Daniel 1:2 - Bible azumeina

² Salad’a mi he Jojakim abo Nebukanezar, mi bongôm lovota á yo ahle suma a nga kur gong nga kud’ora hAlonid’ina nde. Mi yo suma dingâ magomba, mi izi kur ambas sa Babilon-nda, mi tchuk ahle suma mi yozï hurumbina kur gong nga ngom ahlena kur gong nga kud’ora halo mamid’a.

Daniel 1:2 Kruisverwysings

Ad’u Tinda 10:10

Azì ma ngol ma kur leu mambina ni Babel, Erek, Akat ki Kalne; azi pet ni kur ambas sa Sinar-ra.

Ad’u Tinda 11:2

Wani azi i irazi abo ma yorogona, azi fe yima djivi ma abo tam tuna yam andaga d’a Sinar-ra, azi kak kua.

2 Amuleina 24:1

Kur atchogoi mamba, Nebukanezar amul ma Babilon-na mi mba á dur ayîna kandaga d’a Juda-d’a. Jojakim mi ge yam kä ad’um gak biza d’a hindi. Bugola, mi tchol huneîd’a ki sed’emu.

2 Sunda Hamuleinid’a 36:5

Kid’a Jojakim mi kak amulid’a, bizamî dok mbà yam vahl. Mi tamula avo Jerusalem bizad’a dogo yam tu, mi le sun nda tchod’a avok Ma didina Alo mama.

2 Sunda Hamuleinid’a 36:7

Nebukanezar mi yo ahle suma sun suma kur gong nga kud’ora hi Ma didinid’ina, mi tchuguzi sä kur aziyam mamula avo Babilon.

Esdras 1:7

Amulâ Sirus tamba, mi hulong ahle suma kur gong nga kud’ora hi Ma didinid’a suma Nebukanezar mi yozï adjeu avo Jerusalem mi tchuguzi kur gong nga kud’ora halo mamid’ina.

Isai 11:11

Kur bur máma Ma didina mba mi mat abom kua yam á mbàd’a á prut mam suma ad’uzi mba d’i ar abo suma Asiri-na, abo suma Ezipte-na, abo suma Patros-sâ, abo suma Etiyopi-na, abo suma Elam-ma, abo suma Sinar-râ, abo suma Hamat-na, abo suma a nga kaka yam tila halum ma ngolîd’a woi mi.

Isai 42:24

Ni nge ba, mi he Israel suma hi Jakob-ma mi suma á hurumuzi á yozi ahligiyezi mi ge? Ni Ma didin ma ei lei tchod’a avoroma d’uo zu? Israel-lâ a min nga á tit kur lovot ta Alo mazina mi tagazizid’a d’i, a hum nga gat mamba d’uo mi.

Jeremi 25:1

Ma didina mi de zlad’a mi Jeremi yam suma Juda-na pet. Ni kur biza d’a fid’i d’a Jojakim Josiyas goroma amul ma Juda-na nga mi tamulid’a, ni kur biza d’a avok ka Nebukanezar amul ma Babilon-na nga mi tamulid’a mi.

Jeremi 27:16

An de mi suma ngat buzuna kablau d’a peta ala: Gola! Ma didina mi dala: Ar agi humugi suma djok vun suma a nga dala: Ar hina ndjö ahle suma kur gong nga kud’ora hi Ma didinid’ina, a mba hulongôzï yod’a avo Babilon-nu na d’i, kayam vun ma azi nga djogogizina ni zla d’a kad’a.

Jeremi 28:3

Ar bizad’a mbà an mba ni hulongî ahle suma kur gong man nda kud’ora suma amul ma Babilon mi yozi ka hî mi i ki sed’ezi Babilon-na.

Jeremi 35:11

Kid’a Nebukanezar amul ma Babilon-na mi mba á dur ambas sa wandid’a, ami dami ala: Ei i Jerusalem ei ringî abo azigar suma Babilon-na ki azigar suma Siri-na. Ni hina ba, ami mba kagami kur Jerusalem wana.

Jeremi 50:2

Agi tchagi wal zla ndata woi aduk andjaf suma, ar suma a humud’u. Agi pagi drapo d’a taka akulo, ar suma a hum zla ndata, agi ngeyet kä d’i. Agi dagi woi kat ala: A hle wa azì ma Babilon-na! Alo ma a yum ala Bel-lâ mi mbut wa zulona, Alo ma a yum ala Mardu’â, a b’lagam wa woyo! Angus ahle mam suma tcheta a mbut wa zulona, filei mama a b’lagam wa woi mi.

Jeremi 51:44

An mba ni ngop Bel alo ma avo Babilon-na, an mba ni pat vama mi ligima woi avunamu, andjaf suma a mba i gevem mbuo d’a. Gulumun ma Babilon-na tamba mi to wa kä woyo.

Daniel 5:13

Ata yi máma hina wat a mba ki Daniel avok amulâ. Amulâ mi djobom ala: Angî Daniel ma aduk Juif suma abun mi yozï magombina gagazi zu?

Daniel 5:18

Amulâ, Alo ma kal teglesâ mi tin abung Nebukanezar amul ma ngolâ, mi hum ngola ki hud’a ki subura mi.

Habakuk 1:16

Kayam ndata, a nga ngat buzuna mabei mazina, a nga ngal dubang ma his djivid’ina mabei mazina á lum ad’umu. Kayam ni mam ba, nga mi vigizi kuluf ma djivi ma mbulâ; te mazina nga mi zul mi.

Zakari 5:11

Mi hulong dan ala: A i ni ki sed’em Mesopotami ata yima azi mba minim gong mamba kuana. Le a min wa gonga ni, azi mba tinim kua.

Gat ta a hat á mbàd’id’a 32:30

Ladjï an Ahina mazi d’a suta ni guzuzi woi abo mazi suma djangûna d’uo, an Ma didina ni hazi abo mazi suma djangûna d’uo ni, ni nana ba, sama tuna, mi dik suma dubuna ge, ni nana ba, suma mbàna, a dik suma dudubu dogona ge?

Suma ka sariyad’a 2:14

Ma didina hurum zal ngola ata Israel-lâ, mi hazi abo suma a hurum ahlena hi sumina, a hurumuziya. Mi guzuzi woi abo mazi suma djangû suma a nguyuzina. Kayam ndata, azi ndak nga á tchol avok mazi suma djangûna d’uo d’a.

Suma ka sariyad’a 3:8

Ma didina hurum zal ata Israel-lâ ngola, mi hazi woi abo Kusan-Risatayim amul ma Mesopotami-na. Israel-lâ a le sunda mi Kusan-Risatayim gak bizad’a klavandi.

Suma ka sariyad’a 4:2

Ma didina mi hazi woi abo Jabin amul ma Kanan ma nga mi tamula avo Hasor-râ. Azigar mam ma ngolâ ni Sisera, yam ma kaka ni Haroset-Goyim.

1 Samuel 5:2

a kalam kur gonga halo mazina Dagon-nda, a tinim gen Dagon máma.