Amos 8:9 - Bible azumeina

⁹ Salad’a Ma didina mi dala: An mba ni nik afata falei d’ad’ar, an mba ni mbut andagad’a nduvunda falei mi.

Amos 8:9 Kruisverwysings

Wana ni mbaktumba hi Job-pa 5:14

Nga mi mbut yina nduvunda avorozi faleya, a nga lam yina falei d’igi sana nga mi lam yina andjege na.

Isai 13:10

Kayam tchitchiud’a kades tchitchiu d’a tetenga d’igi dumusa teteng na d’a a mba b’o d’i, afata mba d’i mbut nduvunda ata yat ma deîd’a, tilâ mba mi b’o d’uo mi.

Jeremi 13:16

Agi suburugi Ma didina Alo magina avok ka bei mam mba ki nduvundid’a, avok ka bei asegi mi dap kahuniyôna kur yima nduvundid’a. Agi nga djubugi b’od’a, wani mam mba mi mbud’ut nduvunda. Mba mi mbud’ut nduvunda d’igi d’ugul la wura d’a i’îlika na.

Jeremi 15:9

Gro yogod’a kid’iziya suma tchazina asuzi ti nde tcha tata abo hur ma hata, ti seyâ, ti mid’a, afat mata ti nik kä ni falei tua, kayam ni vama zulona kad’u, blangât mi sil lei mi. Suma a arâ, an mba ni hazi abo mazi suma djangûna, a mba tchazi woi avun ayîna mi.

Ezekiyel 32:7

Fata an tchang ngeid’a, an mba ni duk ir akulod’a, an mba ni duk ir b’od’a hi tchitchiud’id’a, an mba ni duk ir afata ki d’ugula, tilâ mba mi b’o d’uo mi.

Amos 4:13

Gola! Mam mi ma lahuniyôna ki simetnina, ni ma nga mi tak djib’er mamba mi sanina, ni ma nga mi mbut yorogod’a nduvundina, ni ma nga mi tit akulo yam fiyaka handagad’ina, simiyêm ala Ma didina Alo ma ad’engêm kal petna.

Amos 5:8

Mi lades tchitchiu d’a a yat ala Gro azungeîna d’a ki d’a a yat ala Gro yuguneina, ni ma mbut yima nduvunda yima fod’ina, ni ma mbut yima b’od’a nduvundina, ni ma mi yi mbiyo alum ma ngolâ mi wed’em mbei yam andagad’a petna. Simiyêm ala Ma didina.

Mise 3:6

Kayam ndata, yina mba mi rumî kagiya, va mba mi nde tam mbei iragi d’i! Yina mba mi mbut nduvunda kagiya, a mba fe sama djop filei adigagi d’uo d’a. Afata mba d’i nik yam suma djok vun ndazina, faleid’a mba d’i mbut nduvunda kaziya.

Zakari 14:7

Bur máma ni bur ma mba mi ka’î iram vam zenena, Ma didina mi wumî mam hol, faleid’a nga d’uo mi na, andjeged’a nga d’uo mi, wani b’od’a mba d’i ndeï woi ni fladege.

Matiye 24:29

Jesus mi dazi kua ala: Bugol ndaka hi bur mámid’a, atogo hina zak afata mba d’i mbut nduvunda, tilâ mba mi b’o d’i, tchitchiud’a mba d’i tchugï kä, ahle suma ad’eng suma akulona a mba yira.

Matiye 27:45

Kid’a afata tchol falei d’ad’ara, yina mbut nduvunda yam andaga ndata pet gak afata tchuk siyad’u.

Marik 15:33

Kid’a afata tchol falei d’ad’ara, yina mbut nduvunda yam andaga ndata pet gak afata tchuk siyad’u.

Wana ni Zla d’a Djivi d’a Luc mi b’irita 23:44

Ata yima afata mba go ki falei d’ad’arâ, yina mbut nduvunda yam andagad’a pet gak afata tchuk siyad’u.

Vama ndum mbeina 6:12

Ata yima Gor timina mi hô dubang ma karagayana woina, an gol andagad’a ti yir gigidji, afata ti mbut wurad’a d’igi baru d’a dodora na, tilâ mi mbut hleud’a d’igi buzuna na mi.

Vama ndum mbeina 8:12

Malaika ma fid’ina, mi bu adif mamba. A tum afat ta a walat aduk hindid’a abot ma tuna, a tum til ma a walam aduk hindina abom ma tuna, a tum tchitchiu d’a a walat aduk hindid’a abot ma tuna, kayambala abozi ma tutuna mi b’o d’uo d’a, falei d’a a walat aduk hindid’a abot ma tuna mi ba bei b’od’a d’a, andjege d’a a walat aduk hindid’a abot ma tuna mi le ni na mi.