Amos 4:2 - Bible azumeina

² Salad’a Ma didina mi gun tam ki tam mba bei tchod’a ba d’a ala: Burâ nga mi mba kagiya, kur bur máma a mba yogi ki kawei ma vunam gundina, a mba yogi grogina ki tunglîd’a mi.

Amos 4:2 Kruisverwysings

Sawal la giled’a 89:35

An mba ni b’lak vun ma djin ma an djinim ki sed’ema woi d’i, an mba ni djok vunan yam zla d’a ndavunanda d’uo mi.

Sawal la giled’a 89:36

Yam bei tcho manda an ni gun tan ni ki iran fafat, na ni an ndak á ka zlad’a mi David tchu?

Isai 37:29

Ang nga gurut ki sed’enu. An hum ngul la ang nga ngulunda. Kayam ndata, an mba ni tchong atchinangû, an mba ni tchugung djamad’a avunang mi, an mba ni tanang hulongông avo hatang kur lovot ta ang hlad’ïd’a.

Jeremi 16:16

Ma didina mi dala: Gola! An nga ni sun suma tchiuna ablaud’a, a mba tchiwiziya. Bugola, an mba ni sun suma nduwanda ablaud’a, a mba nduwanazi akulo yam ahuniyô suma fuyogeina, yam yima ndingâ kangra ahuniyôna ata yima lara ge pet mi.

Ezekiyel 29:4

An mba ni niging tunglîd’a avunangû, an mba ni b’al kuluf ma kä kur alum mangîna ata azlungângû, an mba ni tanangî akulo woi aduk alum mangâ, zlapa ki kuluf ma mba mi b’al ata azlungângâ mi.

Ezekiyel 34:16

An mba ni hal suma a vit teina, an mba ni hulongî suma a ba woina, an mba ni djin mbuleina hi suma a fe dakina, an mba ni had’enga mi suma tugud’eid’a. Wani suma d’orâ ki suma ad’engâ, an mba ni tchazi woyo, an mba ni polozi pol la d’ingêra.

Ezekiyel 38:4

An mba ni niging tunglîd’a avunangû, an mba ni tanangû, an mba ni tanang ngei abu ki azigar mangâ kakulumeina ki suma a djangâzi suma a tchuk baru ma djifâ atazina, zlapa ki azigar suma ablau suma a nga yo mboriyo suma nglona d’oze suma gureina kasubiyona abozina mi.

Amos 6:8

Salad’a Ma didina mi gun tam ki mam tamba ala: An Ma didina Alo ma ad’engên kal petna, an gol subur tad’a hi suma hi Jakob-mid’a ni vama ndjendjed’a, an noî azì mazi ma amula woi mi. Kayam ndata, an mba ni hazì mam ma ngolâ abo mazi suma djangûna kahle suma kuruma pet mi.

Amos 8:7

Ma didina mi gun tam yam subur tad’a hi suma hi Jakob-mid’a ala: An mba ni mar yam sun mazi tu d’i.