Sunda hi suma a sunuzinid’a 7:3 - Bible azumeina

³ Mi dum ala: Ang nde woi kur ambazang aduk simiyengû, ang i yam ambas sa an mba ni tagangzid’a.

Sunda hi suma a sunuzinid’a 7:3 Kruisverwysings

Ad’u Tinda 12:1

Ma didina mi de mi Abram ala: Ang nde woi kur andaga manga, ang nde woi aduk simiyêngû, ang nde woi kur azina habungâ, ang i kur andaga d’a an mba ni tagangzid’a.

Ad’u Tinda 15:7

Ma didina mi dum kua ala: An ni Ma didin ma pad’angî woi kur andaga d’a Ur ra Kalde-d’a á hang ambas sa wandina.

Ad’u Tinda 20:13

Wani kid’a Alona mi walan ndei kazina habunid’a, an de mamanda Sara ala: Djivi d’a ndak mba lat ki sed’enda ba wana: Ata yima lara ma ei i kuana, ndak dala an ni wiye’â.

Nehemi 9:8

Ang wum ni ma d’engzengâ avorongû, ang djin vunang ki sed’em á handjavam ambasa hi suma Kanan-nid’a, hi suma Het-nid’a, hi suma Amor-rîd’a, hi suma Peris-sîd’a, hi suma Jebus-sîd’a ki d’a hi suma Girgas-sîd’a. Ang le sunda yam zla d’a ang data, kayam angî ma d’engzengâ.

Matiye 10:37

Sama le yam abum mboze asum kalan ana, mi ndak nga sa mana d’i. Sama le yam goroma d’oze goromba kalan ana, mi ndak nga sa mana d’uo mi.

Wana ni Zla d’a Djivi d’a Luc mi b’irita 14:33

Ni na mi, nge nge pî adigagi le mi ar ahligiyem mbei pet tuo ni, mi ndak á kak man ma hata d’uo mi.

Sunda hi suma a sunuzinid’a 7:4

Ata yi máma, mi ar ambas sa Kalde-d’a, mi i kak kur Haran. Bugol matna habuma, Alona mi djogom kur andaga d’a agi nga kaka kur ki tchetchem wandid’a.

2 Korente-na 6:17

Kayam ndata, Ma didina mi dala: Ar agi buzugugi woi adigaziya, ar agi walagi woi ki sed’ezi mi. Ar agi dogi vama ndjendjed’a d’i; hina wani, an mba ni vagi atanu.

Hebre-na 11:8

Ni yam he gagazid’a ba, Abraham, ata yima Alona mi yuma, mi ge yam kä, mi i yam andaga d’a Alona humzi djonid’a. Mi ar ambas mamba, mi we nga yima mi i kuana d’i.

Josue 24:3

An hleï abugi ngolo Abraham abo alum ma Efrat-na abo hî, an nguyum tita kur ambas sa Kanan-nda pet, an zulum andjavamu, an hum Isak.