Sunda hi suma a sunuzinid’a 9:36 - Bible azumeina

³⁶ Atcha d’a he gagazid’a tu nga kur Joppe, simiyêt ala Tabita, nala, Dorkas d’oze Duka, nga d’i le sun nda djivid’a burâ ki burâ, nga d’i ndjun suma hohoud’a mi.

Sunda hi suma a sunuzinid’a 9:36 Kruisverwysings

2 Sunda Hamuleinid’a 2:16

Ami mba kang agu ma Liban-na d’igi ang hurung min na, ami mba djiningziya, ami ingzi sä kur alum ma ngolâ gak ami mbangzi sä Jafa. Ang mba djagam sä akulo Jerusalem.

Esdras 3:7

A he bege d’a hapa mi suma tchet ahinad’a ki suma tchet aguna. A hahle suma tena, ahle suma tched’a ki mbulâ mi suma Sidon-na ki suma Tir-râ, kayam a djagï agu sedre ma Liban-na woi kur alum ma ngolâ gak a mbam Jafa d’igi Sirus amul ma Perse-na mi heï vuna na.

Zla d’a d’ogolâ 5:19

Amang nga djif matna d’igi pandrid’a na d’a, d’igi duk ka valaud’a na d’a, ar djif matna mi lang tang djivid’a burâ ki burâ, ar ang le kat burâ ki burâ mi.

Sawal la kal teglesa 2:9

Ma an le kam heîna, mi hle tamî d’igi duka na, d’igi gor gayangâ na mi. Gola! Mi tchol nga huyok gong meid’a, nga mi golî ir fenetred’a, iram nga d’i wile ir kawei ma ndjana.

Sawal la kal teglesa 3:5

Mi dala: Agi yugunei suma Jerusalem-ma, an nga ni gunugi ki duguyona ki pandri d’a abageid’a, agi zlid’igi d’a an le kat heîd’a akulo d’i, agi zlid’it akulo d’i gak ti tchol akulo nata min mata.

Sawal la kal teglesa 8:14

Ang ma an le kang heîna, ang djangî d’igi duka d’oze gor gayangâ na yam ahina d’a mbul ma his afufuîna mi nga kuad’a.

Jonas 1:3

Wani Jonas mi tchol á ring Tarsis woi dei avok Ma didina. Mi i Jafa, mi fe bato d’a i Tarsis-sa, mi wurak beged’a, mi ful kur batod’a ki suma a le sunda kurutna á i Tarsis woi dei avok Ma didina.

Matiye 25:17

Mam ma ve talanda mbàna, mi le hina mi, mi fe kat kua mbà mi.

Jean 15:5

An ni guguzlud’a, agi nabona. Sama nga kaka zlapa tu ki sed’ena, an nga kurum mi. Hina wani, mba mi vut ngola, kayam bei an ba ni, agi ndak á lagi va yam tagi d’i.

Jean 15:8

Le agi nga vud’ugi ngola ni, agi mba suburugi Abunu. Hina, agi mba tagagi woi ala agi ni man suma hata.

Sunda hi suma a sunuzinid’a 10:23

Ata yi máma, Pierre mi kal ki sed’ezi avo, mi hazi yima burâ. Tcha ndjivinda Pierre mi tchol mi i ki sed’eziya. B’oziyod’a suma hiu suma Joppe-na a i ki sed’em mi.

Sunda hi suma a sunuzinid’a 10:31

Mi dan ala: Kornei, Alona mi hum tchen manga, mi djib’er yam ndjun nda ang nga ndjun suma hohoud’id’a mi.

Sunda hi suma a sunuzinid’a 10:8

Kid’a mi vazi ad’u ahle ndazina peta, mi sunuzi Joppe.

Sunda hi suma a sunuzinid’a 11:13

Mi dami ala mi we malaikana mi tchola avo hatamu, mi dum ala: Ang sun suma Joppe a yï Simon ma a yum ala Pierre-râ.

Sunda hi suma a sunuzinid’a 11:5

An nga kur azì ma ngol ma Joppe-na, nga ni tchen Alona. Ata yi máma, vana nde tam mbei iran d’igi baru d’a ngola na, djinda ata kengêm ma fid’ina pet, a sirimï akulo dei gak mba avoron kä.

Sunda hi suma a sunuzinid’a 9:38

Lida ni go ki Joppe. Suma hata a hum ala Pierre nga kua, a sun suma mbà kam ala: Ar ang le lilinga á mba gevemi d’i.

Sunda hi suma a sunuzinid’a 9:42

Zla ndata b’rau woi kur ambas sa Joppe-d’a pet. Suma ablaud’a a he gagazid’a yam Salad’a.

Efes-sâ 2:10

Kayam nAlona ba, mi leya, mi geya, mi zlabei tu ki Jesus Christ, kayam ei i avogovok á le sun nda djivi d’a mi minit kei avok dei á led’id’a.

Filip-ma 1:11

Agi oyôgi ki sun nda d’ingêra kurugi kayam agi suburugi Alona, agi gilem mi.

Kolos-sâ 1:10

Hina wani, agi tid’igi ndak yam minda hi Salad’id’a á le sun nda djivi d’a lara ge pet á lum tam djivid’id’a. Ar sun magi d’a djivid’a ti zul avogovok á wAlona.

1 Tasaloni’â 4:10

Gagazi, agi nga lagi yam b’oziyoi suma Maseduwan-na ki zlazi pet hina mi. Wani b’oziyomina, ami nga gigid’egiya, ar agi lagi hina avogovogo.

1 Timote 5:10

ni d’a suma a le glangâsâ yam sun mat ta djivid’id’a, ni d’a nga d’i ngom grotna djivid’id’a, ni d’a lakoyogeinid’a, ni d’a mbus asem suma hAlonid’ina, ni d’a ndjun suma hohoud’id’a, ni d’a le sunda djivi d’a lara ge pet mi.

Wana ni mbaktum mba Paul mi b’irit mi Tit-ta 2:14

Ni Ma he tam kei á sud’i woi kur tcho d’a lara ge pet á mbud’i mam suma yed’et suma tazi lazi zlezleû á le sun nda djivid’ina.

Wana ni mbaktum mba Paul mi b’irit mi Tit-ta 2:7

Kur ahlena pet ang mbut ni vama taka kur sun nda djivid’a. Ang hat ni hat ta d’ingêra irang sik.

Wana ni mbaktum mba Paul mi b’irit mi Tit-ta 3:8

Zla ndata ni zla d’a irata. An min ala ang dazi zla ndata kad’enga, kayam suma he gagazid’a yam Alonina a min tazi á le sun nda djivid’a. Zla ndata ni zla d’a djivid’a yam suma á led’a.

Hebre-na 13:21

Ar Alona mi mbud’ugi suma ndak memetna yam sun nda djivi d’a lara ge pet á le min mamba. Ni ma nga mi le sun nda djivid’a kuri yam Jesus Christ á lum tam djivid’ina. Ni Jesus Christ ma ei suburum gak didina. Amin!

Jacques 1:27

He gagazi d’a irat ta memet ta avok Alona Abuid’a ba wana: Mi i d’u suma hokuyod’a ki suma modonod’a kur ndak mazid’a, mi gol tam ped’et ki tchod’a hi duniyad’id’a mi.

Josue 19:46

Me-Jarkon ki Rakon zlapa kambas sa ngui Jafa-d’a.