Amos 1:1 - Bible azumeina

¹ Wana ni zlad’a hi Amos ma aduk suma pol d’uwarâ avo Tekowa-nid’a. Ahlena a nde tazi woi iram yam Israel-lâ kur atchogoid’a hi Oziyas amul ma Juda-nid’a katchogoid’a hi Jerobowam Jowas goroma amul ma Israel-lîd’a mi. Ahle suma a nde tazi irama a le ni bizad’a mbà tua ba, andagad’a ti giged’a.

Amos 1:1 Kruisverwysings

2 Samuel 14:2

Mi ge sunda sä Tekowa, mi halï atcha d’a wäd’u zla d’a heîd’a, mi dat ala: Ndak mbut tak hohoud’a, ndak tchuk baru d’a dodora atagu. Ndak le mbul ma his djivid’ina atak ki, ndak le d’igi ndak tchi ni matna dedei na.

1 Amuleina 19:19

Elie mi iya, mi fe Elise Safat goroma nga mi zum kä kamuzleina kakapa dogo yam mbà. Elise tamba ba nga mi zum ki yazi d’a dogo yam mbàd’a. Elie mi hut go gen Elise, mi tchugum baru mam mba ngola kamu.

2 Amuleina 14:21

Azariya Amasiya goroma bizamî dogo yam karagaya, suma Juda-na a manam a tinim amula balum abumu.

2 Amuleina 14:23

Kur biza d’a dogo yam vahl hla Amasiya Jowas gorom ma amul ma Juda-na nga mi tamulid’a, Jerobowam Jowas goroma mi kak amula yam Israel-lâ avo Samari, mi tamula bizad’a dok fid’i yam tu.

2 Sunda Hamuleinid’a 11:6

Mi min Betelehem, Etam, Tekowa,

2 Sunda Hamuleinid’a 20:20

A tchol ki yorogo tcholola, a buzuk á i irazi abo ma hur ful ma Tekowa-na. Ata yima a buzuk keina, Josafat mi tchol avoroziya, mi dazi ala: Agi suma Juda-na ki suma avo Jerusalem-ma, agi humunu! Agi vagi tagi ad’enga kur hur magi ma tinda yam Ma didina Alo magina. Hina wani, agi mba tchologi ad’enga ngingring! Agi tinigi hurugi yam mam suma djok vuna. Hina wani, agi mba kuzugi ayîna!

Buzuk ka Abud’a 3:1

Moise nga mi pol aho’â hakunoma Jetro ma ngat buzu ma Madiyan-na. Mi i kaho’â sä abo fulâ abo hî, mi i yam ahinad’a hAlonid’a, nala, Horep.

Isai 1:1

Mbaktum ndata nga d’i de zla sun nda teteng nga Alona mi ndat tei ir Isai Amot goroma yam leu d’a Juda-d’a kazì ma ngol ma Jerusalem-mid’a. Mi ndumuzi woi ni kur atchogoid’a hi Oziyas ki Jotam ki Ahas ki Ezekiyas amulei suma Juda-nid’a.

Jeremi 1:1

Wana ni zlad’a hi Jeremi Hilkiya goromid’a. Mam mi ma ding tu aduk suma ngat buzu suma a nga kaka avo Anatot yam ambas sa Benjamin-ndina.

Jeremi 28:8

Suma djok vun suma a mba avoreina a djok vuna yam ambasa ablaud’a, yam leu d’a nglod’a ala: Ayî ma durâ, baktarad’a ki tugud’ei d’a tcho d’a tchi matna a nga mba.

Jeremi 6:1

Ma didina mi dala: Agi suma Benjamin-na, agi buzugugi woi avo Jerusalem, agi bugi adifa avo Tekowa, agi pagi drapo d’a taka akulo avo Bet-Hakerem, kayam ndaka ki b’lak ka ngola a tcholï abo ma norâ.

Jeremi 7:27

Ang Jeremi, le ang i dazi zla ndata hina pet pî, azi mba humung ngi. Le ang yazi pî, azi mba hulongông humba d’uo mi.

Wana ni mbaktumba hi Oze-d’a 1:1

Wana ni zla d’a Ma didina mi dat mi Oze Beri goroma kur atchogoid’a hi Jerobowam Jowas goroma amul ma Israel-lîd’a, ni kur atchogoid’a hi Oziyas ki Jotam ki Ahas ki Ezekiyas amulei suma Juda-nid’a mi.

Amos 7:14

Amos mi hulong de mi Amasiya ala: An nga ni ma djok vun Alona d’oze ma djok vun gorom mbuo ko. Wani an ni ma pol d’uwarâ, an ni ma ngom diyagad’a mi.

Mise 1:1

Wana ni zla d’a Ma didina mi dat mi Mise ma Moreset-na kur atchogoid’a hi Jotam ki Ahas ki Ezekiyas amulei suma Juda-nid’a, mi ndum ad’u zla d’a yam azì ma ngol ma Samari-nid’a, ki d’a yam azì ma ngol ma Jerusalem-mid’a woyo.

Zakari 14:5

Ata yi máma agi mba ringîgi kur hor ra aduk ahuniyô manid’a, kayam hor ndata mba d’i i gak Asal. Agi mba ringîgi d’igi abuyogi ngolo a ring abo giget ta andagad’a ti giget kur atchogoid’a hi Oziyas amul ma Juda-nid’a na. Ata yi máma Ma didina Alo mana mba mi mba ki mam suma mi tinizi irazi vazina.

Matiye 4:18

Kid’a Jesus nga mi tit avun apo d’a Galile-d’id’a, mi we gro asud’a mbà, Simon ma a yum ala Pierre-râ azi ki wiyema Andre. A nga tchuk abeina kä kur apod’a, kayam azi ni suma tchiuna.

1 Korente-na 1:27

Wani Alona mi man ni suma suma kur duniyad’a a nga golozi ala ni suma lilid’a na á mbut suma ned’a zulona. Mi man suma suma kur duniyad’a a nga golozi ala ni suma amangeîna na á mbut suma ad’engâ zulona mi.