Sunda hi suma a sunuzinid’a 7:2 - Bible azumeina

² Etienne mi hulong mi dala: B’oziyona kabuyonu, agi humugiya. Alo ma subura mi nde tam ir abui ngolo Abraham kid’a mi nga Mesopotami avok ka mam bei i kak kur Haran tua d’a.

Sunda hi suma a sunuzinid’a 7:2 Kruisverwysings

Ad’u Tinda 11:31

Tera mi yo goroma Abram ki Lot gorâ hi goroma Haran-na kakunomba Sarai atchad’a hi goroma Abram-mba, mi tchol ki sed’ezi avo Ur ra Kalde-d’a á i yam ambas sa Kanan-nda. Azi mbaza yam ambas sa Haran-nda, a kak kua.

Ad’u Tinda 12:1

Ma didina mi de mi Abram ala: Ang nde woi kur andaga manga, ang nde woi aduk simiyêngû, ang nde woi kur azina habungâ, ang i kur andaga d’a an mba ni tagangzid’a.

Ad’u Tinda 12:5

Abram mi vamamba Sarai ki wiyema goroma Lot ki bege mazid’a pet ki magumei suma azi guzuzi avo Haran-na. Azi i yam andaga d’a Kanan-nda. Kid’a azi mbaza yam ambas sa Kanan-ndid’a,

Ad’u Tinda 15:7

Ma didina mi dum kua ala: An ni Ma didin ma pad’angî woi kur andaga d’a Ur ra Kalde-d’a á hang ambas sa wandina.

Ad’u Tinda 29:4

Jakob mi djop suma pola ala: B’oziyona, agi ni suma lara ge? Azi dum ala: Ami ni suma Haran-na.

Nehemi 9:7

Angî Ma didina Alo ma man Abram ma ndumî woi kur Ur ra Kalde-d’a ma tinim simi ma Abraham-mina.

Sawal la giled’a 24:10

Amul ma ngol ma subur máma ni nge ge? Ni Ma didin ma ad’engêm kal petna; ni mam ba, namul ma ngol ma subura. Tchol ndjö

Sawal la giled’a 24:7

Ang vun agre’â, ang mal tang ngei atogo, ang vun agrek ma dedeina, ang mal tang ngeyo; ar amul ma ngol ma subura mi kal avo!

Sawal la giled’a 29:3

Dela hi Ma didinid’a nga d’i zlakulo yam mbina ngungur, Alo ma subura nga mi breî alo ma breîd’a, Ma didina nga mi te yam mbiyo ma nglona.

Isai 37:12

Kid’a abuyon suma avorona a b’lak Gozan ki Haran ki Resef ki Telasar azì ma ngolâ hi suma Eden-nid’a, alona handjaf sum ndazinina mi sud’uzi woi zu?

Isai 51:2

Agi gologi abugi ngolo Abraham azi ki Sara d’a vud’ugid’a. Ata yima mam mi vam tuna, an yumu, an b’e vunan kamu, an zulum andjavam mi.

Isai 6:3

A nga er ad’uzi akulo aduk tazi ala: Ma bei tchod’a, Ma bei tchod’a, Ma bei tchod’a ni Ma didina Alo ma ad’engêm kal petna! Subur mamba ti oî yam andagad’a pepet.

Matiye 6:13

Ar ang imi kur kuka d’i, wani ang pad’ami woi abo Ma tchona. [Leud’a, ad’enga ki subura ni manga gak didin. Amin!]

Wana ni Zla d’a Djivi d’a Luc mi b’irita 2:14

Ei suburi Alo ma sä akulona! Ar mi he b’leng nga halas mamba yam andagad’a mi suma mi le kazina.

Jean 1:14

Zla ndata ti mbut sana, ti kak adigamiya. Ti nga oîd’a ki sumad’a ki gagazid’a. Ami wami subura hi Gor ma tu gid’eng máma d’a Abum humzid’a.

Jean 12:41

Isai mi de zla ndata hina, kayam mi we subura hi Jesus-d’a, mi de kam mi.

Sunda hi suma a sunuzinid’a 22:1

B’oziyona kabuyonu, agi humugi ad’u zla man nda an nga ni dagi ki tchetchem wandid’a.

Sunda hi suma a sunuzinid’a 23:7

Kid’a mi de hina dad’a, tuguyod’a tchol aduk Fariziyêna ki Sadusiyêna, ablau suma a wal kä mbà.

Sunda hi suma a sunuzinid’a 7:1

Ma ngol ma ngat buzuna mi djop Etienne ala: Zla ndata ni gagazi zu?

1 Korente-na 2:8

Sa tu aduk suma te yamba kur duniya d’a wanda ma we ne ndatina nga d’i. Ladjï a wäd’u ni, a ndak á b’al Sala ma subura akulo ata aguna d’i.

Efes-sâ 1:17

kayam Alona hi Saleina Jesus Christ Abui ma subura, mi hagi Muzuk mama á tagagi wad’ud’a á wum mbei tetet mi.

Wana ni mbaktum mba Paul mi b’irit mi Tit-ta 2:13

Ti nga d’i had’ei á tini huri ki furîd’a á djup bur ma subura hAlo mei ma ngol ma sud’ina Jesus Christ mba mi nde woina.

Hebre-na 1:3

Mam mi Ma tak b’o d’a subura hAlonid’a woina, ni Ma dedege d’igi Alona na na, ni Ma nga mi gang ahlena akulo ki zla d’a de d’a ad’eng nga avunambina. Ata yima mi mbus tchod’a hi suma woi mbusâ, mi i kak sä akulo ata bik ka ndjufa hAlo ma ad’eng ma kal papana.

Hebre-na 11:8

Ni yam he gagazid’a ba, Abraham, ata yima Alona mi yuma, mi ge yam kä, mi i yam andaga d’a Alona humzi djonid’a. Mi ar ambas mamba, mi we nga yima mi i kuana d’i.

Jacques 2:1

B’oziyona, agi suma hagi gagazid’a yam Saleina Jesus Christ ma suburina, agi kagi ir sa d’i.

Josue 24:2

Josue mi de mablau d’a peta ala: Ma didina Alona hi Israel-lîna mi dala: Abuyogi ngolo adjeu dedei a kak sä nabo alum ma Efrat-na sä woi hî, nala, Tera Abraham azi ki Nahor abuyoziya, a kud’orî alo ma dingâ.

Vama ndum mbeina 4:11

Â, Salamina Alo mamina, ang ndak á subura, á hud’a, á vad’enga mi. Kayam ahlena pet ang lazi ni angû; nata min manga ba, azi nga, azi nga karid’a mi.