Sunda hi suma a sunuzinid’a 4:11 - Bible azumeina

¹¹ Mbaktumba hAlonid’a ti de yam Jesus ala: Mam mi ahina d’a agi suma djak gonga gat teid’a, ni d’a mbut ta djik gong nga akulod’a.

Sunda hi suma a sunuzinid’a 4:11 Kruisverwysings

Zla d’a d’ogolâ 28:1

Sama asa’atna mi ringî bei sa mi digim ba, wani sama d’ingêrâ, mayîna ni d’igi azlo ma azongâ na.

Isai 28:16

Ni kayam ndata ba, Salad’a Ma didina mi dala: Gola! An tin nga ahina d’a gäd’u gonga kur Siyon, nahina d’a an kugut dad’a, nahina d’a guzut kal tegles sa nga tchola ad’enga ngungud’a. Sama deng tam atatna, mba mi ka’î ad’enga d’igi ndat na mi.

Zakari 3:9

Ma didin ma ad’engêm kal petna mi de kua ala: Ahina d’a tu d’a an tinit avok Josue wanda, ira nga kua kid’iziya. An mba ni b’ir b’ir ra ndak á b’irid’a kua, an mba ni hle tchod’a hambas ndatid’a woi kur bur ma tuna mi.

Marik 9:12

Mi hulong dazi ala: Gagazi, Elie mba mi mba avogo, mba mi min ahlena pet ata yazi ma adjeuna. Wani ni kayam me ba, mbaktumba hAlonid’a ti dala an Gor Sana mba ni fe ndaka ngola ki lasa mi ge?

Sunda hi suma a sunuzinid’a 7:52

Ni ma djok vun Alona ma lara ba, abuyogi ngolo a djobom vunam mbuo ge? A tchi suma a tchi wal zla mbad’a hi Ma d’ingêrîna woyo. Ki tchetchemba, agi hum abo suma á tchum mi.

2 Korente-na 3:12

Kayam ndata, ami nga ki hur ma tinda, ami nga dami zlad’a bei mandarâ ba mi.

2 Korente-na 4:1

Alona mi wami hohowomiya, mi hami sun ndata abomiya. Kayam ndata, ami tami nga tchuk lus kat ti.