Sunda hi suma a sunuzinid’a 8:21 - Bible azumeina

²¹ Ang nga ki b’rau d’oze va kur zla ndata d’i, kayam hurung nga d’ingêr avok Alona d’i.

Sunda hi suma a sunuzinid’a 8:21 Kruisverwysings

2 Sunda Hamuleinid’a 25:2

Mi le sun nda djivid’a avok Ma didina, wani nga ni ki hur ma tuna d’i.

Nehemi 2:20

An hulong dazi ala: Alo ma akulona mba mi hami ad’enga á imi avogovogo. Ami azungeî mama, ami mba tcholomiya, ami mba minid’u. Wani agi b’rau magid’a nga ki ami d’uo mi na, va ndologi nga ki ami d’uo mi na, djib’er magid’a nga yam Jerusalem mbuo mi.

Sawal la giled’a 36:1

Ni sawal la David azongâ hi Ma didinina mi hlat mi hat mi ma ngolâ hi suma hle sawalina.

Ezekiyel 14:3

Ang gor sana, sum ndazina a tin huruzi ni yam filei mazi ma nga mi zud’uzi á le tchod’ina. An mba ni arazi á djobon zlad’a zu?

Sunda hi suma hi Levi-nid’a 13:8

Ma ngat buzu máma mi golom kua. Le d’ud’ub’od’a ti ring ngeyo ni, ma ngat buzu máma mi de woi kam ala: Sama wana ni sama ndjendjed’a! Vama atama ni libina.

Habakuk 2:4

Zla d’a a b’irita ba wana: Sama subur tama mba mi kak karid’a tatâ d’i, wani sama d’ingêrâ mba mi kak karid’a, kayam mi he gagazid’a mAlona.

Wana ni Zla d’a Djivi d’a Luc mi b’irita 1:6

Azi djak ni suma d’ingêrâ avok Alona, a ge yazi kä ad’u gata ki vun ma hed’a hi Salad’ina pet.

Jean 21:17

Mi djobom yam á hindid’a ala: Simon Jean goroma, ang le kan ndju? Pierre hurum zal yam de d’a mam dum yam á hindid’a ala: Ang le kan ndju d’a. Pierre mi dum ala: Salana, ang wahlena pet, ang wala an le kangû. Jesus mi dum ala: Ang he tumiyô mana tena.

Sunda hi suma a sunuzinid’a 8:37

Filip mi hulong dum ala: Ang le he gagazid’a ki hurung ped’u ni, ang ndak á le batemba. Sa máma mi hulong dum ala: An he gagazid’a ala Jesus Christ nAlona Goroma.]

Efes-sâ 5:5

Agi wagi woi tetet ala sama mizeuna, sama le sun nda ndjendjed’a, sama le d’od’oka yam beged’ina, nala ma tuwal fileina, suma hina na a mba te leud’a hi Christ-sa kAlona d’i.

Gat ta a hat á mbàd’id’a 10:9

Kayam ndata, suma hi Levi-na a nga ki b’raud’a d’oze djo ma te ki b’oziyozina d’i. Ma didina ni djo mazi ma ted’a d’igi Ma didina Alo magina mi dazi na.)

Gat ta a hat á mbàd’id’a 12:12

Agi ki grogi suma andjofâ ki grogi suma aropma kazungeî magina ki yugunei magina, agi mba lagi furîd’a avok Ma didina Alo magina zlapa ki ma hi Levi ma mba mi kak avo hatagina, kayam mam nga ki b’raud’a d’oze djo ma te ki sed’egi d’i.

Hebre-na 4:13

Vama ndak á ngei tam avok Alona nga d’i, wani ahle suma Alona mi lazina a ni woi pid’ak avok mam Ma ei mba i ki zla meid’a avoroma.

Josue 22:25

Ma didina mi tin alum ma Jurdê-na ni hagad’a adigei ki agiya. Agi suma hi Ruben-na ki suma hi Gad-na, va ndologi nga ki Ma didina d’i. Ni yam grogina ba, gromina a mba ar bei le mandara Ma didina.

Vama ndum mbeina 2:23

An mba ni tchi grotna woyo. Ata yi máma, Toka pet mba d’i wala an ni ma we djib’era ki nga hurâ hi sumina, an mba ni wurak nge nge pî yam vama mi luma mi.

Vama ndum mbeina 20:6

Suma tchol akulo avok kikidjina a mba le furîd’a ki hur ma hapma, kayam mat ma mbàna mi nga kad’enga kazi d’i. Azi mba mbut ni nglo suma ngat buzuna mAlona azi ki Christ, azi mba te leud’a ki sed’em gak bizad’a dubu.

Vama ndum mbeina 22:19

Le sama nga mi pat zla d’a a djogot vunat tei kur mbaktum ndatid’a woyo ni, Alona mba mi d’elem bei te vud’agu ma he arid’ina, mba mi d’elem bei kal kur azì ma ngolâ hAlonina, d’igi a b’ir kur mbaktum ndata na mi.