Sunda hi suma a sunuzinid’a 6:14 - Bible azumeina

¹⁴ Kayam ami humumi mi dala: Jesus ma Nazarat máma mba mi b’lak gong nga kud’ora hAlonid’a woyo, mba mi mbut zla d’a adjeu d’a Moise mi areizid’a kä.

Sunda hi suma a sunuzinid’a 6:14 Kruisverwysings

Isai 65:15

Simiyêgi mba mi arî vama suma an manazina a ge ki vuna mi suma ala: Ar Salad’a Ma didina mi tchagi woyo na. Wani an ni tin azungeî mana simi ma dingâ.

Jeremi 26:12

Ata yi máma Jeremi mi de mi suma nglona kablau d’a peta ala: Zla d’a agi humut pet wanda, ni Ma didina ba, mi sununï á djogot tei yam gong nga wanda kazì ma ngol ma wana mi.

Jeremi 26:18

Mika ma Moreset-na mi djok vuna kur atchogoid’a hi Ezekiyas amul ma Juda-nid’a, mi de mi suma Juda-na pet ala: Ma didin ma ad’engêm kal petna mi dala: A mba zum Siyon d’igi sana mi zum asinena na, Jerusalem mba d’i mbut ni mola hahinad’id’a, ahina d’a a min gong nga kud’ora hAlonid’a kata, mba d’i mbut ni yima akulo nding ma agud’a kam ndindi’â.

Daniel 9:26

Bugol biza d’a kid’iziya kid’iziya dok karagaya yam mbà ndata, a mba tchi Mesi máma, a mba fe sama ndjun kam mbi. Bugol suma hamul ma dingîna a mba mba, a mba b’lak yima ngolâ woi ki yima a tinim iram vama mi. Hina pet pî, ayîna hAlonina mba mi tchi amul máma woyo, wani mam mba mi dur ayîna mi b’lak yina gak mat mama d’igi a nga kam na mi.

Wana ni mbaktumba hi Oze-d’a 3:4

Kayam Israel-lâ a mba kak ngola tatâ bei amulâ, bei ma te kazina, bei ma ngat buzuna, bei ahina d’a ge humba, bei filei ma a yum ala efona, bei ma a yum ala terafima mi.

Mise 3:12

Ni kayam agi ba, a mba zum Siyon d’igi sana mi zum asinena na, Jerusalem mba d’i mbut ni mola hahinad’id’a, ahina d’a a min gong nga kud’ora hAlonid’a kata, mba d’i mbut ni yima akulo nding ma agud’a kam ndindi’â.

Zakari 11:1

Ndak ambas sa Liban-nda, ndak mal lovot maka woyo, ar akud’a ti ngal agu sedre ma’â.

Zakari 14:2

Ma didina mba mi tok andjaf suma á dur Jerusalem. A mba hlazì ma ngolâ, a mba hurum azina, a mba b’lak aropma, abo azì ma ngolâ suma kuruma a mba yozi magomba. Wani suma a arâ a mba dap pei kur azì ma ngolâ d’i.

Matiye 26:61

Sama wana mi dala: An ndak á to gong nga kud’ora hAlonid’a kä, an mba ni minit akulo kur bur ma hindina.

Marik 14:58

Ami humumi mi dala: An mba ni to gong nga kud’ora hAlonid’a d’a suma a minit kabozid’a woyo, wani bugol kur bur ma hindina an mba ni min nda ding nga bei sana mi minit kabombid’a akulo.

Wana ni Zla d’a Djivi d’a Luc mi b’irita 21:24

A mba tchi suma dingâ ki mbigeu d’a fiyaka, a mba yo suma dingâ magomba aduk andjaf suma pet. Andjaf suma dingâ a mba miret Jerusalem kä kasezi gak atchogoi mazid’a ndaga.

Wana ni Zla d’a Djivi d’a Luc mi b’irita 21:6

Burâ nga mi mba, ata yi máma, ahina d’a a mba arat akulo yam ndrat ahina d’a bei hôt kä woid’a nga d’i.

Jean 2:19

Jesus mi hulong dazi ala: Agi togi gong nga kud’ora hAlona d’a wanda kä, wani kur bur ma hindina, an mba ni minit akulo.

Jean 4:21

Jesus mi dat ala: Atchad’azina, ndak hum zla manda. Yina nga mba, ata yi máma agi mba kud’urogi Abud’a ni yam ahina ndata d’i, d’oze avo Jerusalem mbuo mi.

Sunda hi suma a sunuzinid’a 15:1

Suma dingâ a tcholï Jude, a mba Antiyos, a hat b’oziyoina ala: Le agi ngad’agi nga bayâd’a d’igi gata hi Moise-sa he vuna na d’uo ni, agi ndak á fagi suta d’i.

Sunda hi suma a sunuzinid’a 21:21

Azi hum zla manga ala ang nga hat Juif suma a nga kaka aduk andjaf suma dingâ ala a ar gata hi Moise-sa woyo, a ngat grozina bayâd’a d’uo, a ngom zlad’a hi simiyêzid’a d’uo mi.

Sunda hi suma a sunuzinid’a 25:8

Ata yi máma, Paul nga mi väd’u zla mamba. Mi dala: An le nga tcho d’a kak djangûna ki gata hi Juif-fîd’a d’oze gong nga kud’ora hAlonid’a d’oze ki ma te yamba Sesar ruo mi.

Sunda hi suma a sunuzinid’a 26:3

Kayam ang we zlad’a hi Juif-fîd’a tetet ki tuguyo mazid’a mi. Kayam ndata, an nga ni tchenengû, ang ve tangû, ang hum zla manda.

Sunda hi suma a sunuzinid’a 28:17

Bugol burâ hindi, Paul mi yi suma nglona hi Juif-fîna. Ata yima azi to’â, mi dazi ala: B’oziyona, an le nga vama kak djangûna ki Juif-fâ d’oze ki zlad’a hi simiyeîd’a d’uo pî, Juif-fâ a gan dangeina avo Jerusalem, a han abo Romê-na.

Galat-na 3:19

Ni kayam me ba, Alona mi tin gata ge? Mi tinit á tak tcho d’a led’a abua, gak andjafâ hi Abraham ma Alona hlum vunam kama mi mba. Malaikana a he gat ndata mi Moise ma aduk suma kAlonina.

Galat-na 3:23

Avok ka bei he gagazid’a ti mba tua d’a, gata nga d’i ngomei djinda kä á djup he gagazid’a nde mat ta woid’a.