Sunda hi suma a sunuzinid’a 4:27 - Bible azumeina

²⁷ Gagazi, kur azì ma ngol ma wana a kak djangûna kazong mang ma bei tchod’a ba na, nala, Jesus ma ang manama. Herot ki Pôs Pilat kandjaf suma dingâ ki Israel-lâ a zlap vunazi kamu.

Sunda hi suma a sunuzinid’a 4:27 Kruisverwysings

Wana ni mbaktumba hi Job-pa 14:4

Ni nge ba, mba mi ndeï vama yed’etna woi ata vama ndjendjed’a ge? Sa tu pî mi ndak á le hina d’i!

Wana ni mbaktumba hi Job-pa 15:14

Sana ni nge ba, mi dala mam mi sama yed’etna ge? Sama atchad’a ti vud’uma mi ndak á kak sama d’ingêrâ zu?

Wana ni mbaktumba hi Job-pa 25:4

Ni nana ba, sana mi mbut sama d’ingêrâ avok Alona ge? Ni nana ba, sama atchad’a vud’uma mi mbut sama yed’etna ge?

Sawal la giled’a 2:2

Amulei suma yam andagad’ina a tchol ki huneîd’a, suma te yamba a ndjak vunazi tu á kak djangûna ki Ma didina ki ma mam minim tinim amulina.

Sawal la giled’a 2:6

Mi dala: Ni an ba ni man amul ma an tinim iram vama yam ahina man nda Siyon nda a tinit irat vata.

Sawal la giled’a 45:7

Alona, zlam mang nga amula ni d’a gak didinda. Ang nga te leu manga ni ki d’ingêra.

Isai 37:26

Ang Sanakerip, ang we djiviya! Ni an Ma didina ba, ni min ahle ndazina dedei. An nga hurun á lahle ndazina navok dedei. Ki tchetchemba, an nga ni lazi wana. Ni an ba ni hang lovota á to azì ma nglo ma ad’eng ma ngunguna kä woyo.

Isai 49:7

Ma didin ma wurak yam suma ma tin tam irat vat yam Israel-lîna, mi de mi sama suma a golom isâ, mi sama andjaf suma a golomî vama ndjendjed’ina, mi magoma hi suma te yambina ala: Amuleina a mba wangû, a mba tchol akulo avorong mi. Suma nglona a mba grif kä avorong yam an Ma didin ma d’engzeng ma an tin tan irat vat yam Israel ma ni manangâ.

Isai 53:3

Ni ma a golom is a noyôm mbeina mi. Ni sama kur pupulukina, ni ma hat kur ndakina mi. Mi hle tamî d’igi sama suma a hle yazi woi kam á golom mbuo na na. A golom is, ei golomî va d’uo mi.

Isai 61:1

Muzu’â hi Salad’a Ma didinina mi nga kaka kanu, kayam Ma didina mi von mbulâ kan mi tinin iran van ná tchi wal zla d’a djivid’a mi suma hohoud’a. Mi sunun ná b’leng hur suma huruzi mi b’la’â, á tchi wala mi suma a yozi magombina á tchuguzi akulo, á tchi wala mi suma a nga kur dangeinina á tchuguzi akulo mi,

Matiye 14:1

Ata yi máma, Herot ma te yamba yam andaga d’a Galile-d’ina, mi hum zla Jesus.

Matiye 14:3

Kayam adjeu Herot mi ve Jean mi djinim mi gum dangeina kayam Herodiyas atchad’a hi wiyema Filip-pa.

Matiye 14:6

Kid’a Herot mi le tena yam bur mam ma vutid’a, Herodiyas gorota ti nde lü ndjongâ woi avok suma mi yazï yam tenina. Herot tam lum djivid’a heî yam ndjong matna.

Matiye 21:28

Jesus mi djop suma nglona ala: Agi djib’eregi nana? Sana mi nga ki grona mbà. Mi i ata ma avo’â, mi dum ala: Gorona, ang i le sunda kur asinena ini.

Matiye 23:37

Jesus mi de kua ala: Agi suma Jerusalem-ma, agi suma Jerusalem-ma, agi tchagi suma djok vun Alona, agi durugi suma Alona mi sunugizïna kahinad’a mi. Ni yan ga ba, an min á kod’ogi d’igi ahleka nga d’i kot grotna ad’u gigingât na ge? Wani agi nga minigi d’i.

