Amos 4:1 - Bible azumeina

¹ Agi arop suma Samari suma nga dub’aragi d’igi amuzlei suma arop suma Basan-na na na, agi suma nga lagi suma kid’aka murud’umbina, agi suma nga mired’egi suma houd’a kä, agi suma nga dagi mandjuvuyogi ala: Agi yogiya, ei tcheya na, agi humugi zla d’a an nga ni data.

Amos 4:1 Kruisverwysings

1 Amuleina 16:24

Bugola, mi i gen Semer, mi gus yima nding ma Samari-na abom ir bege d’a hapa 6000, mi min azina yam yima nding máma, mi yum ki simiyê sala yi máma Semer ala Samari.

Wana ni mbaktumba hi Job-pa 20:19

Kayam mi le suma hohoud’a ndaka, mi arazi woyo, azì ma mam yom abozi kad’engina, mi hulong mi minim nga akulo d’i.

Wana ni mbaktumba hi Job-pa 24:4

A nga vit suma houd’a woi kur lovota, a nga orom suma hohou suma yam ambasina á ngei tazi ata yima tuna.

Sawal la giled’a 12:5

ki suma a nga dala: Ami mba kuzumi ayîna ki vunamiya, ami nga ki vunami á de zlad’a; ni nge ba, mba mi te kami ge na mi.

Sawal la giled’a 140:12

Sama ka zlad’a nga mi kak tatâ yam andagad’a d’i, sama murud’umba ndaka nga d’i digim á bam mbeyo.

Sawal la giled’a 22:12

Ang wal lei dei ki sed’en ndi; ki tchetchemba, an nga go avun bad’a, wani sama mba á ndjununa nga d’i.

Zla d’a d’ogolâ 22:7

Ma ndjondjoîna nga mi te yam suma houd’a. Sama mi nde balîna, mi ni magoma hi sama mam nde balâ aboma.

Ma tchi wala 4:1

An we djop vun ma suma a nga djobom mi suma yam andagad’a ka hina kua. Gola! Suma a nga djobozi vunazina a nga tchiya, sama mba mi d’igilizi irazina mi nga d’i. Suma a nga djobozi vunazi burâ ki burîna a nga kad’enga kaziya, wani sama mi mba á d’igilizi irazina mi nga d’i.

Ma tchi wala 5:8

Djivi d’a yam ambasid’a ni yam suma pet, amulâ pî mi fe djivi mamba ni kur asinena mi.

Isai 28:1

Wana ni zla d’a hohoud’a yam azì ma ngol ma Samari ma hle tam d’igi avaval la subur ra d’a suma Efraim suma a gurut ki sümina a kulubut kazina d’a. Nazì ma akulo yam yima nding ma avun hor ra tub’ad’a. Ni ma djif mama nga mi ngal wiwilik yam mam suma a nga gurut ki süma d’igi b’o d’a yak keid’a na na.

Isai 5:8

Ni zla d’a hohoud’a yam suma a nga nga ad’u azina woi avogovok suma a nga vasinena avogovok gak sa nga mi fe yina hina nde d’uo na tala azi fe yima kaka kur ambasa ni azi go d’a.

Isai 56:12

Azi nga dala: Agi mbeyegïya, ami i halagï süm guguzlud’a, ei mba gurud’i ki süm ma ayîna, ei mba lei avin ni d’igi ini hina dedege. Ad’um mba d’i ar kä woi ngola.

Isai 58:6

D’el ta bei te tena d’a an tan lan djivid’a kata ba wana: Agi bud’ugi kindjingâ hasa’atina woyo, agi bud’ugi ziyona hi dju’îna woyo, agi tchugugi suma a nga djobozi vunazina akulo, agi kuzugi djuk ma lara ge woi pet,

Jeremi 50:11

Agi suma hurumugi sum manina, djiviya, agi kagagi ki furîd’a, agi ayâgiya, agi dubaragi d’igi amuhl hla wei d’a afefeta na, agi togi breîd’a d’igi akulumei suma sib’ika na.

Jeremi 50:27

Agi yogi amuzlei mazi suma digilina, agi igi ata yima ngata, agi tchazi woi pet. Ni zla d’a hohoud’a kaziya, kayam bur mazina mba wa, ni yima an ngam kazi á ngopina.

Jeremi 51:34

Jerusalem ti dala: Nebukanezar amul Babilon-na mi kizagan ndeyo, mi b’lagan ndei mi. Mi mbud’un ni d’igi dei ma va nga kua d’uo na na, mi ni d’igi ambur ma a yum ala dragona na, mi ligin wa, mi hop wa hayam kahle man suma djivina, mi vinin wa woyo.

Jeremi 6:6

Kayam Ma didin ma ad’engêm kal petna mi dala: Agi kagi aguna kä woyo, agi mbugi andagad’a akulo ad’u Jerusalem. Nazì ma ngol ma ndak á ngopina, kurut ni djop vuna vam tu.

