Amos 1:8 - Bible azumeina

⁸ An mba ni tchi suma a nga kaka Asdot-na woi pet ki ma nga mi tamula Askalon-na woi mi. An mba ni hulong abon ni tum suma Ekron-na, suma Filistê suma a arâ a mba dap pei mi. An Salad’a Ma didina ni de na.

Amos 1:8 Kruisverwysings

2 Sunda Hamuleinid’a 26:6

Mi nde abu á dur ayîna ki suma Filistê-na. Mi to gulumun ma Gat-na ki ma Japne-na ki ma Asdot-na kä woyo, mi min azì ma nglona kur ambas sa Asdot-ta, kur azì ma Filistê ma dingâ mi.

Sawal la giled’a 81:14

Ladjï sum mana a humunu, ladjï Israel-lâ a tit ni kur lovot manda ni,

Isai 1:25

An mba ni hlabon kan akulo á tongû, an mba ni mbuzung zozot manga woyo, an mba ni yagang zozot manga woi d’igi aku tchafa ti yak zozota hi kaweinid’a woi na.

Isai 20:1

Kur biza d’a ma ngolâ hi azigar suma Asiri-na mi mba mi nde azì ma Asdot ma yam ambas sa Filistê-d’ina yam vun ma hed’a hi Sargon amul ma Asiri-nina, mi hlumu.

Jeremi 47:1

Wana ni zla d’a Ma didina mi dat mi ma djok vun Alona Jeremi yam suma Filistê-na avok ka Faron bei mi dur ayîna ki suma Gaza-na tua d’a:

Ezekiyel 25:16

An nga ni hlabon kan akulo á dur suma Filistê-na, á tchi suma Filistê suma Keret suma a mba ar avun alum ma ngolîna, á dabazi woi mi.

Joel 3:4

Agi suma Tir-râ ki suma Sidon-na pet, agi suma nga yam andaga d’a Filistê-d’ina, vama ndologi ki an ni me ge? Agi hal á hlagi atchugulugi ki sed’en ndju? Le agi hal á hlagi atchugulugi ki sed’enu ni, an mba ni hulong hlatchugul ndata ki sed’egi atogo zak!

Amos 1:7

an mba ni do akud’a ata gulumun ma Gaza-na, ti mba d’i ngal azì ma ad’eng ma ngunguna woi mi.

Amos 3:9

Agi tchagi wala akulo yam azì ma amul ma Asdot-na, yam azì ma amul ma Ezipte-na ala: Agi togogi tagi akulo yam yima nding ma Samari-na, agi gologi siwel la gandjaud’a ki murud’um mba a nga lat ata tazid’a.

Abdiyas 1:18

Suma hi Jakob-ma a mba mbut ni d’igi akud’a na, suma hi Josef-fâ a mba mbut ni d’igi sin akud’a na. A mba ngal suma hi Esau-na woi d’igi akud’a ti ngal kuzad’a na, sa mam tu pî mba mi ar ri, kayam an Ma didina ni de na.

Zakari 13:7

Ma didin ma ad’engêm kal petna mi dala: Ndak mbigeu d’a fiyaka, ndak ka man ma pola, ndak ka ndrana mi. Ndak ka ma pola, ar tumiyôna a b’rau woi yayak, an mba ni mbut iran yam suma gureina.

Zakari 9:5

Suma Askalon-na a mba we, a mba le mandarâ, suma Gaza-na a mba zlaga, suma Ekron-na a mba zlak mi, kayam a mbut zulona yam hur mazi ma tinda. A mba famul kur Gaza d’uo d’a, a mba fe sama kak kur Askalon nduo mi.

Zakari 9:6

Suma a vud’uzi akulo dangdalina a mba kak kur Asdot. An mba ni hulong yam mba ad’enga hi suma Filistê-nid’a kä.

1 Samuel 6:17

Wana nahle suma lor suma a hle tazi d’igi tugud’ei d’a a yat ala emorota na suma Filistê-na a hazi he d’a hawad’a mi Ma didina yam zla d’a vazid’ina: tu yam azì ma ngol ma Asdot-na, tu yam azì ma ngol ma Gaza-na, tu yam azì ma ngol ma Askalon-na, tu yam azì ma ngol ma Gat-na, tu yam azì ma ngol ma Ekron-na mi.