Amos 2:10 - Bible azumeina

¹⁰ Wani avok ahle ndazina, an buzugugï woi yam ambas sa Ezipte-d’a, an tit ki sed’egi abagei hur fulâ bizad’a dok fid’i tala agi tagi ambasa hi suma Amor-râ d’a.

Amos 2:10 Kruisverwysings

Nehemi 9:21

Ang ngomozi abagei hur fulâ bizad’a dok fid’i; va tu pî mi kid’agazi nga d’i, baru mazi mi tumus nga woi d’i, asezi mi hop nga d’ad’amrak kuo mi.

Sawal la giled’a 95:10

Bizad’a dok fid’i, an gol suma kur atchogoi ndatina d’igi vama ndjendjed’a na, an dala: Sum ndazina ni suma yazi vit teina, azi we nga lovot manda d’uo mi.

Buzuk ka Abud’a 12:51

Kur bur máma tamba, Ma didina mi buzuk Israel-lâ woi kur ambas sa Ezipte-d’a, ad’u adezezi ad’u adezeziya.

Buzuk ka Abud’a 20:2

An ni Ma didina Alo mang ma pad’angî woi kur ambas sa Ezipte-d’a ata yima a lang magomba kuana.

Buzuk ka Abud’a 3:8

An tchugï asen kä á pad’azi woi abo Ezipte-na á buzuguzi woi kur ambas sa wanda á izi kur ambas sa djivi d’a bubu d’a ambira ki mbul ayuma a nga sor kä kuad’a. Nambas sa suma Kanan-na, suma Het-na, suma Amor-râ, suma Peris-sâ, suma Hef-fâ ki suma Jebus-sâ a nga kaka kuad’a.

Jeremi 2:6

A de nga ala: Ma didin ma mi buzugï woi kur ambas sa Ezipte-d’a ma mi tit ki sed’ei abagei hur fulâ ma mi tit hur ful ma d’ad’au ma angrifâ nga kua na ma mi tit ki sed’ei kur andaga d’a so d’a matna nga kua d’a ma mi tit ki sed’ei kur andaga d’a sa nga mi tit kua d’oze d’a sa nga mi kak kua d’uo d’ina, mi nga ni lara ge d’uo zu?

Ezekiyel 20:10

An buzuguzï woi yam ambas sa Ezipte-d’a, an ni izi hur fulâ.

Amos 3:1

Agi Israel-lâ, agi andjaf ma an buzugumi woi yam ambas sa Ezipte-d’ina, agi humugi zla d’a an dagizid’a.

Amos 9:7

Ma didina mi dala: Agi Israel-lâ, agi iran ni d’igi suma Etiyopi-na na d’uo zu? Ni an ba ni buzugugï woi yam ambas sa Ezipte-d’a d’igi an buzugï suma Filistê-na woi Kaftor na, d’igi an buzugï suma Siri-na woi Kir na mi d’uo zu?

Mise 6:4

Kayam an buzugugï woi kur ambas sa Ezipte-d’a, an wurak kagi kur yima a lagi magomba kuana, an sun Moise azi ki Aron ki Miriyam avorogiya.

Ndumba 13:32

A de ki delezi akulo avok Israel-lâ yam ambas sa azi d’ud’ï d’a ala: Ambas sa ami tid’imi kat á d’uta nambas sa nga d’i tchi suma a nga kaka katna woid’a. Suma katna pet suma ami wazina ni suma fuyogeina.

Ndumba 21:25

A hle azì ma nglona hi suma Amor-rîna pet ki Hesbon kazì ma gurei ma nguyuma pet, a kak kua mi.

Ndumba 32:13

Ma didina hurum zal ngola ata Israel-lâ, mi tchazi tita abagei hur fulâ tata gak bizad’a dok fid’i gak suma a le tchod’a avoroma a dap pei pet.

Sunda hi suma a sunuzinid’a 13:18

Mi ve tam ki sed’ezi kur fulâ d’igi bizad’a dok fid’i na.

Sunda hi suma a sunuzinid’a 7:42

Wani Alona mi mbud’uzi azigamu, mi arazi á kud’or ahle suma akulona d’igi a b’ir kur mbaktumba hi suma djok vun Alonid’a na ala: Agi Israel-lâ, kid’a agi lagi bizad’a dok fid’i abagei hur fulîd’a, agi mban d’uwar ma a ngad’ama kahle suma ngat buzuna zu?

Gat ta a hat á mbàd’id’a 1:39

Mi de kua ala: Ni grogi suma gurei suma agi dagi kazi ala a mba yozi magomba na, grogi suma a we nga djivid’a ki tchod’a ini d’uo na, ni azi ba, a mba kal kuru; ni azi ba, an mba ni haziziya; ni azi ba, a mba tat djona.

Gat ta a hat á mbàd’id’a 2:7

Kayam Ma didina Alo magina mi b’e vunam kagi yam sun nda pet ta agi nga lata, mi we tit magi d’a abagei hur ful ma ngol ma wanid’a mi. Gola! Bizad’a wan dok fid’i Alo magina mi nga ki sed’egiya. Va tu pî kid’agagi nga d’uo mi.

Josue 13:4

Ambas sa ar bei hled’a abo ma sutnid’a ba wana: Ambasa hi suma Kanan-nid’a pet ki Meyara d’a hi suma Sidon-nid’a gak mba Afek, gak mba yo hagad’a ki suma Amor-râ,

Josue 24:8

An tid’ï ki sed’egi yam ambasa hi suma Amor suma sä kaka abo alum ma Jurdê-na woi hî na. Azi ndagi ayîna, wani an hagizi abogiya, an b’lagazi woi avorogiya; agi hlagi ambas mazid’a.