Jeremi 7:6

le agi nga kid’eyêgi ir angeina d’oze ma hokuyod’a d’oze atcha d’a modonod’a d’uo, le agi nga tchagi ma bei zlad’a kama ata yima wana d’uo, le agi zlabagi nga tagi kalo ma dingâ d’uo yam hohou d’a nga d’i lagid’a ni,

Ezekiyel 18:12

le nga mi hulong vama sana mi dengêmzina d’uo, le mi tin iram yam fileina, le nga mi lahle suma ndjendjed’a,

Ezekiyel 22:12

Suma a nga ve beged’a gumun á tchi matnina a nga kurungû, suma a nga hal beged’a ki mbinina a nga kurungû, suma a nga b’at ahlena abo ndrozinina a nga kurung mi. Wani a mar rei kanu. An Salad’a Ma didina ni de na.

Ezekiyel 22:27

Mat suma nglo suma kurutna a ni d’igi ngû ma nga mi kizak vama mi vuma na. A nga tchi suma woi á ndak vun mbiyo mazi ma a nga fum ki lovod’om mbuo na.

Ezekiyel 22:29

Suma kur ambasina a nga djop vun suma, a nga kula, a nga b’at ahlena abo ma hohoud’a ki ma houd’a, a nga kid’eî ir angeina, a kak djangûna ki zla d’a d’ingêra mi.

Ezekiyel 22:7

A nga gol abud’a kasud’a is kurungû, a nga djop vun angeina kurungû, a nga b’at ahlena abo ma hokuyod’a katcha d’a modonod’a kurung mi.

Ezekiyel 34:16

An mba ni hal suma a vit teina, an mba ni hulongî suma a ba woina, an mba ni djin mbuleina hi suma a fe dakina, an mba ni had’enga mi suma tugud’eid’a. Wani suma d’orâ ki suma ad’engâ, an mba ni tchazi woyo, an mba ni polozi pol la d’ingêra.

Ezekiyel 39:18

Agi mba mud’ugi hliwa azigar suma gangrangâ, agi mba tchagi buzuwa suma nglo suma yam andagad’ina. Azi ni d’igi gamlâna ki gro tumiyôna ki mbekmberena kamuzlei suma d’or suma yam andaga d’a Basan-nda suma a ngad’azi buzunina na.

Joel 3:3

Azi le togina yam sum mana, azi he gor mandjufâ yam gaulangâ, azi gus gor weid’a süm guguzlud’a á tched’a.

Amos 3:1

Agi Israel-lâ, agi andjaf ma an buzugumi woi yam ambas sa Ezipte-d’ina, agi humugi zla d’a an dagizid’a.

Amos 3:3

Suma mbà a tit ad’u tazi ni bei zla mazid’a ndjak su?

Amos 5:11

Agi nga mired’egi ma kid’aka kä kasegiya, agi nga yom geme mama ki mbut ira. Ni kayam ndata ba, agi nga minigi azì ma djivina kahina d’a tcheta, wani agi mba kagagi kur ri, agi nga pagi guguzlu d’a djivid’a, wani agi mba tchat sümut ti.

Amos 6:1

Ni zla d’a hohoud’a yam agi suma nga kaka halas kur Siyon-na, yam agi suma nga kaka tchugot yam ahina d’a Samari-d’ina mi. Agi ni suma avok andjaf suma ma Israel-lâ a nga i gevem á hal ndjundina!

Amos 6:6

Agi nga tchagi süm guguzlud’a ki kop ma nglona, agi nga lagi mbul ma d’igil ma hirwilingâ atagiya, wani agi nga had’agi hurugi yam b’lak ka ti mba yam andjafâ hi Josef-fîd’a d’i!

Malatchi 3:5

Ma didin ma ad’engêm kal petna mi dala: An mba ni hud’ï atagi go á ka sariyad’a, mba ni b’at tan á le glangâsa yam suma kuma suma fileina ki suma mizeuna, yam suma a nga gun tazi ir gurzulina, yam suma a nga he wuraka d’uo mi suma a nga lazi sundina, yam suma a nga le ir arop suma modonod’a ki suma hokuyod’ina, yam suma a nga we angoyogeina tchet tuo na, yam suma a nga ringîn mandaran nduo na mi.

Ndumba 21:33

A ar lovot ndata, a hle lovot ta i Basan-nda. Ok amul ma Basan-na mi buzuk ki sum mama pet á dur ayîna ki Israel-lâ avo Edrei.

Gat ta a hat á mbàd’id’a 24:14

Moise mi de kua ala: Ar agi kid’eyêgi ir sama hou ma le sun nda beged’ina, d’oze ma kid’ak ma le sun nda beged’ina d’i. Le sa máma ni wiyegina d’oze angei ma nga kaka yam ambas magid’ina pî, agi kid’eyêm iram mbi.

Gat ta a hat á mbàd’id’a 28:33

Andjaf suma agi wazi nga yagi tu d’uo na, a mba tawu magina, a mba tahle suma agi mba fazina, a mba djobogi vunagi burâ ki burâ, a mba mired’egi kä kasezi mi.