Amos 9:1 - Bible azumeina

¹ An we Salad’a mi nga tchola yam yima ngal ahle suma ngat buzuna, mi dala: Agi tumugi agu ma murgulina yam mba djumba, ar agu ma avun gong nga kud’orina mi giged’a! An mba ni kuzuzi yazi woi pet; ad’uzi d’a ara, an mba ni tchazi woyo. Sa tu pî mba mi ndak á ring ngi, sa mba mi sut tu d’uo mi.

Amos 9:1 Kruisverwysings

2 Sunda Hamuleinid’a 18:18

Wani Mise mi hulong dum ala: Ang hum zla d’a Ma didina mi data. An we Ma didina mi nga kaka yam zlam mam mba amula, azungeî mam suma sä akulona pet a nga tchola gevem yam bigam mba ndjufâ ki d’a gulad’a.

Sawal la giled’a 68:21

Alo meina nAlo ma sud’ina, Ma didina Salad’a ni ma prud’i woi abo matnina.

Sawal la giled’a 68:22

Gagazi, Alona mba mi wak yam mam suma djangûna woyo, mba mi wak asok yam sama nga mi i avogovok kur tcho mambina woyo.

Isai 30:16

Agi nga dagi ala: Hawa yak! Ami mba djangâmi kakulumeina! Gagazi, agi mba djangâgi kakulumeina, wani ná ringâ! Agi nga dagi ala: Akulumei mamina a djang heî, wani suma a mba digigina, akulumei mazina a mba djang kal tua d’ei!

Isai 6:1

Kur biza d’a amulâ Oziyas mi mita, an we Ma didina mi nga kaka yam zlamba sä akulo dei. Vun baru mam mba ngola ti oî hur gong nga kud’ora.

Jeremi 11:11

Ni kayam ndata ba, Ma didina mi dala: Gola! An nga ni mba ki ndaka kaziya, ni ndak ka azi mba buzuk kei kurut tuo d’a. Azi mba tchi kanu, wani an mba ni humuzi d’i.

Jeremi 42:16

ayî ma dur ma agi nga lum mandarama, mba mi mba kagi sä kur ambas sa Ezipte-d’a; baktara d’a agi nga djib’eregi kata, mba d’i mba kagi sä Ezipte, agi mba bogi sä kua.

Jeremi 48:44

Ma didina mi de kua ala: Sama mi ring abo mandarîna mba mi nde kur zula. Ma djagï akulo woi kur zulina, abeid’a mba d’i vum mi, kayam an nga ni mba ki biza d’a ndaka yam azì ma Mowap-ma.

Ezekiyel 1:28

B’o d’a wile d’a nguyum mbei d’uhl ndata, ti hle tat ni d’igi virâ mi b’al alona ata yima nga mi sena na, ni vama hle tam d’igi subura hi Ma didinid’a na na. Ata yima an huma, an ge tan kä avoromu. Bugola, an hum dela hi sanid’a ti dan zlad’a.

Ezekiyel 10:4

Subura hi Ma didinid’a ti ndeï woi akulo yam tcherebêna, ti i irat avun yima kala hi gong nga kud’ora hAlonid’ina. Gonga ti oî ki d’ugula, subura hi Ma didinid’a wile mata ti oî hur atranga mi.

Ezekiyel 15:7

An mba ni mbut iran ni ngoboziya. A mba djib’er ala a buzuk kei aduk akud’a da’, wani akud’a mba d’i ngalaziya. Fata an mbut iran á ngobozid’a, agi mba wagi ala an ni Ma didina.

Ezekiyel 9:2

Gola! Andjofâ karagaya a tcholï ki lovot ta avun agrek ma akulona d’a abo ma norîd’a. Nge nge pî mi nga ki va mam ma b’lak yina abomu. Sana tu mi nga adigaziya, mi tchuk baru d’a hap pa luluîd’a atamu, mi djin ahle suma a b’ir ki sed’ezina yam d’ik mama mi. A mba tchol go ki yima ngal ahle suma ngat buzu ma a lum ki kawei ma hleunina.

Amos 3:14

Kur bur ma an mba ni mba á ngop Israel-lâ yam tcho mazid’ina, an mba ni to yima ngal ahle suma ngat buzu ma Betel ma tetengâ kä woyo, kengêm ma djidjid’engâ mba mi dris kä woi andaga mi.

Amos 7:17

Kayam ndata, Ma didina mi dala: Amanga mba d’i le gaulangâ kur azì ma ngolâ, grong suma andjofâ ki grong suma aropma, a mba tchazi avun ayîna, a mba b’rau ir andaga manga ki ziyona. Ang mba mit ni yam andaga d’a ndjendjed’a. A mba yo Israel-lâ magomba, a mba izi woi dei kandaga mazid’a.

Amos 7:9

An mba ni b’lak yima ndingâ handjafâ hi Isa’â woyo, an mba ni b’lak gongîyo suma kud’ora hi Israel-lîna woyo, an mba ni ngop suma hi Jerobowam-ma kayî ma durâ mi.

Habakuk 3:13

Ang nde woi abu á sut sum mangâ, á sut ma ang manama, ang b’lak amulâ hi suma tchonina woyo, ang tchi sum mama woi pet mi. Tchol ndjö

Sofoni 1:12

Kur bur máma an mba ni hal hur azì ma Jerusalem-ma ni ki lalamba, an mba ni ngop suma a nga burâ kä kur tcho mazid’a suma a nga de kuruzi ala: Ma didina nga mi le vama djivi d’oze vama tcho d’uo na.

Sofoni 2:14

Ades d’uwarâ mba mi tuk tam kuru, andjaf ahle suma abagei suma lara ge pepet zlapa ki bud’ufâ ki tchetchema a mba bur akulo yam agu ma murgulina yam mba djumba, a mba tchi ir fenetred’a wü, agu ma avun gongîyonina mba mi b’lak keyo, agu sedre ma ped’a ngingitna a mba pad’am mbei mi.

Jean 1:18

Sa mi we nga Alona yam tu d’i, wani Gorom ma tu gid’eng ma nga kaka gen Abuma, ni mam ba, mi tak Alona woi abua.

Jean 1:32

Jean mi le glangâsâ ala: An we Muzu’â hAlonina mbeï akulo d’igi gugud’a na, mi kak kamu.

Sunda hi suma a sunuzinid’a 26:13

Amulâ, ata yima an nga kur titina, kid’a afata tchol falei d’ad’ara, an we b’od’a tcholï akulo kal b’od’a hafatid’a. B’o ndata nguyun ki suma a nga ki sed’ena.

Josue 10:18

Josue mi dazi ala: Agi ligad’agi ahina d’a nglod’a avun zul ndata, agi tinigi suma avun á ndjola.

Vama ndum mbeina 1:17

Ata yima an wuma, an puk kä asem d’igi sama matna na, wani mi tin abom ma ndjufâ kanu, mi dan ala: Ang le mandar ri; ni an Ma avo’â, ni an Ma danana.

Vama ndum mbeina 8:3

Malaika ma dingâ mi mba, mi tchol nga ata yima ngal dubang ma his djivid’ina. Mi nga kangal la lora abomu. A hum dubang ma his djivid’ina ngola, kayam mi hum zlapa ki tchenda hi suma hAlonid’a pet ata yima ngal dubang ma his djivid’a ma lor ma nga avok zlam mba amulina.