Amos 4:6 - Bible azumeina

⁶ An sunï baktarad’a kur azì magi ma nglona pet. Agi nga fagi tena avo hatagi d’i. Hina pet pî, agi hulongôgi nga geven ndi. An Ma didina ni de na.

Amos 4:6 Kruisverwysings

1 Amuleina 17:1

Elie ma Tisbe ma nga kaka Galät-na, mi de mamulâ Ahap ala: An nga ni dang ngei avok Ma didin ma bei matna Alona hi Israel-lâ ma an nga ni lum sundina: Gola! Biza d’a ar avok wanda wani, mbad’ï mba d’i ge d’i, alo mba mi se d’uo mi, gak bur ma an mba ni tchenema tua mbeî!

1 Amuleina 18:2

Elie mi i á tak tam mbei avok Ahap. Baktara d’a avo Samari-d’a kal ngola heî.

2 Amuleina 4:38

Elise mi hulong, mi mba avo Gilgal. Kur biza ndata baktarad’a ti nde yam ambas ndata. Kid’a mi tok adesâ hi suma djok vun Alonina avorom kä d’a, mi de mazong mama ala: Ang tin dei ma ngolâ akua, ang yamï azlema madesâ hi suma djok vunina.

2 Amuleina 8:1

Bur tu Elise mi de matcha d’a mam zlid’it gorotna akulo ata yima matnid’a ala: Ndak tchol ki suma avo hata’â, agi i kagagi ata yima ndak iragi á kakina, kayam Ma didina nga mi mba ki baktarad’a yam andaga d’a Israel-lâ, baktara ndata mba d’i le ni bizad’a kid’iziya mi.

2 Sunda Hamuleinid’a 28:22

Amulâ Ahas kur ndaka hina pî, nga mi i avogovok ki sun nda ata yat tuo d’a avok Ma didina.

Isai 26:11

Ma didina, abong nga zid’a akulo, wani azi wum nga d’i. Azi mba we zlezleû mang nga yam sum mangîd’a. Zulona mba mi laziya, akud’a mba d’i ngal mang suma djangûna woi mi.

Isai 3:1

Gola! Salad’a Ma didin ma ad’engêm kal petna, nga mi hlad’eng nga Jerusalem-mba ki d’a Juda-d’a woyo, nga mi hlad’eng nga azi fe ki tenid’a, d’oze d’a azi fe ki mbinid’a woi mi.

Isai 9:12

Hina pî, Israel-lâ a hulongî nga gen ma nga mi ngobozina d’i, a hal nga Ma didin ma ad’engêm kal petna d’uo mi.

Isai 9:13

Kayam ndata, Ma didina mba mi ka yamba kandjaud’a kabo amilaûna ki tchereuna woi aduk Israel-lâ kur bur ma tuna mi.

Jeremi 14:18

Le an i kele ni, an gol wani mad’a suma a tchazi avun ayînina, mi nga samba kä. Le an kal kur azì ma ngolâ ni, an gol wani suma meid’a tchazina, mad’azi mi nga samba kä mi. Suma djok vuna ki suma ngat buzuna a nga kleû tita kur ambasa pî, azi nga we d’op zla tu d’i.

Jeremi 5:3

Ma didina, ang halî d’engzenga d’uo zu? Ang toziya, wani a gol to ndata ni va d’i. Ang lazi á dabazi woyo, wani azi hum nga gat ndata d’i. A le yam mba ad’enga, a noî á hulongî gevengû.

Ezekiyel 14:21

Salad’a Ma didina mi de kua ala: Ladjï an sunï ngop man nda fid’id’a, nala, ayî ma durâ ki baktarad’a kamburei suma ayîna ki tugud’ei d’a tcho d’a tchi matna á ngop Jerusalem, á tchi suma woi ki d’uwarâ ni,

Ezekiyel 16:27

Gola! An nga ni hlabon kan akulo á feyêk ahle suma ndak nga ki na woyo, an hak wa abo mak suma djangûna gro arop suma Filistê suma a nga le zulona yam tit mak ka tchod’ina.

Wana ni mbaktumba hi Oze-d’a 11:5

Azi mba hulong Ezipte d’i, wani amul ma ngol ma Asiri-na mba mi tamula kaziya, kayam azi noî á hulongî gevenu.

Wana ni mbaktumba hi Oze-d’a 5:15

Ma didina mi dala: An mba ni iya, an mba ni hulong ata yan ma kaka gak azi we tcho mazid’a, gak azi mba mba á wan iranu. Fata azi nde kur ndakid’a, a mba halan ki hur ma hata.

Joel 1:16

A yo wa tena woi ireya, furîd’a ki hur ma hapma a dap wa woi kur gong nga kud’ora hAlo meinid’a mi.

Sunda hi suma hi Levi-nid’a 26:23

Le an lagi hina pet ba, agi humugi nga ngop manda d’uo, agi tchologi ad’enga ki sed’enu ni,

Sunda hi suma hi Levi-nid’a 26:26

Ata yima an mba ni d’el avungô maginina, aropma dogo a mba gavungôna kur für ma tuna, a mba ngagizi ni ngä; agi mba tumu, wani mba mi hobogi d’i.

Wana ni mbaktumba hi Aze-d’a 2:17

Ma didina mi de kua ala: An sogi awu magina woyo, an kizagagi awu magina woi ki mogoina, an tchagi awu magina woi mogod’a, an b’lak sun nda lara ge pet ta agi lat kabogid’a woyo. Hina pet pî, agi gid’iyêgï nga geven ndi.

Gat ta a hat á mbàd’id’a 28:38

Agi mba zaragi awuna ngola kur asinegiya, wani agi mba dud’ugi nakid’eid’a, kayam me djera mba d’i b’lagam mbeyo.

Vama ndum mbeina 2:21

An arat wa yina kayam ti mbut hurut yam tcho mata, wani ndat min mbut hurut yam mizeu matna d’i.

Wana ni mbaktum mba a b’irit yam Rut-ta 1:1

Ni kur atchogoi d’a suma nglo suma avok Israel-lîna a nga te leud’id’a ba, baktarad’a ti nde yam ambasa. Sama Betelehem ma kur ambas sa Juda-d’ina kamamba ki grom suma andjofâ mbà, a mber á i kak yam ambas sa Mowap pa tub’ad’a ndjö.