Sunda hi suma a sunuzinid’a 6:11 - Bible azumeina

¹¹ Azi he beged’a mi suma dingâ gumun ala a dala: Ami humumi nga mi de zla d’a tchod’a yam Moise kAlona.

Sunda hi suma a sunuzinid’a 6:11 Kruisverwysings

Buzuk ka Abud’a 23:1

Ma didina mi de kua ala: Agi tid’igi avun suma ki zlad’a aboina d’i, agi ndjagagi vunagi ki sama asa’atna á le glangâs ma aboina á ndjunum mbi.

Jeremi 26:11

Suma ngat buzuna, suma djok vuna kablau d’a peta a dazi ala: Sa máma mi ndak á tchid’a, kayam nga mi djok vun ma tchona yam Jerusalem; agi tagi humugizi ki humagi mi.

Jeremi 37:13

Kid’a mi mbaza avun agre’â hi Benjamin-nid’a, ma ngolâ hi suma ngom yina ma a yum ala Jireya na, ni Selemiya goroma, ni Hananiya gorom ngolona, mi nga kua. Mi ve ma djok vun Alona Jeremi, mi dum ala: Ang i naduk suma Babilon-na!

Sunda hi suma hi Levi-nid’a 24:16

Sama mi lazan simiyêna, ablau suma a durum kahinad’a, a tchum mbeyo. Le nangeina d’oze gor vuta pî, a tchum mbeyo, kayamba mi lazan an Alona simiyênda.

Jean 1:17

Alona mi he gata yam suma nabo Moise, wani sumad’a ki gagazid’a a mba ni yam Jesus Christ.

Jean 16:3

Azi mba lagi hina kayam azi we nga Abun ndi, a wan nga an nduo mi.

Jean 9:29

Ami wami ala Alona mi de zlad’a mi Moise. Wani sa máma, ami wami nga yima mi tcholï kuana d’i.

Sunda hi suma a sunuzinid’a 15:21

Kayam me, kur atchogoi d’a kala gak ki tchetchem, suma a nga tchi wala yam gata hi Moise-sa kur azì ma ngol ma lara ge pet, a nga ndum mbaktum mamba kur gongîyo suma toka hi Juif-fîna, kur bur ma sabat ma lara ge pet.

Sunda hi suma a sunuzinid’a 18:6

Wani Juif-fâ a nga hum zla mamba d’i, a nga ngulumu. Kayam ndata, mi gas baru mama woyo, mi dazi ala: Le agi bagi woyo ni, ni tcho magid’a; zla nga kan ndi. Ki tchetchemba, an nga ni i ata andjaf suma dingâ.

Sunda hi suma a sunuzinid’a 21:28

A er ad’uzi akulo ala: Agi Israel-lâ, agi mbeï ndjunumiya. Wana ni sama nga mi tchi wala ata yina pet ala suma a noî Israel-lâ ki gata hi Moise-sa ki gong nga kud’ora hAlona d’a wanda woi mi na. Wani ki tchetchemba, mi mbeï wa kandjaf suma dingâ kur gong nga kud’ora hAlonid’a á mbut yi mei ma a tinim iram vama ndjendjed’a.

Sunda hi suma a sunuzinid’a 25:3

mi lazi djivid’a, mi ge sunda á mba ki Paul Jerusalem. Azi gun wa tazi á tchum glovod’o.

Sunda hi suma a sunuzinid’a 25:7

Kid’a Paul mi mbad’a, Juif suma a tcholï Jerusalem-ma a nguyumu. A tchugum zlad’a kam ngola, wani azi ndak á fe vama tak kei abu ala zla d’a azi tchuguzi kamba ni zla d’a gagazid’a d’a d’i.

Sunda hi suma a sunuzinid’a 26:11

An lazi ndaka yan ablaud’a kur gongîyo suma toka hi Juif-fîna pet. An lazi kad’enga á tin vunazi yam he gagazi mazid’a. Hurun zal atazi ngola. An djobozi vunazi gak kur azì ma ngol ma dingâ mi.

Sunda hi suma a sunuzinid’a 6:10

Wani azi ndak á kal kam mbi, kayam nga mi dazi zlad’a ki ne d’a Muzu’â mi humzid’a.

Sunda hi suma a sunuzinid’a 6:12

Azi djiwï suma akulo ki suma nglona ki suma hat gata. Azi mba, a ve Etienne, a tanam a im avok suma nglo suma b’ak zlad’a.

Sunda hi suma a sunuzinid’a 6:13

A yoï suma glangâs suma ka zlad’a suma a dala: Sa máma mi ar nga á de zla d’a tchod’a yam gong mei d’a kud’ora hAlonid’a ki gata hi Moise-sa d’i.

Romê-na 3:8

Ni kayam me ba, ami nga dami ala ar ei lei tchod’a, kayam djivid’a ti mba d’uo ge? Gagazi, suma dingâ a nga las zla mamid’a, a nga dala ami dami hina. Alona mba mi kazi sariyad’a kazi nata yad’u.

1 Timote 1:13

Adjeu an ni ma las Alona, ni ma djop vun suma, ni ma ngul suma mi. Wani Alona mi wan hohowonu, kayam an le hina ni bei wed’a, bei he gagazid’a mi.