agi aragi bei tinigi aneka kel suma, le agi aragi bei d’ek suma, le agi aragi zla d’a de d’a asa’ata mi suma,

Isai 65:24

An mba ni humuzi avok bei azi tchenenu, an mba ni humuzi ata yima azi de nga zlad’a d’uo tua na.

Daniel 10:11

Bugola, sama mi tchuk baru d’a luluîd’a atama, mi dan ala: Daniel, ang ma Alona mi le kang heîna, ang hum zla d’a an nga ni dangzid’a, ang tchol akulo ata yima ang nga kuana. Ki tchetchemba, a sunun ni gevengû. Ata yima an hum zla ndatina, an tchol akulo, nga ni zlaga.

Daniel 10:19

Bugola, mi dan ala: Ang ma Alona mi le kang heîna, ar ang le mandar ri. Ar ang kak ki b’leng nga halasa, ang ve tang ad’enga, ang ve tang ad’enga. Ata yima nga mi dan zlad’ina, an hulong fad’enga. An dum ala: Ang de, kayam ang han ad’enga da’.

Sunda hi suma hi Levi-nid’a 16:29

Wana ni gat ta didin nda kagid’a: Kur bur ma dogona hi til ma kid’iziyana, agi d’elegi tagi bei te tena, agi tugugi tagi bei le sunda, agi tagid’a kangei ma nga kaka adigagina.

Sunda hi suma hi Levi-nid’a 16:31

Bur máma mba mi mbut ni bur ma sabat ma tuk tagina; agi d’elegi tagi bei te tena kuru. Wana ni gat ta didin nda kagid’a.

Ndumba 29:7

Ma didina mi de kua ala: Kur bur ma dogona hi til ma kid’iziyanina, agi togogi tok ka a tinit irat vata á kud’uron an Ma didina, agi d’elegi tagi bei te tena kur bur máma, agi lagi sun nda kaud’a kur ri.

Matiye 28:10

Ata yi máma, Jesus mi dazi ala: Agi lagi mandar ri, agi i dagi mi b’oziyona ala á i yam ambas sa Galile-d’a. Azi mba wan sä hî.

Matiye 28:5

Wani malaikana mi de marop ndazina ala: Agi lagi mandar ri, kayam an wala agi halagi ni Jesus ma a b’alam akulo ata agunina.

Marik 16:6

Mi dazi ala: Ar vunadigagi d’i pat ti. An wala agi halagi ni Jesus ma Nazarat ma a b’alam akulo ata agunina. Mi tchol wa akulo, mi nga ka hî d’i; agi gologi yima a gum kuana wana.

Wana ni Zla d’a Djivi d’a Luc mi b’irita 1:13

Wani malaikana mi dum ala: Zakari, ang le mandar ri, kayam Alona mi hum tchen manga. Amanga Elizabet mba d’i vut gorâ, ang mba tinim simiyêm ala Jean.

Wana ni Zla d’a Djivi d’a Luc mi b’irita 1:30

Wani malaikana mi dat ala: Marie, ndak le mandar ri, kayam Alona mi vak wa sumad’a.

Wana ni Zla d’a Djivi d’a Luc mi b’irita 2:10

Malaikana mi dazi ala: Agi lagi mandar ri, an mbagi ni Zla d’a Djivi d’a furî d’a yam suma peta.

Wana ni Zla d’a Djivi d’a Luc mi b’irita 24:38

Mi dazi kua ala: Ni kayam me ba, vunadigagi d’i pat fek ke? Ni kayam me ba, agi djib’eregi kurugi hina ge?

Sunda hi suma a sunuzinid’a 27:24

mi dan ala: Paul, ar ang le mandar ri; mbeî ang mba tchol avok ma te yamba Sesar. Alona, kur djivi mam mba kanga, nga mi ngom arid’a hi suma a nga tit ki sed’engâ pet mi.

Vama ndum mbeina 1:17

Ata yima an wuma, an puk kä asem d’igi sama matna na, wani mi tin abom ma ndjufâ kanu, mi dan ala: Ang le mandar ri; ni an Ma avo’â, ni an Ma danana.