Amos 4:7 - Bible azumeina

⁷ An d’elegi alo ma sed’a gak tilâ hindi tua ba, til ma duta ndaga. An se alona yam azì ma ngol ma dingâ, ni ar azì ma ngol ma dingâ hawa. An salona yam asine ma dingâ, ni ar bei salona yam asine ma dingâ mi so woyo.

Amos 4:7 Kruisverwysings

Buzuk ka Abud’a 10:22

Moise mi hlabom akulo hur alona, nduvun nda i’îlika ti mba yam ambas sa Ezipte-d’a pet gak burâ hindi.

Buzuk ka Abud’a 10:23

Sa nga mi we ndram mbi, sa nga mi djok kei ata yima mam nga kaka kuana d’uo mi gak burâ hindi. Wani b’od’a ti nga ni ata yima Israel-lâ a nga kaka kuana hol.

Buzuk ka Abud’a 8:22

Moise mi hulong dum ala: Nga ata yat ti, kayam ahle suma ngat buzu suma ami hazi mi Ma didina Alo maminina nahle suma ndjendjed’a ir Ezipte-na. Le ami hami ahle suma ngat buzu suma ndjendje ndazina kä iraziya ni, a mba durumi kahinad’a á tchami woi d’uo zu?

Buzuk ka Abud’a 9:26

Ni yam ambas sa Gosen nda Israel-lâ a nga kaka kuad’a go ba, mogoina mi se nga kat ti.

Buzuk ka Abud’a 9:4

An Ma didina mba ni wal ir d’uwarâ hi Israel-lîna woi ki ma hi Ezipte-nina; d’uwarâ hi Israel-lîna pet mba mi mit tu d’i.

Isai 5:6

An mba ni arat ti b’lak keyo, sa mba mi tchawat abot tei d’i, sa mba mi lat barat tuo mi. Kekerezeuna kaweid’a a mba deî adigad’u. An mba ni he vuna mi d’ugula ar ti salona kat ti.

Jeremi 14:22

Aduk fileina handjaf suma dingâ ma ndak á salonina nga zu? D’oze akulod’a ti ndak á salo ma kuküna vat tchu? Ni ang Ma didina Alo mamina d’uo zu? Ami tinimi hurumi ni kang angû, kayam ni ang ba, lahle ndazina wan pet na.

Jeremi 14:3

Suma nglona a nga sun azungeî mazina á gul mbina. Azi i kur golongeîna, a nga fe mbina d’i, a nga hulong kagolongeî mazina huruzi hawa, a mbut zulona, a mang ngeyo, a tchok yazi kä abo zulona.

Jeremi 14:4

Andagad’a ti wak ngongok, kayam alona nga mi se yam ambasa d’i. Suma zuma a mbut zulona, a tchok yazi kä abo zulona.

Jeremi 3:3

Kayam ndata, an nga ni sagi alona kagi d’i; alo ma hod’ogeid’a pî, nga mi se kagi d’uo mi. Wani agi sogi tagi ad’enga kur gaulang magina, agi min wagi tcho magid’a d’i.

Joel 2:23

Agi suma Siyon-na, agi lagi hur ma hapma, agi lagi furîd’a yam Ma didina Alo magina, kayam mam nga mi sagi alona ata yamu, nga mi sagi alo ma hod’ogeid’a kalo ma dabid’a d’igi avok deid’a na.

Zakari 14:17

Le andjaf ma nga yam andagad’a ka hina mi i nga Jerusalem á kud’or amul Ma didin ma ad’engêm kal petna d’uo ni, alona mba mi se yam ambas mamba d’i.

Jean 4:35

Agi nga dagi ala: Tilâ ar fid’i á duta tua d’uo zu? Gola! An nga ni dagiya, agi hlagi iragi akulo, agi gologi awu ma kur asinenina mi ne wa á duta.

1 Korente-na 4:7

Sama mbud’ung kal suma dingâ ni nge ge? Ni me ba Alona mi hangzi nga d’uo ge? Le mi hangziya ni, ni kayam me ba ang subur tang d’igi Alona mi hangzi hawa ni mam mbuo na ge?

Gat ta a hat á mbàd’id’a 11:17

Le agi lagi na ni, Ma didina hurum mba mi zal kagiya, mba mi duk ir akulod’a, alona mba mi se kagi d’i, andagad’a mba d’i wul awuna d’i, agi mba dabagi woi atogo zak yam ambas sa djivi d’a Ma didina Alo magina nga mi hagizid’a mi.

Jacques 5:17

Elie ni sana d’igi ei na. Mi tchen Alona ki so tad’a ala alona mi se yam andagad’a d’i; alona mi se nga d’uo bizad’a hindi ki tilâ karagaya.

Vama ndum mbeina 11:6

Azi nga kad’enga á duk akulod’a á d’el alona mi se ata bur ma azi nga djok vun zlad’a hAlonina. Azi nga kad’enga á mbut mbina buzuna mi. Azi nga kad’enga kua á tum suma yam andagad’ina ki tugud’ei d’a tcho d’a lara ge teteng ata min mazid’a.