Sunda hi suma a sunuzinid’a 8:23 - Bible azumeina

²³ Kayam an wala ang nga ki hur ma tchona, tchod’a gang aleina mi.

Sunda hi suma a sunuzinid’a 8:23 Kruisverwysings

Wana ni mbaktumba hi Job-pa 20:14

te mama mba mi bu kurum krovo, mba mi mbut ayî mageid’a kurum krovo mi.

Sawal la giled’a 116:16

Ma didina, an nga ni tchenengû, kayam an nazong mangâ, an ni wei manga gorotna. Ni ang ba, bud’un ziyo ma a djinin ki na woyo.

Zla d’a d’ogolâ 5:22

Sama asa’atna nga mi ve ki tcho mam mba mi lata, ziyo matna nga mi vum mi.

Isai 28:22

Ki tchetchemba, ar agi sanagi ad’u zla manda d’i. Le d’uo ni, ziyo ma a djinigi ki na mba mi sirit kelegiya. Kayam Ma didina mi nga wa hurum á b’lak ambasa da’. An hum zla ndata navun Salad’a Ma didin ma ad’engêm kal petna tamba.

Isai 58:6

D’el ta bei te tena d’a an tan lan djivid’a kata ba wana: Agi bud’ugi kindjingâ hasa’atina woyo, agi bud’ugi ziyona hi dju’îna woyo, agi tchugugi suma a nga djobozi vunazina akulo, agi kuzugi djuk ma lara ge woi pet,

Jeremi 4:18

Ahle ndazina a mba ka’î yam tit maka ki sun mak ka ata yat tuo d’a. Wana nasa’at maka! Gagazi, ta aglara mba d’i kal gak i kuruk krovo mi.

Jeremi 9:15

Kayam ndata, an Ma didin ma ad’engên kal petna, Alona hi Israel-lîna, nga ni he te ma aglarâ mi sum ndazina, an mba ni hazi mbiyo ma tchi matna á tched’a mi.

Hor ma tchina 3:19

Ata yima an djib’er yam hohou manda ki tcha man nda tatad’ina, an golozi ni d’igi vama aglarâ ki kuma ma tchi matna na mi.

Hor ma tchina 3:5

Mi nguyun kahle suma aglarâ ki ndaka d’igi sana mi ge gulumuna kam na.

Jean 8:34

Jesus mi hulong dazi ala: Gagazi, an nga ni dagiya, sama lara pî ma nga mi le tchod’ina ni magoma hi tchod’ina.

Efes-sâ 4:31

Zla d’a aglara pet kayîna ki hur ma zala ki yalâ ki ngula, ar agi pad’azi woi pet adigagi zlapa kasa’ata pet mi.

Wana ni mbaktum mba Paul mi b’irit mi Tit-ta 3:3

Kayam adjeu ei ni suma bei ned’a, suma bei hum vuna, suma vit teina. Ei ni suma le magomba mi d’od’oka teteng ki furîd’a hi duniyad’ina, suma asa’atna, suma yungôra. Suma a noyêya, ei noyeî suma ding mi.

Hebre-na 12:15

Agi gologi tagi djiviya, sa mi kid’ak kei ata sumad’a hAlonid’a d’i. Ar sa mi tchol adigagi d’igi agu ma aglarâ na á djok suma ablaud’a ki tcho mamba d’i.

2 Pierre 2:19

Azi hlazi vuna á mbud’uzi gro vuta, wani azi tazid’a ni magumeina hahle suma izi kur b’lakina. Kayam vama kal yam sanina nga mi mbud’um magom mama.

2 Pierre 2:4

Kayam Alona mi ar nga malaika suma a le tchod’ina hawa d’i, wani mi tchuguzi nga kä kur gring ma nduvun ma i’îli’â á ngomozi gak bur ma ka sariyad’a.