Matiye 27:2

Azi djinim a im a hum abo Pilat ma te yamba.

Marik 10:33

Mi dazi ala: Gola! Ei nga tubi kur Jerusalem. Suma a mba han an Gor Sana abo nglo suma ngat buzuna azi ki suma hat gata. Azi mba kan sariya d’a matna kanu, a mba han abo andjaf suma dingâ mi.

Marik 15:31

Hina mi, nglo suma ngat buzuna azi ki suma hat gata, a nga luwum aduk tazi ala: Mi sut suma dingâ, wani mi ndak nga á sut tam mbi.

Wana ni Zla d’a Djivi d’a Luc mi b’irita 1:35

Malaikana mi hulong dat ala: Muzuk ma bei tchod’a ba na mba mi mba kagu, ad’enga hAlo ma sä akulo ma kal teglesîd’a mba d’i zlubuk yak d’igi angusâ na. Kayam ndata, gor ma bei tcho ma ndak mba d’i vud’uma, Alona mba mi tinim simiyêm ala Alo ma kal teglesâ Goroma.

Wana ni Zla d’a Djivi d’a Luc mi b’irita 22:63

Suma a ve Jesus-na a nga lazamu, a nga tom mi.

Wana ni Zla d’a Djivi d’a Luc mi b’irita 23:1

Sum ndazina a yo ki zla tazi pet, a i ki Jesus avok Pilat.

Wana ni Zla d’a Djivi d’a Luc mi b’irita 4:18

Muzu’â hi Salad’ina mi nga kanu, kayam mi von mbulâ kan mi tinin iran van ná tchi wal Zla d’a Djivid’a mi suma houd’a. Mi sunun á tchi wala mi suma a yozi magombina á tchuguzi akulo, á mal ir suma duka woyo, á tchuk suma a nga lazi ndakina akulo,

Wana ni Zla d’a Djivi d’a Luc mi b’irita 9:22

Mi dazi ala: Mbeî an Gor Sana mba ni fe ndaka ngola. Suma nglona azi ki nglo suma ngat buzuna ki suma hat gata a mba noyônu, a mba tchanu, wani kur bur ma hindina, an mba ni tchol akulo aduk suma matna.

Jean 1:11

Ti mba avo hatad’u, wani sum matna a vat nga atazi d’i.

Jean 10:36

ni nana ba, agi nga dagi yam an ma Abun mi manan mi sununï kur duniyad’ina ala: Ang nga las Alona, ni kayamba an dala: An nAlona Goroma d’a zu?

Jean 18:28

A nde Jesus woi avo hi Kayif ki yorogo tcholola, a im kur azina hi ma te yambina. Azi tazi tchuk nga kua d’i, kayam azi min mbut tazi ndjendjed’a d’i, kayam azi fe lovota te Pa’â.

Jean 18:29

Kayam ndata, Pilat mi nde woyo, mi i geveziya, mi djobozi ala: Agi kalagi yam sa máma ni yam me ge?

Jean 19:34

Wani ma dingâ aduk azigarâ, mi tchogom fefed’em kasapa. Ata yi máma na wat, buzuna ki mbina a djang ngeyo.

Sunda hi suma a sunuzinid’a 10:38

Agi wagiya, ni nana ba, Alona mi vo Muzuk mama kad’enga yam Jesus ma Nazarat-na ge? Mi i ata yina teteng á le djivid’a, á sut suma pet suma a nga ad’u ad’enga hi Diable-d’ina, kayam Alona mi nga ki sed’emu.

Sunda hi suma a sunuzinid’a 2:27

kayam ang mba aran kä ata yima azuleina d’i, ang mba aran ma ang tinin iran vana kä kur zula á tchimba d’i.

Sunda hi suma a sunuzinid’a 4:30

Ang mat abong á sut suma tugud’eid’a, á lahle suma simata kahle suma ndandalâ ki simiyê azong mang ma bei tchod’a ba na Jesus.

Hebre-na 7:26

Jesus ni Ma ngol ma ngat buzu ma ndak memet keina, ni Ma d’ingêrâ, ni Ma bei zlad’a kama, ni Ma bei le tchod’a ba na. Alona mi walam mbei ki suma le tchod’a, mi hlum sä kur akulod’a gevemu.