Sunda hi suma a sunuzinid’a 7:51 - Bible azumeina

⁵¹ Agi suma delegi ad’engina, agi suma b’alagi hurugi suma dugugi humagi woi á hum yid’a hAlonid’ina, agi nga zud’ugi Muzuk ma bei tchod’a ba na woi teteu, agi lagi ni d’igi abuyogi ngolo a le na mi.

Sunda hi suma a sunuzinid’a 7:51 Kruisverwysings

2 Amuleina 17:14

Wani sum ndazina a nga hum vun ndi, a le yam mba ad’enga d’igi abuyozi ngolo suma a he nga gagazid’a yam Ma didina Alo mazina d’uo na na.

2 Sunda Hamuleinid’a 30:8

Ki tchetchemba, ar agi lagi yam mba ad’enga d’igi abuyogi a lat na d’i, wani agi hagi tagi mi Ma didina, agi mbeyegi kur yi mam ma a tinim iram vam ma gak didina, agi lagi sunda mi Ma didina Alo magina tala kur ayî mam ma bibiliuna hurum vat tei kagiya d’a.

Nehemi 9:16

Wani abuyomi ngolo a le yam mba ad’enga, a song vunangû, a hum nga gat manga d’uo mi.

Nehemi 9:30

Ang ve tang ki sed’ezi kur bizad’a ablaud’a, ang gigid’ezi ki Muzuk mangâ ki mang suma djok vuna mi. Wani azi tin nga humazi d’i. Ata yi máma ang hazi woi abo andjaf suma dingâ.

Sawal la giled’a 75:5

An nga ni de mi suma a subur tazina ala: Agi suburugi tagi d’i. An de mi suma asa’atna ala: Agi hlagi yagi akulo d’i.

Sawal la giled’a 78:8

Kayam azi le d’igi abuyozi ngolo suma yam mba ad’eng suma bei hum vun suma huruzi nga ade’esa d’uo suma a nga d’engzeng avok Alona d’uo na hina d’uo d’a.

Buzuk ka Abud’a 32:9

Ma didina mi de mi Moise kua ala: An we sum ndazina; ni suma bei hum vuna.

Buzuk ka Abud’a 33:3

Agi igi yam ambas sa ambira ki mbul ayuma a nga sor kä kuad’a. Wani an nga ni i ki sed’egi tala an dabagi woi lovot tuo d’a, kayam agi ni suma bei hum vuna.

Buzuk ka Abud’a 33:5

Ma didina mi de mi Moise ala: Ang de mi Israel-lâ ala: Alona mi dala: Agi ni suma bei hum vuna. Le an nga ni tit adigagi tetewu ni, an mba ni dabagi tchid’a woyo. Agi yogi ahle magi suma djif suma atagina woyo. Hina wani, an mba ni we vama ni lum ki sed’egina.

Buzuk ka Abud’a 34:9

Mi dum ala: Salad’a, le ang wan hohowonu ni, ar ang tit adigamiya, kayam sum ndazina ni suma bei hum vuna, ang vat hurung ngei yam tchila mamid’a ki tcho mamid’a, ang mbud’umi sum mangâ mi.

Isai 48:4

Wani an we agi ni suma yam mba ad’enga, agi ni suma delegi ad’enga d’igi kawei ma wurana na na, agi ni suma vorogi ad’enga d’igi kawei ma hleuna na na mi.

Isai 63:10

Wani azi som vunamu, a zal hur Muzuk mam ma bei tchod’ina, mi mbut mazi ma djangûna, mi mbut sama mi duruzi ayînina mi.

Jeremi 17:23

Wani azi humun nga d’i, a tin nga humazi á humun ndi, a tos humazi woi á humunu, a hum nga gat manda d’uo mi.

Jeremi 4:4

Agi suma Juda-na ki suma a nga kaka avo Jerusalem-ma, agi minigi tagi yam an Ma didina, agi minigi vunadigagi tala ayî mana mi fo d’igi aku d’a sana mi ndak á tchat tei d’uo d’a na yam asa’at magid’a d’a d’i.

Jeremi 6:10

Jeremi mi dala: An de zlad’a ni mi nge ge? An le glangâsâ ni mi nge ba, mba mi humun nge? Gola! A duk humazi woyo, a ndak á hum mbi. Zlad’a hi ang Ma didinid’a ti mbut ni vama ngula ataziya, tazi nga d’i lazi djivi kat tuo mi.

Ezekiyel 2:4

Ni suma zulo nga irazi d’uo na, suma huruzi b’alina. An nga ni sunung geveziya. Ang i dazi ala: Wana ni zla d’a Salad’a Ma didina mi data.

