Amos 1:10 - Bible azumeina

¹⁰ an mba ni do akud’a ata gulumun ma Tir-râ, ti mba d’i ngal azì ma ad’eng ma ngunguna woi mi.

Amos 1:10 Kruisverwysings

Jeremi 47:4

Kayam bur ma a b’lak suma Filistê-na woi petna mi mba wa. A mba fe sama ndjun Tir ki Sidon-na d’uo d’a, kayam an Ma didina nga ni b’lak suma Filistê suma a arâ woyo. Azi ni suma a tcholï kur til la Kaftor-ra a mba kak kuana.

Ezekiyel 26:12

A mba yogi ndjondjoî magid’a, a mba hurumugi ahle magi suma agi mbud’ugi kabogina, a mba togi gulumun magina kä woyo, a mba togi aziyagi ma djivina kä woyo, a mba yogi ahuniyô magina, agu magina kandaga magi d’a gugud’upa, a mba tchuguzi woi aduk mbina.

Ezekiyel 26:4

Azi mba b’lak gulumun magi ma Tir-râ woyo, a mba b’lak gong magi d’a fiyak ka akulo d’a ndjola woyo. An mba ni tor andaga d’a gugud’upa woyo, an mba ni arî ahinad’a tchola vat hina.

Ezekiyel 28:18

Kayam tcho mang nga zul heî d’a yam abo mang ma mbut ma nga ata yam mbuo na, ang mbut yi mang ma a tinim iram vama ndjendjed’a. Kayam ndata, an nga ni fo akud’a kurungû, mba d’i ngalang ngeyo, an nga ni mbud’ung butna yam andagad’a ir suma a nga golongâ pet.

Joel 3:4

Agi suma Tir-râ ki suma Sidon-na pet, agi suma nga yam andaga d’a Filistê-d’ina, vama ndologi ki an ni me ge? Agi hal á hlagi atchugulugi ki sed’en ndju? Le agi hal á hlagi atchugulugi ki sed’enu ni, an mba ni hulong hlatchugul ndata ki sed’egi atogo zak!

Amos 1:4

An mba ni do akud’a ata azì ma amula hi Hazayel-lâ, ti mba d’i ngal azì ma ad’eng ma ngunguna hi Ben-Hadat-na woi mi.

Amos 1:7

an mba ni do akud’a ata gulumun ma Gaza-na, ti mba d’i ngal azì ma ad’eng ma ngunguna woi mi.

Zakari 9:4

Wani Salad’a mba mi hlumu, mba mi b’lagam gulumun mama woi kur alum ma ngolâ, mba mi ngalam mbei kakud’a mi.