Amos 8:6 - Bible azumeina

⁶ Ami mba guzumi suma kid’aka ki bege d’a hapa, ami mba guzumi suma houd’a katuguru ma ir tchuka tuna, ami mba guzumi ndjendjek gemena woyo.

Amos 8:6 Kruisverwysings

Nehemi 5:8

An dazi kua ala: Ami mbud’umi yam b’oziyoi Juif suma a guzuzi woi kur magomba abo andjaf suma dingîna ndak yam ad’eng mamid’a. Wani agi tagid’a nga guzugi b’oziyogina woi abo sum meina wa d’ei zu? Ata yi máma a seng silil, a fe nga zla d’a a hulongôndji ded’id’a d’i.

Ezekiyel 22:12

Suma a nga ve beged’a gumun á tchi matnina a nga kurungû, suma a nga hal beged’a ki mbinina a nga kurungû, suma a nga b’at ahlena abo ndrozinina a nga kurung mi. Wani a mar rei kanu. An Salad’a Ma didina ni de na.

Joel 3:3

Azi le togina yam sum mana, azi he gor mandjufâ yam gaulangâ, azi gus gor weid’a süm guguzlud’a á tched’a.

Joel 3:6

Agi guzugi gro suma Juda-na ki gro suma avo Jerusalem-ma woi abo suma Gre’â á walazi woi dei kambas mazid’a.

Amos 2:6

Ma didina mi dala: Israel-lâ a nga i avogovok kur tchod’a wan pî, an mba ni djok vunan yam zla d’a an data d’i. Azi gus suma d’ingêrâ woi yam kawei ma hapma, a gus ma houd’a woi yam atuguru ma ir tchuka tuna,

Amos 3:9

Agi tchagi wala akulo yam azì ma amul ma Asdot-na, yam azì ma amul ma Ezipte-na ala: Agi togogi tagi akulo yam yima nding ma Samari-na, agi gologi siwel la gandjaud’a ki murud’um mba a nga lat ata tazid’a.

Amos 4:1

Agi arop suma Samari suma nga dub’aragi d’igi amuzlei suma arop suma Basan-na na na, agi suma nga lagi suma kid’aka murud’umbina, agi suma nga mired’egi suma houd’a kä, agi suma nga dagi mandjuvuyogi ala: Agi yogiya, ei tcheya na, agi humugi zla d’a an nga ni data.

Amos 8:4

Agi suma nga tagi suma houd’ina, agi suma kid’eyêgi ir suma hohou suma kur ambasina, agi humugi zla d’a wanda.

Zakari 5:6

An hulong ni dum ala: Ni me ge? Mi dan ala: Ni vama nga ahle ma tchod’a hi suma yam ambasina pet nga kuruma.