Amos 6:5 - Bible azumeina

⁵ Agi nga hlagi sawal la hawa yaka kadingâ, agi nga minigi ahle suma bud’a yam tagi d’igi David na.

Amos 6:5 Kruisverwysings

Ad’u Tinda 31:27

Ni kayam me ba, ang lan lemba, ang ringî gumun bei dan nge? Le ni djivid’a ni, an tiningî ki furîd’a ki sawala ki daliyâd’a kadingâ mi d’uo zu?

1 Sunda Hamuleinid’a 15:16

David mi de mi suma avok suma hi Levi-nina ala: A ndjar b’oziyozi suma hle sawala kandjaf ahle suma bud’a teteng, nala, ading ma nglona kading ma gureina ki tchigiyeud’a, ar a hle sawala ki delezi akulo á tak furî mazid’a woyo.

1 Sunda Hamuleinid’a 23:5

mi tin suma gile Ma didina kahle suma bud’a d’igi mam minizi á gilem hina na 4000 mi.

2 Sunda Hamuleinid’a 29:26

Suma hi Levi-na a tchol akulo kahle suma bud’a hi David-na aboziya, suma ngat buzuna a nga kaduveina abozi mi.

Ma tchi wala 2:8

An tok kawei ma hapma ki lora ki ndjondjoîd’a hamuleinid’a ki ndjondjoîd’a hi suma nglonid’a yam andagad’a teteng. An yo andjof suma a hle sawala karop suma a hle sawala kahle suma bud’a teteng suma a le suma tazi djivid’ina, an yo aropma ablaud’a mi.

Isai 5:12

A nga bu ading ma nglona kading ma gureina ki daliyâd’a ki taulâd’a, a nga tche süm ma guguzlu d’a ayîna kur lü mazina. Wani a nga djib’er yam sun nda Ma didina mi lata d’i, a nga gol sun nda mam lat kabomba d’uo mi.

Ezekiyel 26:13

An mba ni d’el sawal la ablau d’a a hlat kur aziyagid’a, a mba hum del ading magina tchina avo hatagi d’uo d’a.

Amos 5:23

Agi hud’ugi sä woi ki sawal magi d’a hawa yaka, an min hum del la ading magina d’uo mi.

Amos 8:3

An Salad’a Ma didina nga ni daziya: Kur bur máma sawal la a hlat kur azì ma amulid’a mba d’i mbut ni hor ma tchina. A mba tchuk mad’a suma ablaud’a kä woi ata yina teteng, suma vunazi mba mi seng silil.

1 Pierre 4:3

Kayam atchogoi d’a kala, agi lagi nahle suma suma bei wAlona a minizina. Wani ndagagi wa da’, nala, gaulangâ, djib’er ra tchod’a, gurut ki süma, lü ma batranga, tche süma kahle suma ndjendje suma tuwal fileinina mi.

Vama ndum mbeina 18:22

Sa dok mi hum dela hi suma bu adingâ ki suma ge sawala ki suma bu taulâd’a ki suma bu adifa kurung nguo d’a. Sama sun ma le d’alâ a mba fum kurung nguo d’a, dok hum del ahina d’a lutna kurung nguo d’a.