Amos 8:3 - Bible azumeina

³ An Salad’a Ma didina nga ni daziya: Kur bur máma sawal la a hlat kur azì ma amulid’a mba d’i mbut ni hor ma tchina. A mba tchuk mad’a suma ablaud’a kä woi ata yina teteng, suma vunazi mba mi seng silil.

Amos 8:3 Kruisverwysings

Sawal la giled’a 39:9

Ang prud’un ndei kur tchila manda pet, ar an mbut vama ngula avok suma lilid’a d’uo mi.

Isai 37:36

Malaikana hi Ma didinina mi mba kur kangâ hi suma Asiri-na, mi tchi suma 185.000. Kid’a suma a zlit akulo yorogod’a, a gol matna kä didi.

Jeremi 22:18

Gola! Ma didina mi de yam Jojakim Josiyas goroma amul ma Juda-na ala: Suma a mba tchi yam mat mama ala: Aya, wiyena! Aya, wiyenda d’i. A mba tchi kam ala: Aya, salana! Aya, sama ngolâ d’uo mi.

Hor ma tchina 2:10

Suma nglo suma Jerusalem-ma a kak nga kä aduk andagad’a ki vunazi ma du’â, a nga ko andagad’a kaziya, a tchuk baru ma ndjondjorona ataziya. Yugunei suma Jerusalem-ma a tchok yazi kä andaga mi.

Joel 1:11

Suma zuma a mbut hohoud’a, suma zum guguzlud’a a nga yor tazi yam gemena kawu orsâ, kayam vama dut nga d’uo d’a.

Joel 1:13

Agi suma ngat buzuna, agi tchugugi dodora atagiya, agi yorogi tagiya. Agi suma lagi sunda ata yima ngal ahle suma ngat buzunina, agi tchigiya. Agi suma lagi sunda mAlo manina, agi tchugugi dodora atagiya, agi mbeï burugi kä andjege. Kayam a nga mba ki he d’a hawa d’a afuta ki he d’a hawa d’a süm guguzlud’a kur gong nga kud’ora hAlo maginid’a d’uo d’a.

Joel 1:5

Agi suma gurud’ugi ki sümina, agi zlid’igi akulo, agi tchigiya. Agi suma tche süm guguzlud’a heîna pet, agi tchigi tchi ma hohoud’a, kayam a kagi wa süm guguzlud’a avunagiya.

Sunda hi suma hi Levi-nid’a 10:3

Ata yi máma Moise mi de mi Aron ala: Wana ni zla d’a Ma didina mi data: Suma a mba go ki sed’en á lan sundina, mbeî a tak kak man nda yed’eta woi abua, mbeî a suburun avok suma pet mi. Wani Aron mi kak ki vunam ma du’â.

Amos 4:10

An sunugï tugud’ei d’a tcho d’a tchi matna adigagi d’igi an sunud’ï adjeu Ezipte na, an tchi azungeî magina woi avun ayîna, an ar a yo akulumei magina, an ar hisâ hi mad’a suma a bo kur kang maginina gak mi tchuk atchinagiya. Hina pet pî, agi hulongôgï nga geven ndi. An Ma didina ni de na.

Amos 5:16

Kayam ndata, Salad’a Ma didina Alo ma ad’engêm kal petna mi dala: Ata yima lara ge pet, ir palum mba lara ge pet, a mba tchi horâ kua, a mba tchi ala: Alë! Alë! A mba yï suma zuma á tchina, a mba yï suma a we ge horâ heîna á tchina mi.

Amos 5:23

Agi hud’ugi sä woi ki sawal magi d’a hawa yaka, an min hum del la ading magina d’uo mi.

Amos 6:4

Agi nga burugi kä yam azang ma a d’udjom ki sï ahlo’îna, agi mad’agi tagi kä woi yam tapi magina, agi nga mud’ugi gro tumiyô suma kur kangânina ki gro amuzlei suma d’orâ mi.

Amos 6:5

Agi nga hlagi sawal la hawa yaka kadingâ, agi nga minigi ahle suma bud’a yam tagi d’igi David na.

Amos 6:8

Salad’a Ma didina mi gun tam ki mam tamba ala: An Ma didina Alo ma ad’engên kal petna, an gol subur tad’a hi suma hi Jakob-mid’a ni vama ndjendjed’a, an noî azì mazi ma amula woi mi. Kayam ndata, an mba ni hazì mam ma ngolâ abo mazi suma djangûna kahle suma kuruma pet mi.

Amos 8:10

Vun til magina, an mba ni mbud’umî yor tad’a; sawal magid’a pet, an mba ni mbud’ut ni hor ma ged’a. Nge nge pî mba mi djin baru d’a dodora furumu, suma pet a mba wel yazi woi d’igi sana mi tchi yam gorom ma abom tuna na. Dabid’a hahle ndazinid’a ni bur ma b’lak hurâ.

Nahum 3:3

Suma djang akulumeina a nga i irazi avogo, mbuguyo suma fuyogeina a nga ka akud’a, asubiyona a nga wile, suma a duruzi mbuleinina a nga tchuka kä didi, mad’a suma mi sam kä mi ndak á ndumba d’i, suma a nga puk kä yam mad’a suma mi.

Sofoni 1:7

Agi kagagi ki vunagi ma du’â avok Salad’a Ma didina, kayam bur mama mi mba wa go, mi min wa va mam ma ngat buzuna, mi tin wa suma mam yazina irazi vazi mi.