Sunda hi suma a sunuzinid’a 9:13 - Bible azumeina

¹³ Wani Ananiyas mi hulong dum ala: Salad’a, an hum zla sa máma avun suma ngola ala nga mi le murud’umba ablaud’a ki sum mang suma Jerusalem-ma.

Sunda hi suma a sunuzinid’a 9:13 Kruisverwysings

Ezekiyel 3:14

Muzuk ma mi hlan ndei akulona, mi i ki sed’enu. An i ki hur ma hata ki hur ma zala, kayam Ma didina abom mi nga tinda kan kad’enga.

Matiye 10:16

Jesus mi dazi kua ala: Gola! An sunugi ni d’igi tumiyôna na aduk ngûna. Agi kagagi ki ned’a d’igi guguyona na, agi kagagi kukud’uk d’igi gugud’a na mi.

Sunda hi suma a sunuzinid’a 22:4

An djop vun suma a nga kur lovota hi Salad’id’ina ngola heî. Suma hiuna a bo. An djin andjofâ karopma, an tchuguzi dangeina mi.

Sunda hi suma a sunuzinid’a 8:3

Wani Saul mi pleî suma toka woi ndjandjap. Mi nga mi kal kur azì ma lara ge pet, nga mi yo andjofâ karopma, nga mi tchuguzi dangeina.

Sunda hi suma a sunuzinid’a 9:1

Wani Saul nga mi gurut ki ngopa ndandaleî á tchi suma hata hi Salad’ina. Mi i gen ma ngol ma ngat buzuna,

Sunda hi suma a sunuzinid’a 9:21

Suma pet suma a humuma a le atchap, a dala: Wana ni sama djop vun suma Jerusalem suma a nga yi simiyê Jesus-na d’uo zu? Mi mba ka hî á yo suma á izi mi nglo suma ngat buzuna mi d’uo zu?

Sunda hi suma a sunuzinid’a 9:32

Kid’a Pierre nga mi tit ata yina peta, mi i á gol suma hAlona suma avo Lida-na mi.

Sunda hi suma a sunuzinid’a 9:41

Pierre mi vat abod’u, mi tcholot akulo. Mi yi suma a he gagazid’ina karop suma modonod’a, mi hazizi ki arid’a.

Romê-na 1:7

An nga ni b’ir mbaktum mba wanda mi agi Romê-na pet suma Alona mi le kagi heî mi yagi á kak sum mama mi na. Ar Alona Abuya ki Salad’a Jesus Christ a vagi sumad’a ki b’leng nga halasa.

Romê-na 15:31

Ar agi tchenegi Alona ala mi prud’un ndei abo suma bei he gagazi suma Jude-na, kayam he d’a hawa d’a an nga ki sed’et á it mi suma hAlona suma Jerusalem-mid’a a vat ki djivid’a mi.

Romê-na 16:15

Agi gagi Filolok, Juli, Nere ki wiyemba Olimpas ki suma hAlona suma a nga zlapa ki sed’ezina depa.

Romê-na 16:2

Ar agi vagizi atagi yam simiyê Salad’a d’igi suma hAlonina a nga ve tazi na. Agi ndjunut kur ahlena pet suma ndat minizi atagina, kayam ndat tata ti ndjun suma ablaud’a ki an tanda mi.

1 Korente-na 1:2

Ami nga b’irimi mbaktum mba wanda mi agi Toka hAlona d’a sä Korente-d’a, suma Alona mi yagi mi mbud’ugi sum mama, mi tinigi iragi vagi zlapa tu ki Jesus Christ-sâ, mi suma pet suma ata yima lara ge pet suma a nga yi simiyê Saleina Jesus Christ-sâ mi. Mam ma ala ni Salazina, ni Saleina mi na.

1 Korente-na 14:33

Kayam Alona mi yï ná le batranga d’i, wani mi yï ná kagei ki b’leng nga halasa. D’igi a nga le kur Toka hi suma hAlona d’a lara ge pet na,

1 Korente-na 16:1

Wani yam he d’a hawa d’a agi nga togot yam suma hAlona suma sä Jerusalem-mid’a, ar agi lagi d’igi an he vuna mi Tok ka teteng nga Galat-ta na.

1 Korente-na 6:5

An dagi hina kayam zulona mi lagiya. Agi nga ki sama ne ma ndak á ka ir sariyad’a hi b’oziyomid’a d’uo zu?

Efes-sâ 1:1

Ni an Paul ma a sunuma hi Jesus Christ-sâ kur minda hAlonid’a. An nga ni b’ir mbaktum mba wanda mi agi suma hAlona suma avo Efes suma d’engzeng suma zlapa tu ki Jesus Christ-sâ.

Filip-ma 1:1

Ni an Paul ki Timote, azungeîna hi Jesus Christ-sâ. Ami nga b’irimi mbaktum mba wanda mi agi suma hAlona pet suma a he gagazid’a yam Jesus Christ suma avo Filip-ma, zlapa ki suma gol Toka ki suma a le sunda mi Tokina mi.

Filip-ma 4:22

Suma hAlonina pet a gagi depa, kal pet ni suma avo hi Sesar-râ.

Kolos-sâ 1:2

Ami nga b’irimi mbaktum mba wanda mi agi suma hAlona suma avo Kolos suma d’engzeng suma zlapa tu ki Christ-sâ. Ar Alona Abui mi vagi sumad’a ki b’leng nga halasa.

Hebre-na 13:24

Agi gagi suma avorogina depa pet zlapa ki suma hAlonina pet mi. B’oziyoi suma Itali-na a gagi depa mi.

Jude 1:3

Buniyôna, an min tan ngola á b’irigi mbaktumba yam sut ta ei fata. Wani le ni nana pî, an b’irigi mbaktum ndata á siragi ngingring á dur ayîna yam he gagazi d’a Alona mi hat yam tu mi sum mama peta.

1 Samuel 16:2

Wani Samuel mi hulong dum ala: An mba ni i ni nana ge? Le Saul mi huma ni, mba mi tchanu. Ma didina mi dum kua ala: Ang vamuhl hla weid’a ad’ungû, ang dala ang i han ni he d’a hawa d’a ngat buzuna.