Sunda hi suma a sunuzinid’a 5:11 - Bible azumeina

¹¹ Suma Toka ki suma a hum ahle ndazinina pet a le mandarâ ngola.

Sunda hi suma a sunuzinid’a 5:11 Kruisverwysings

Sawal la giled’a 89:7

Ma didina, ma kur akulod’a ma mi nga tam ki sed’engâ nga d’i, alo ma hle tam d’igi ang na na nga d’uo mi.

Jeremi 32:40

An mba ni djin vun Ma djin ma didina ki sed’eziya, an mba ni wal lei ki sed’ezi d’i. An mba ni lazi djivid’a, an mba ni kal mandar mana kuruziya, kayambala azi wal lei ki sed’en nduo d’angû d’a.

Sunda hi suma a sunuzinid’a 19:17

Juif-fâ kandjaf suma ding suma a nga kaka kur Efes-sâ pet, a hum zla ndata, a le mandarâ ngola, a nga subur simiyê Salad’a Jesus.

Sunda hi suma a sunuzinid’a 2:43

Suma pet a le mandarâ, kayam suma a sunuzina a lahle suma atchapma ngola kahle suma simata mi.

Sunda hi suma a sunuzinid’a 5:5

Ata yima Ananiyas mi hum zla ndatina, mi puk kä, mi mid’a. Suma a hum ahle ndazinina pet a le mandarâ ngola.

Sunda hi suma a sunuzinid’a 9:31

Kayam ndata, suma toka hi Christ suma yam ambas sa Jude-d’a ki d’a Galile-d’a ki d’a Samari-d’a petna, tazi d’i tchuk simetna, a fad’enga, a nga i avogovok á le mandara Salad’a, Muzuk ma bei tchod’a ba na nga mi ndjunuzi mi.

Filip-ma 2:12

Kayam ndata, buniyôn suma od’a, d’igi agi nga humun teteu na, nga ni iran hol li, wani ki tchetchemba an nga adigagi d’uo pî, ar agi lagi sunda yam sut magid’a ki mandarâ ki zlaka mi.

Hebre-na 11:7

Ni yam he gagazid’a ba, Noe mi hum zla d’a Alona mi dum yam vama suma a wum nga d’uo tua na. Noe mi ge yam kä avok Alona, mi min batod’a á sut suma avo hatama. Ni hina ba, mi ka sariya d’a matna yam suma yam andagad’ina. Alona mi mbud’um sama d’ingêrâ yam he gagazi mamba.

Hebre-na 12:15

Agi gologi tagi djiviya, sa mi kid’ak kei ata sumad’a hAlonid’a d’i. Ar sa mi tchol adigagi d’igi agu ma aglarâ na á djok suma ablaud’a ki tcho mamba d’i.

Hebre-na 12:28

Kayam ndata, ei suma kalei kur leu d’a bei gigeta na d’a, ar ei lei mersi mAlona kayam ndata. Ar ei kud’orei Alona ki kud’or ra lum tam djivid’id’a ki mandarâ ki zlaka,

Hebre-na 4:1

Kayam ndata, ei golei tei djivi yam vun ma hle ma Alona mi hleizi yam yima tuk ta mamina. Ar sa adigagi mi kid’ak kei ata yima tuk ta mama d’i.

1 Pierre 1:17

Kur tchen magid’a agi nga yagi Alona ala Abugiya. Ni mam ma nga mi ka sariyad’a yam nge nge pî abo tat tu yam vama mi lumina. Kayam ndata, ata yima agi nga kaka ka hî yam andagad’ina, ar agi tagagi tit magid’a ki ge yam magi d’a kä kamba woyo.

Vama ndum mbeina 15:4

Salamina, ni nge ba, mba mi lang mandarang nguo ge? Ni nge ba, mba mi suburung nguo ge? Kayam ang tu ni Ma bei tchod’a ba na. Andjaf suma pet a mba mba, a mba grif kä avorong á kud’urongû, kayam sun mang nga d’ingêra, ti nde wa woi abua.