Amos 1:5 - Bible azumeina

⁵ An mba ni kus kawei ma murguli ma avun azì ma ngol ma Damas-sîna woyo, an mba ni dap suma a nga kaka kä kur hor ra Bikat-Aven-nda ki ma nga mi tamula yam suma hi Bet-Eden-na woi mi. Suma Siri-na a mba yozi magomba izi Kir. An Ma didina ni de na.

Amos 1:5 Kruisverwysings

2 Amuleina 14:28

Sunda hi Jerobowam mba ara kahle suma mi lazina kad’eng mam mba dur ayîna ki hulong nga mi hulong azì ma Damas-sâ ki ma Hamat-na mi Israel-lîd’a, a b’irizi nga kä kur Mbaktum mba de zlad’a yam Sunda hAmulei suma Israel-lîd’a.

2 Amuleina 16:9

Amul ma Asiri-na mi hum zla mamba, mi i dur ayîna kambas sa Damas-sa, mi hlad’u, mi yo suma kurâ, mi izi magomba Kir, mi tchi Resin ndeyo.

Isai 22:6

Agi suma Elam-ma, agi yogi yeûd’a kakulud’u, suma a nga kur pus ma dur ayîna ki suma djang akulumeina a nga i avogovogo. Azigar suma Kir-râ a buzuk mboriyo mazina woi abu mi.

Isai 43:14

Ma didin ma tin tam irat vat yam Israel-lâ ma wurak kagina mi dala: Ni kayam agi ba, an sunï sana á dur ki Babilon. An mba ni tchuk suma pet suma a nga ringâ kä woi kur alumba, an mba ni tchuk suma Kalde suma a nga le furîd’a kur alum mazid’ina kä woi mi.

Isai 8:4

Avok ka gor máma bei mi we á yabum ala Iba d’oze yasum ala Yogo d’a, a mba hurum ndjondjoî d’a Damas-sa kahle suma a yozi avun ayîna avo Samari-na, a mba i ki sed’ezi avok amul ma Asiri-na.

Jeremi 50:36

Ar a dur suma djok vun suma ka zlad’a, ar a mbut lilid’a. Ar a dur mazi suma gangrangâ, ar a mbut mandarâ.

Jeremi 51:30

Suma dur suma Babilon-na a ar bei dur ayîna, a ar kaka kur azì ma ad’eng ma ngunguna. Mazi suma gangrangâ a mbut amangeîd’a, a mbut ni d’igi aropma na. Suma djangûna a nga dozi aziyazi akud’a, a kus kawei mam ma murgulina woi mi.

Hor ma tchina 2:9

Bap mat ma avun agre’îna mi rot kä andaga, mi b’lak keyo. Kawei ma murguli ma atama mi kus seyo. Amul matna ki mat suma nglona a yozi a izi aduk andjaf suma dingâ. Suma a hat gatina nga d’uo d’a. Mat suma djok vuna pî, Ma didina nga mi ndazi va irazi woi d’uo mi.

Ezekiyel 27:23

Azì ma ngol ma Haran-na, ma Kane-na ki ma Eden-na, suma mbut abozi suma Saba-na ki suma Asiri-na ki suma Kilmat-na a nga mbut abozi ki sed’engû.

Ezekiyel 30:17

Azungeî suma On-na ki suma Pi-Beset-na, a mba tchazi avun ayîna; suma a arâ, a mba izi magomba.

Wana ni mbaktumba hi Oze-d’a 10:8

Yima nding ma teteng ma a tinim iram vam ma Bet-Aven ma Israel-lâ a le tchod’a kuana, a mba b’lagam mbeyo. Kekerezeuna kaweid’a a mba deî ata yi mazi ma ngal ahle suma ngat buzu ma tetengâ. A mba de mahuniyôna ala: Agi ngeyemiya, a mba de mi yima nding ma tetengâ ala: Ang dris kä kamiya.

Amos 5:5

Agi halandi Betel li, agi igi Gilgal luo mi. Agi igi Berseba d’uo mi, kayam a mba yo suma Gilgal-lâ magomba ki zla tazi pet, Betel mba d’i mbut ni vama hawana mi.

Amos 9:7

Ma didina mi dala: Agi Israel-lâ, agi iran ni d’igi suma Etiyopi-na na d’uo zu? Ni an ba ni buzugugï woi yam ambas sa Ezipte-d’a d’igi an buzugï suma Filistê-na woi Kaftor na, d’igi an buzugï suma Siri-na woi Kir na mi d’uo zu?

Nahum 3:13

Azigar mangâ a mbut ni d’igi aropma na kurungû. Vun agre’â hambas mangina mi mal lei hotot mi mang suma djangûna, akud’a ti ngal wa kawei ma murguli ma avun agrek mangîna woyo.