Amos 8:10 - Bible azumeina

¹⁰ Vun til magina, an mba ni mbud’umî yor tad’a; sawal magid’a pet, an mba ni mbud’ut ni hor ma ged’a. Nge nge pî mba mi djin baru d’a dodora furumu, suma pet a mba wel yazi woi d’igi sana mi tchi yam gorom ma abom tuna na. Dabid’a hahle ndazinid’a ni bur ma b’lak hurâ.

Amos 8:10 Kruisverwysings

Ad’u Tinda 21:16

ti i kak sä woi hina dei d’igi sana mi yet yeûd’a ti i d’i nde kä na. Ti dala: Ar an we matna hi goronina d’i. Ti i d’i kak sä woi hina dei, ti nde tchina ki delet akulo.

Wana ni mbaktumba hi Job-pa 20:23

Ata yima mi min tam á hop hayama, Alona mba mi mba kayî mam ma bibiliuna kamu, mba mi sumzi kam kä á mbut te mama.

Wana ni mbaktumba hi Job-pa 3:5

Ar nduvunda kanguza matna a vum mbeyo! Ar d’ugula ti kak kam akulo! Ar nduvun nda mba ki ndaka yam sumid’a, ti mbut bur máma mandarâ!

Wana ni mbaktumba hi Job-pa 30:31

Ading mana mi mbut ni vama ge horâ, taulâ manda ti tchi ni tchina hi suma tchi horîna mi.

Isai 3:24

Azi mba ar zla d’a le ni mbul ma his ma afufuîna ta, a le ni mbul ma bud’a; azi mba ar zla d’a djin d’i’â furîd’a ta, a djin ni ziyona; yazi mba d’i ar zla d’a ti se djifîd’a ta, ti mba d’i yot ni woyo; azi mba ar zla d’a tchu’î baru d’a ngol la djifîd’a ta, a mba tchu’î baru d’a dodora ataziya; azi mba ar zla d’a a mbut tazi djifîd’a ta, a mba mbut ni tazi hohoud’a.

Jeremi 2:19

Salad’a Ma didin ma ad’engêm kal petna mi dala: Nasa’at magid’a ba, ti togiya, ni djib’er magi d’a afefeta ba, ti ngobogiya. Ar agi wagi woi tetet ala ni vama tcho ma aglarâ á noyôn an Ma didina Alo magina woi á lan mandaran nduo d’a.

Jeremi 48:37

Kayam nge nge pî, mi wel yam mbeyo, nge nge pî mi wel dudumam mbeyo, nge nge pî mi b’as tamu, a djin baru d’a ndjondjorod’a furuzi mi.

Jeremi 6:26

Ma didina mi dala: Ndak gor weid’a hi sum manid’a, ndak tchuk baru d’a dodora atagu, ndak bulul kä aduk butna, ndak tchi horâ d’igi atchad’a ti tchi hora gorot ma abot tuna na, ndak tchi tchi ma hat hurâ, kayam ma b’lak yina nga mi mba kak dumuzi.

Hor ma tchina 5:15

Furî nga kurumi d’uo d’a, lü mamina mi mbut ni hor ma ged’a.

Ezekiyel 7:18

A mba tchuk dodora ataziya, mandarâ mba mi vaziya, a mba hle irazi akulo abo zulona d’i, a mba dap yazi wela woi pet mi.

Ezekiyel 7:2

Ang gor sana, ang hum zla d’a an Salad’a Ma didina nga ni dat mi Israel-lîd’a. Wana ni dabid’a hahlenid’a! B’lak ka dabid’a nga d’i tcholï ata ambasa abot ma fid’ina pet.

Wana ni mbaktumba hi Oze-d’a 2:11

Kayam ndata, an mba ni hulong ni ve geme mana woi abot ata yima zed’a, ni ve süm guguzlu manda woi ata yima duta, an mba ni yo tumus tumiyô mana ki baru man nda luluîd’a suma a zlubut ki gandila matina woi atad’u.

Wana ni mbaktumba hi Oze-d’a 2:13

An mba ni d’elet furî mata kur vun til matna, kur vun til mat ma ti luwum kur bur ma tilâ mi deî awilina, kur bur mat ma sabatna, kur vun til mat ma lara ge pet ma a ngama mi.

Joel 1:8

Agi tchigi tchi ma hohoud’a d’igi gor weid’a ti tchuk dodora atat á tchi mad’a ndjuvut ma d’umba na.

Sunda hi suma hi Levi-nid’a 13:40

Le sana tumus sa kamba tor reyo ni, ni yam mba yod’a; mi ni yed’et.

Amos 5:21

Ma didina mi dala: An noî vun til magina, an golom is mi, tan nga d’i lan djivi yam vun til magina d’uo mi.

Amos 5:23

Agi hud’ugi sä woi ki sawal magi d’a hawa yaka, an min hum del la ading magina d’uo mi.

Amos 8:3

An Salad’a Ma didina nga ni daziya: Kur bur máma sawal la a hlat kur azì ma amulid’a mba d’i mbut ni hor ma tchina. A mba tchuk mad’a suma ablaud’a kä woi ata yina teteng, suma vunazi mba mi seng silil.

Nahum 1:10

Azi le nga hitiud’a ata tazi d’igi aweid’a na, le a nga gurut ni d’igi suma a gurut ki süma hina pî, a mba ngal lei d’igi asu ma sod’a na papana.

Zakari 12:10

Ata yi máma an mba ni vo muzuk ma suma ma hud’a yam andjafâ hi David-na, yam suma Jerusalem-ma. Azi mba mbut irazi kanu, azi mba tchi hor ra sama a tchogoma d’igi a tchi horâ gor ma abo abum tuna na, a mba tchi tchi ma hat hurâ kam d’igi a tchi yam gor ma a vud’um avo’â na mi.

Gat ta a hat á mbàd’id’a 16:14

Agi ki grogi suma andjofâ ki grogi suma aropma kazungeî magina ki yugunei magina ki ma hi Levi-na kangeina ki ma hokuyod’a katcha d’a modonod’a suma a mba kak avo hatagina, agi lagi furîd’a kur vun til máma.