Amos 8:5 - Bible azumeina

⁵ Agi nga dagi ala: Til ma deî awilina mi dap mi mindja ba, ami mba fami lovota á guzumi awu mamina woi ge? Bur ma sabatna mba mi dap mi mindja ba, ami mba malami vun avurei mamina woi ge? Ami mba kami aneka hi kilonid’a woyo, ami mba djogomi gusa avogo, ami mba mbud’umi ir suma ki kilo ma ata yam mbuo na.

Amos 8:5 Kruisverwysings

2 Amuleina 4:23

Ndjuvut mi dat ala: Ni kayam me ba, ndak i avo hatam ini ge? Ini nga ni bur ma vun tilâ d’oze ni bur ma sabatna d’uo. Wani ti hulong dum ala: Ang djib’er ri!

Buzuk ka Abud’a 31:13

Ang de mi Israel-lâ ala: Alona mi dala: Agi aragi bei ngom bur man ma sabatna d’i, kayam mam mba mi arî vama taka adigagi ki an kur atchogoi magid’a pet. Ni kayam ndata ba, agi mba wagi ala ni an Ma didina ba, ni managi ni tinigi iragi vagiya.

Zla d’a d’ogolâ 11:1

Kilo ma hle ma ata yam mbuo na ni vama ndjendjed’a ir Ma didina, wani kilo ma hle ma ata yama ni vama djivina iramu.

Zla d’a d’ogolâ 16:11

Ma didina mi min ala kilona ki taza ma a nga ahlena kama a ka’î memet, mi min ala anek ka kur sakid’a ti ka’î ata lovod’ot mi.

Zla d’a d’ogolâ 20:23

Anek ka nga d’a nga ata yat tuo d’a ni vama ndjendjed’a ir Ma didina, kilo ma hle ma nga ata yam mbuo na, mi nga ni vama djivi d’uo mi.

Isai 1:13

Ar agi mbagi ki he magi d’a hawa d’a hawa yaka d’i. Andosâ hi dubang magi ma his djivid’ina ni vama ndjendjed’a iranu. Ar agi mbagi kahle magi suma ngat buzuna kur bur ma deîd’a hi tilîna d’oze kur bur ma sabatna d’oze kur bur ma vun til ma teteng ma a ngama d’i. Kayam an nga ni min kud’or ra zlapa ki mat ma tchid’id’a d’i.

Isai 58:13

Le ang d’el tang bei tita kur bur ma sabatna á le min manga kur bur man ma an tinim iram vama d’uo, le ang mbut bur ma sabatna ni bur mang ma furîd’a, ang tinim iram vam á suburun an Ma didina, le ang suburum ná tit yam min manga d’uo, á le vama ang hurung minima d’oze a de zla d’a hawa yaka d’uo mi ni,

Wana ni mbaktumba hi Oze-d’a 12:7

mi de mi Jakob ala: Ang hulongî gen an Alo mangâ mbeî, ang le djivid’a, ang tit yam d’ingêra, ang tin hurung kan an Alo mangâ burâ ki burâ mi.

Wana ni mbaktumba hi Oze-d’a 12:8

Agi suma Efraim-ma, agi ni suma mbut abogina, kilo ma mbut ira mi nga abogiya, agi minigi ni mbut ir suma tu.

Sunda hi suma hi Levi-nid’a 19:36

Ar kilo magi ma nga ahlena mi ka’î d’ingêr, aneka hahlenid’a ti ka’î d’ingêr, ngad’a hi yinid’a ti ka’î d’ingêr, ngad’a hahle suma a ngazi ki lidirîna a ka’î d’ingêr mi, kayam an ni Ma didina Alo magi ma pad’agï woi kur ambas sa Ezipte-d’ina.

Zakari 5:6

An hulong ni dum ala: Ni me ge? Mi dan ala: Ni vama nga ahle ma tchod’a hi suma yam ambasina pet nga kuruma.

Zakari 5:8

Malaikana mi dan ala: Ti ta’î tchod’a. Mi zud’ut sä kä kur vama nga ahlena, mi dugut vunat kä ki vun vama a lum ki lombina.

Malatchi 1:13

Agi nga dagi ala: Ni ndaga me na ge! Agi nga hlagi yagi woi vivik mi. An Ma didina ni de na. Ma didin ma ad’engêm kal petna mi dala: Hina wan pî, agi nga mbagi ki vama kula ki ma dileîd’a ki ma tugud’eid’a mi ala ni he d’a hawa magid’a. An mba ni vat abogi zu?

Ndumba 10:10

Kur bur magi ma furîd’a, kur vun til magi ma tetengâ d’oze kur deîd’a hi tilîd’a, agi bugi adifa ata yima agi hagi ahle suma ngat buzu suma ngala kahle suma ngat buzu suma zlap darigïd’ina. Hina wani, an Ma didina Alo magina mba ni djib’er kagiya. An ni Ma didina Alo magina.

Kolos-sâ 2:16

Kayam ndata, ar sa mi kagi sariyad’a kagi yam tena d’oze yam tched’a d’oze yam bur ma luna d’oze yam vun tilâ d’oze yam bur ma sabatna d’i.

1 Samuel 20:5

David mi hulong dum ala: Gola! Tilâ mi deî navini; ni bur ma an mba ni kak kamulâ á te tenina, wani ang aran an i ni ngei tan abagei gak fladeged’a hi bur ma hindinid’a.