Amos 1:11 - Bible azumeina

¹¹ Ma didina mi dala: Suma Edom-ma a nga i avogovok kur tchod’a wan pî, an mba ni djok vunan yam zla d’a an data d’i. Kayam azi dik b’oziyozina ki mbigeu d’a fiyaka, a we nga hohowa sa d’i, a djulul kayî mazina, a i avogovok ki hur mazi ma zala bei ara ba mi,

Amos 1:11 Kruisverwysings

2 Sunda Hamuleinid’a 20:10

Gola! Ki tchetchemba, suma Amon-na ki suma Mowap-ma zlapa ki suma yam ahina d’a Seir-rina a mba wa atami á durâ. Kid’a Israel-lâ a tcholï avo Ezipte-d’a, ang arazi nga lovota a kal yam ambasa hi sum ndazinina d’i. Wani a d’es sei kaziya, a tchazi nga d’uo mi.

2 Sunda Hamuleinid’a 20:11

Gola! Azi mba wa á wuragami á digimi woi kur ambas sa ang hamizi djonid’a!

2 Sunda Hamuleinid’a 28:17

kayam suma Edom-ma a mba dur ayîna ki suma Juda-na kua, a yo suma magomba.

Sawal la giled’a 137:7

Ma didina, ang djib’er yam suma Edom suma kur bur ma a b’lak Jerusalem-ma a dala: Tot kä woyo! Tot kä woi gak ad’ut ta ged’a na.

Sawal la giled’a 85:5

Alo ma sud’umina, ar ang hulongômi blangâmina, ang ar hur mang ma zal ma kamina woyo.

Ma tchi wala 7:9

Ar ang mbut ayîna atogo d’i, kayam sama lilid’a mi mbut ayîna atogo.

Isai 57:16

An mba ni tchol ad’enga hina gagak kuo, an mba ni zal hurun hina baba d’uo mi. Le d’uo ni, suma an lazina, a mba kau a bo woyo.

Wana ni mbaktumba hi Oze-d’a 8:3

Israel-lâ a ar djivid’a woyo. Kayam ndata, ma djangûna mba mi digiziya!

Joel 3:19

Ezipte mba d’i mbut djona, Edom mba d’i mbut ni hur fulâ, kayam murud’um mba azi lat mi suma Juda-na á tchi suma bei zlad’a kazina yam andaga mazid’a adjeud’a.

Mise 7:18

Ma didina, nalo ma lara ba, mi hle tam d’igi ang na ge? Ni ang tu ba, nga vat hurung ngei yam tchilad’a, yam tchod’a á we hohowa suma a ar suma ang tazi djonina. Ang nga ngom ayîna kurung baba d’i, kayam tang ngi lang djivid’a ni yam we hohoud’a.

Zakari 1:15

Wani hurun mi zal ngola yam andjaf suma a nga subur tazina, kayam an hurun mi zalî hina nde ganang yam Israel-lâ, wani azi lazi tchod’a ngola.

Malatchi 1:2

Ma didina mi dagi ala: An le kagi heî, wani agi hulong dum ala: Ang le kami ni ki me ge? Ma didina mi hulong dagi ala: Esau ni Jakob wiyema d’uo zu? Hina pî, an le yam Jakob,

Malatchi 1:4

Suma Edom-ma a dala: Gola! Ahle mamina a b’lak kei wan pî, ami mba minizi akulo! Ni hina ba, Ma didin ma ad’engêm kal petna, mi dala: Arazi a mina; an mba ni tozi woi mi. Suma a mba yazi ala: Ambas sa tchod’a! Suma Ma didina hurum zal kazi ki iram fafatna.

Efes-sâ 5:1

Agi hlagi balum asem Alona d’igi grom suma mam le kazi heîna na.

Gat ta a hat á mbàd’id’a 23:7

Agi gologi Edom-ma is si, kayam azi ni b’oziyogina; agi gologi Ezipte-na is suo mi, kayam agi ei nangoyogeina yam ambas mazid’a.