Amos 3:15 - Bible azumeina

¹⁵ An mba ni to azì ma andolâ kazì ma vun simetnina kä woyo. Azì ma a d’udjom ki sï ahlo’îna mba mi b’lak keyo, azina hi suma nglonina a mba tom kä woi ndjandjap. An Ma didina ni de na.

Amos 3:15 Kruisverwysings

1 Amuleina 22:39

Sunda hi Ahap pa ara kahle suma mi lazina pet ki gong nga mi minit mi d’udjot ki sï ahlo’îd’a kazì ma mi minima, a b’irizi nga kä kur Mbaktum mba de zlad’a yam Sunda hAmulei suma Israel-lîd’a.

Sawal la giled’a 45:8

Ang min ni d’ingêra, ang noî asa’ata. Ni kayam ndata ba, Alona, Alo mangâ mi manangû, mi vong mbul ma furîd’a kangû, mi hang yima hud’a kal ndrongâ mi.

Isai 5:9

Wana ni vama Ma didin ma ad’engêm kal petna mi ndandji woina: Gagazi, azì ma ablau máma mba mi b’lak keyo, azì ma nglo ma djif máma, a mba fe sama kak kurum mbuo mi.

Jeremi 36:22

Ni kur til ma zlengîna ni yima ab’lenga amulâ mi nga kaka kur gonga, mi tchuk nga akud’a ki gordjona avorom nga d’i ngala.

Amos 2:5

an mba ni do akud’a ata azì ma ngol ma Juda-na, ti mba d’i ngal azì ma ad’eng ma ngungu ma Jerusalem-ma woi mi.

Amos 3:11

Ni kayam ndata ba, Salad’a Ma didina mi dala: Gola! Agi suma Samari-na, ma djangûna nga mi ngui ambasa, mba mi b’lagagi aziyagi ma ad’eng ma ngunguna woyo, mba mi hurum ahle suma kur aziyagi ma amulina mi.

Amos 5:11

Agi nga mired’egi ma kid’aka kä kasegiya, agi nga yom geme mama ki mbut ira. Ni kayam ndata ba, agi nga minigi azì ma djivina kahina d’a tcheta, wani agi mba kagagi kur ri, agi nga pagi guguzlu d’a djivid’a, wani agi mba tchat sümut ti.

Amos 6:11

Ata yima Ma didina mi he vunina, gong nga ngola mba d’i dris kä ti b’lak keyo, gong nga gora mba d’i to woi mi.

Malatchi 1:4

Suma Edom-ma a dala: Gola! Ahle mamina a b’lak kei wan pî, ami mba minizi akulo! Ni hina ba, Ma didin ma ad’engêm kal petna, mi dala: Arazi a mina; an mba ni tozi woi mi. Suma a mba yazi ala: Ambas sa tchod’a! Suma Ma didina hurum zal kazi ki iram fafatna.

Suma ka sariyad’a 3:20

Eglon mi nga kaka kur gong nga ab’leng nga yam dudura akulo d’a a ngomot kam mam tu d’a. Ehut mi mba gevemu, mi dum ala: An nga ki zlad’a hAlonid’a á dangziya. Eglon mi tchol lei akulo yam zlam mamba.