Ezekiyel 44:7

Ata yima agi mbagi kangoyogei suma bei a ngad’azi bayâd’a suma a ge nga yazi kä ad’u vun man ma hed’a d’uo na kur gong man nda kud’orina, agi mbud’ut ndjendjed’a. Ata yima agi nga hagi avungô mana ki mbulâ ki buzuna he d’a hawad’a mi filei magi ma ndjendjed’ina, agi bud’ugi ni vun man ma djin ma an djinim ki sed’egina woyo.

Ezekiyel 44:9

Kayam ndata, an Salad’a Ma didina ni de woi mbak ala: Angei ma lara pî ma bei ngad’am bayâd’a ma mi ge nga yam kä ad’u vun man ma hed’a d’uo na, le mi nga ni kaka adigagi agi Israel-lâ pî, mba mi kal kur gong man nda kud’ora d’i.

Sunda hi suma hi Levi-nid’a 26:41

azi mba wala ni an ba ni tchol ad’enga ki sed’ezi ni izi yam ambasa hi mazi suma djangûnid’a mi, azi mba ge yazi kä yam hur mazi ma b’ala, azi mba wala azi le ni tchod’a mi.

Ndumba 27:14

kayam agi tchilagi yam vun man ma hed’a abagei hur ful ma Tisin-na ata yima ablaud’a a yal ki sed’ena, agi suburun nga avorozi ata yima a hal mbiyo ma tched’ina d’uo mi. Ni mbiyo ma Kades ma abagei hur ful ma Tisin-nina.

Sunda hi suma a sunuzinid’a 6:10

Wani azi ndak á kal kam mbi, kayam nga mi dazi zlad’a ki ne d’a Muzu’â mi humzid’a.

Sunda hi suma a sunuzinid’a 7:27

Wani ma nga mi le ndrama sulu’îna, mi zut Moise seyo, mi dum ala: Ni nge ba, mi tining amula ki ma ka sariyad’a kami ge?

Sunda hi suma a sunuzinid’a 7:35

Ni Moise ma Israel-lâ a noyôm mbei ala: Sama tining amula ki ma ka sariyad’a kami ni nge nge na ba, Alona mi sunum á tamula kazi á pad’azi woi zlapa ki malaika ma nde tam mbei iram aduk awei-avirinina.

Sunda hi suma a sunuzinid’a 7:39

Wani abuyoi ngolo a min ge yazi kä ad’um mbi. A noyôm mbeyo, a hulong tin huruzi yam Ezipte.

Sunda hi suma a sunuzinid’a 7:9

Abuyoi ngolo ndazina a le yungôra yam Josef. A guzum mbei abo suma, a i ki sed’em Ezipte-na. Wani Alona mi nga ki sed’emu,

Romê-na 2:25

Le ang ge yang kä ad’u gata ni, bayâ mang nga ngata ni djivid’a kangû. Wani le ang tchila yam gata ni, bayâ mang nga ngata mbut ni vama hawana.

Efes-sâ 4:30

Ar agi b’lagagi hur Muzuk ma bei tchod’a ba na hAlonina d’i; ni mam ba, kagi ki geuna gak bur ma Alona mba mi yoi sä akulona.

Gat ta a hat á mbàd’id’a 10:16

Agi hagi hurugi pet mi Ma didina, agi lagi yam mba ad’enga d’uo d’a.

Gat ta a hat á mbàd’id’a 30:6

Ma didina mba mi mbud’ugi agi kandjavagi hurugi yed’et, kayambala agi lagi kam ki hurugi ma tuna ki tagi pet mi d’a. Hina wani, agi mba kagagi ki iragi avoromu.

Gat ta a hat á mbàd’id’a 31:27

Kayam an we agi ni suma so vuna, agi ni suma yam mba ad’enga. Le agi nga sogi vun Ma didina kid’a an nga ki iran adigagi tua d’a ni, bugol mat mana, agi mba lagi tchod’a kal luo zu?

Gat ta a hat á mbàd’id’a 9:13

Ma didina mi dan kua ala: An we sum ndazina ni suma yam mba ad’enga!

Gat ta a hat á mbàd’id’a 9:6

Ar agi wagi woi ala ni yam d’ingêr magid’a ba, Ma didina Alo magina mba mi hagi ambas sa djivi ndata á tagizi djona ni na d’i, kayam agi nandjaf ma yam mba ad’enga!

Filip-ma 3:3

Kayam ei tei ni suma ngat bayâ suma irat suma a nga kud’urei Alona yam ad’enga hi Muzuk mamid’ina. Ei nga suburi tei ni yam Jesus Christ, wani ei nga dengeî tei ni yam hliuna d’i.

Kolos-sâ 2:11

A ngad’agi bayâgid’a á tinigi zlapa tu ki Christ. Nga ni bayâ d’a suma a ngad’ata d’i, wani ni ngat ta Christ mi ngad’agizid’a. Mi pad’agi woi kur ad’enga hi djib’er magi d’a tchod’id’a.